семејно насилство – Kurir.mk

Три случаи на семејно насилство пријавени во полиција

Тале Кристо — Mon, 23 Oct 2023 16:48:12 +0000

Во полиција вчера биле пријавени три случаи на семејно насилство. Како што информира МВР, во првиот случај синоќа, во 23.45 часот, 33-годишна жена пријавила дека околу 20.30 часот во домот во Прилеп била физички нападната од нејзиниот сопруг И.М. Во вториот случај, пак, синоќа во 20.30 часот 20-годишна жена пријавила дека околу 6.00 часот во домот во Куманово била физички нападната со тврд предмет од нејзиниот невенчан сопруг Л.А.. Во третиот случај, 20-годишна девојка пријавила дека била физички нападната од нејзиното момче, Л.Д. Случајот бил пријавен во полиција вчера, во 5.00 часот. Нападот се случил околу 1.30 часот во Прилеп. Полицијата информира дека презема мерки за расчистување на случаите.

Пријавени два случаја на семејно насилство, во Скопје и во Тетовско

Тале Кристо — Sun, 22 Oct 2023 15:29:06 +0000

Два случаја на семејно насилство се пријавени вчера во полиција. Во првиот случај вчера, во 15.10 часот во СВР Скопје 45-годишна жена пријавила дека во домот на подрачјето на Аеродром била физички нападната од нејзиниот сопруг С.П.И.(50) од Скопје. Во вториот случај, пак, синоќа околу 21 часот во Тетовско полициски службеници од СВР Тетово го лишиле од слобода Џ.Б.(46). Тој е приведен поради тоа што физички ја нападнал неговата 47-годишна сопруга. МВР информира дека презема мерки за расчистување на случаите.

Скопјанец ја претепал својата 23-годишна сопруга, поради повредите тој доби притвор

Ивана Ефремовски — Thu, 05 Oct 2023 11:42:31 +0000

СВР Скопје - Единица за насилен криминал - Одделение за семејно насилство поднесен кривична пријава против Н.М.(25) од Скопје, поради постоење основи на сомнение за сторено кривично дело „телесна повреда“ при семејно насилство. Тој се сомничи дека на 03.10.2023 на подрачјето на Кисела Вода физички ја нападнал неговата 23-годишна сопруга, со која е во бракоразводна постапка. По преземени мерки тој бил лишен од слобода и задржан во Полициската станица Кисела Вода, а на 04.10. заедно со пријавата бил изведен пред судија на претходна постапка, кој му определил мерка притвор.

Предложен притвор за скопјанец: Пред 2-годишната ќерка ја претепал сопругата со која е во бракоразводна постапка

Катерина Бојаџиева — Thu, 05 Oct 2023 09:23:24 +0000

Основното јавно обвинителство Скопје поведе постапка против едно лице за кривични дела- Телесна повреда по член 130 став 2 и Неизвршување на судска одлука по член 377 став 5 од Кривичниот законик. Осомничениот 25-годишник, на 3 октомври, алкохолизиран дошол пред влез на зграда на улицата „Пушкинова“ во Кисела Вода, и најпрво со висок тон се обратил кон оштетената со која се во бракоразводна постапка. Пред нивната заедничка двегодишна ќерка грубо ја навредувал жената, а потоа и физички ја нападнал, ја влечел за косата, ја изгребал, ја гризнал и ја зграбил за вратот. На оштетената и нанел видливи повреди и продолжил да и се заканува, одземајќи и го телефонот. Жртвата успеала да се оттргне и да избега од местото, засолнувајќи се во зградата отспротива додека случајна минувачка не повикала полиција. Исто така, осомничениот, со судска одлука од Основен граѓански суд Скопје, имал изречена привремена мерка за заштита од семејно насилство спрема неговата сопруга– забрана да се заканува дека ќе стори семејно насилство врз оштетената, забрана да ја малтретира, телефонира, вознемирува, контактира или на друг начин директно или индиректно да комуницира со оштетената, забрана да и се приближи на растојание помало од 100 метри од нејзиното живеалиште, работното место или определено место кое го посетува жртвата. Иако и претходно од надлежните институции му било укажано на ваквите забрани, тој не ги почитувал и ги прекршувал, за што оштетената во неколку наврати пријавувала во полиција. Особено имајќи предвид дека осомничениот во континуитет претходно физички и психички ја малтретирал оштетената, јавниот обвинител оцени дека постојат околности кои го оправдуваат стравот дека тој ќе го повтори кривичното дело или ќе го изврши кривичното дело со кое се заканува. Со такво образложение, обвинителот до Основниот кривичен суд Скопје достави предлог за определување мерка притвор за осомниченото лице.

Воведување бесплатно онлајн советување за жени – жртви на семејно насилство

Тале Кристо — Wed, 04 Oct 2023 12:39:17 +0000

Во рамки на советувалиштето на Сојуз - Национален совет за родова рамноправност, покрај бесплатната поддршка која се нуди за жени - жртви на семејно насилство (во форма бесплатна СОС линија, 141-700, достапна 24 часа), како и бесплатно советување со психолог, социјален работник и правен советник со физичко присуство во нашите простории, воведена е нова услуга - бесплатно онлајн советување преку видео или аудио повик. Како што наведуваат од тимот на НСРР, терминот од 45 минути се закажува преку меил адресата [email protected]., а целта на сето ова е, проширување на достапноста до сите оние жени кои имаат потреба од психо-социјална или правна поддршка, а не се во можност физички да го посетат советувалиштето. -На овој начин сметаме дека ќе влијаеме и на превенција на појавата на семејното насилство во нашето општество, побрза реакција и излегување во пресрет на потребите на жртвите со цел безбедно напуштање на насилната средина и остварување на правото на независен живот ослободен од насилство, велат од НСРР.

Си ги претепал мајката и сопругата, насилник од Гостивар ќе одговара за ова ужасно дело

Ивана Ефремовски — Fri, 29 Sep 2023 14:24:08 +0000

Надворешната канцеларија за криминалистички работи Гостивар поднесе кривична пријава против Е.А.(31) од Гостивар, поради постоење основи на сомнение за сторено кривично дело „загрозување на сигурноста“ при семејно насилство. Пријавениот, на 18.08.2023 физички ги нападнал неговата мајка и неговата сопруга и им нанел повреди.

Прифатилиште за жртвите на семејно насилство во Гостивар, локацијата ќе остане тајна

Ивана Ефремовски — Mon, 04 Sep 2023 08:17:46 +0000

Советот на општина Гостивар едногласно ја изгласа одлуката за почеток со работа на Прифатилиштето за жртвите на семејно насилство. Со ова прифатилиште ќе раководи невладината организација „Етика“, која беше избрана од Општинската комисија по јавен оглас, додека општина Гостивар за оваа намена издвои 1.200.000 денари. Поради заштита на жртвите на семејно насилство, локацијата на овој центар останува тајна, додека ова прифатилиште е на над 100 метри квадратни и таму ќе може да се сместат до 8 жртви на семејно насилство. -Како општество треба да се обединиме и да го спречиме насилството и да им помогнеме на жртвите на семејно насилство, додека семејното насилство е неприфатливо и како такво мора да се бориме против насилството, велат од општина Гостивар.

Повредена жена, ја нападнал нејзиниот сопруг

Ивана Ефремовски — Fri, 01 Sep 2023 14:35:52 +0000

Надворешната канцеларија за криминалистички работи Гостивар поднесе кривична пријава против Б.Ј.(28) од Дебар поради постоење основи на сомнение за сторено кривично дело „телесна повреда“ при семејно насилство. На 12.08.2023 во семејниот дом, пријавениот физички ја нападнал неговата сопруга. Тој ѝ нанел повреди.

Над 400 жени жртви на семејно насилство во Грција ја инсталирале специјалната апликацијата на грчката полиција „Panic Button”

Тале Кристо — Mon, 07 Aug 2023 13:35:42 +0000

Од март годинава кога пилотски беше воведена апликацијата „Panic Button” на грчката полиција за помош на жени жртви на семејно насилство, до крајот на јули, веќе 466 жени во Солун и Атина побарале да им биде инсталирана, а 47 ја активирале бидејќи се нашле во опасност, соопшти портпаролката на грчката полиција Константина Димоглиду во интервјуто за телевизијата ЕРТ, јави дописничката на МИА од Атина. Станува збор специјална апликација на грчката полиција, за која како што рече Димоглиду, е скриена и не дозволува трети лица кои можеби имаат пристап до мобилниот телефон на жртвата да ја откријат и апликацијата. Додаде дека во конкретниот период од март до јули, 1.686 жени се обратиле до полицијата за случаи на семејно насилство, а од нив само 466 избрале да им биде инсталирана апликацијата, објаснувајќи дека ги информираат жртвите на семејно насилство дека постои апликацијата и ја добиваат по нивна согласност. -Овие бројки не покажуваат пораст на семејното насилство. Овие бројки покажуваат дека сѐ повеќе жени кои биле подложени на семејно насилство долги години, а не вчера, не еден ден пред да пријават, веќе ја информираат грчката полиција. И ова е многу позитивно бидејќи жените сега знаат дека постојат надлежни сектори и апликации за семејно насилство и секако центри за советување, кои можат да ги поддржат по пријавата и доаѓаат и го пријавуваат насилството, објасни портпаролката на грчката полиција. Кон крајот на март годинава грчката полиција ја лансираше апликацијата „Panic Button” во Атина и Солун со цел справување со случаи на семејно насилство и им дава можност на жените жртви, откако ќе ја инсталираат апликацијата на нивните мобилни телефони, со притискање на едно копче, итно и безбедно да ја известат полицијата доколку се во опасност. Апликацијата мора претходно да биде инсталирана и активирана во полициска станица и ги содржи сите податоци на жртвата на семејно насилство.

Пријави за семејно насилство во кумановско и во тетовско

Тале Кристо — Sun, 06 Aug 2023 15:57:51 +0000

Два одвоени случаи на семејно насилство се пријавени во полиција во текот на вчерашниот ден. Во кумановско, син ја нападнал неговата мајка, додека во тетовско сопругот ја нападнал сопругата. -Полициски службеници од СВР Куманово во 22 часот, го лишиле од слобода С.Н., на возраст од 52 години, од кумановско село, затоа што во домот физички ја нападнал неговата 74-годишна мајка. Тој бил задржан во полициска станица, соопшти МВР. Претходно, во 17.45 часот, полициски службеници од СВР Тетово го лишиле од слобода Н.С., на возраст од 22 години, од тетовско село, затоа што во домот физички ја нападнал неговата 20-годишна сопруга. По целосно документирање на случаите, ќе бидат поднесени соодветни пријави, информираат од МВР.