сенат – Kurir.mk

Резолуција во Сенатот на САД: Секаква употреба на нуклеарно оружје на Русија во Украина ќе се смета за напад на НАТО

Тале Кристо — Fri, 23 Jun 2023 07:14:58 +0000

Во американскиот Сенат се подготвува резолуција според која ако Русија употреби нуклеарно оружје во Украина тоа ќе ја вклучи одбранбената клаузула на НАТО и ќе се смета за напад врз воената алијанса. Демократскиот сенатор Ричард Блументал од Конектикат, и републиканецот Линдзи Грем од Јужна Каролина, во Сенатот регистрираа нацрт резолуција според која „каква и да било употреба на тактичко нуклеарно оружје од страна на Русија, Белорусија или нивни агенти, или уништување на нуклеарна постројка што ќе доведе до испуштање на радијација на територијата на НАТО предизвикувајќи значајна штета по животот на луѓето, ќе предизвика итен одговор вклучувајќи имплементација на Статија пет од Северноатлантскиот договор“. -Нашата порака до оние околу Путин е ако го сторите тоа, ако ги спроведете неговите наредби ако тој некогаш ги даде, треба да очекувате масивен одговор од НАТО, и ќе се најдете себеси во војна против НАТО, изјави Грем синоќа на прес конференција посветена на нуклеарните закани од страна на Русија. Нацрт резолуцијата доаѓа во време кога Русија распоредува нуклеарно оружје кај сојузникот Белорусија која се граничи со Украина, и постојаната загриженост за состојбата на нуклеарната централа Запорожје које е во центарот на воените дејствија во Украина.

„Слава Украини“ се скандираше во американскиот Сенат, Бајден на Зеленски му порача: Не ве оставаме сами (ВИДЕО)

Ристе Здравков — Thu, 22 Dec 2022 08:30:49 +0000

САД и Украина ќе „стојат заедно“ и во 2023 година. САД ќе го испорачаат противвоздушниот систем Патриот на Киев и „ќе продолжат да ја зајакнуваат способноста на Украина да се брани – особено од руските воздушни напади, му порача американскиот претседател Џо Бајден на својот колега од Украина Володимир Зеленски кој за прв пат по 300 дена војна во неговата земја ги напушти границите и дојде во својата прва посета на Белата Куќа.. Зеленски имаше моќен говор во сенатот на САД, каде присутните скандираа „Слава Украини“

The moment when “Slava Ukraini” is being chanted in Congress and Zelensky responds with “Geroyam Slava” holding back tears. pic.twitter.com/vqra4scACi
— Rita (@Riten023) December 22, 2022

Ѓорчев во Вашингтон на форум за безбедност во Сенатот на САД

Тале Кристо — Wed, 07 Dec 2022 09:41:58 +0000

Членот на ИК на ВМРО-ДПМНЕ Влатко Ѓорчев учествува на парламентарниот форум за безбедност во Вашингтон кој се одржува во Сенатот на САД. Главни теми на форумот се војната во Украина, состојбата во Европа и светот, сајбер безбедноста, енергетската криза и други поврзани теми. На форумот ќе се обратат сенаторите Том Тилис, Бил Кесиди, Синтија Луминс и Џејмс Ланкфорд, како и 10-тина конгресмени и претставници од институции и организации од САД. На форумот учествуваат околу 200 учесници, како и пратеници од САД, Европскиот парламент, Канада, Велика Британија, Германија, Украина, Италија, Шпанија, Франција итн.

Републиканците водат во битката за Сенатот

Тале Кристо — Thu, 10 Nov 2022 14:37:08 +0000

Врз основа на досега преброените гласови на изборите за американскиот Конгрес, републиканците имаат мала предност пред демократите во трката за Сенатот со освоени 49 спрема 48 места, додека предноста на републиканците во трката за контрола на Претставничкиот дом е малку повисока – освоени 209 места наспроти 191 За трката за контрола на Сенатот ќе одлучуваат резултатите од изборите во три сојузни држави – Џорџија, Невада и Аризона, јави Си-Ен-Ен. Актуелниот сенатор од државата Џорџија Рафаел Ворнок, демократ, и републиканскиот кандидат Хершел Вокер ќе се соочат во вториот круг од Сенатот на 6 декември, откако ниту еден не го доби потребното законско мнозинство во првиот круг. Дали Џорџија ќе биде клучна за демократската контрола на Сенатот по вторпат по ред, ќе зависи од исходот на изборите во другите сојузни држави, особено во Аризона и Невада, каде републиканците се обидуваат да ги исфрлат своите демократски противници од трката, јавија американските медиуми. Во меѓувреме, беше објавено дека републиканскиот сенатор Рон Џонсон го победи демократот Мандела Барнс и задржа уште едно место во Сенатот во рацете на републиканците, а исто така го спречи Барнс да влезе во историјата како прв црн сенатор од државата Висконсин. Според постојното свикување на Претставничкиот дом, демократите имаат слабо мнозинство (222 спрема 213) и речиси е сигурно дека ќе го загубат по овие избори, наведува Би-Би-Си. Изборните комисии ширум САД сè уште ги проверуваат гласовите и, исто како што се случи на последните избори во 2020 година, конечните резултати може да потраат со денови или недели.

Во американскиот Сенат претставен нацрт-закон за демократија и просперитет на Западен Балкан

Магдалена Андонова — Fri, 05 Aug 2022 12:21:14 +0000

Во американскиот Сенат беше презентиран нацрт-законот за демократија и развој на Западен Балкан, чија цел е да се поддржи економскиот развој на регионот преку иницијативи за инфраструктура, трговија и борба против корупцијата, вклучувајќи го и дефинирањето на санкциите за „одвраќање на дестабилизирачките активности на Западен Балкан“. Нацрт-законот за демократија и просперитет на Западен Балкан го претстави сенаторката Џин Шахин, која неодамна ја предводеше конгресната делегација со сенаторите Крис Марфи и Том Тилис во посета на Балканот, заедно со републиканскиот сенатор Роџер Викер. Тие се и предлагачи на нацрт-законот. – По неиспровоцираната војна на Русија во Украина и јасните амбиции на Путин да шири малигно влијание низ Источна Европа, односот на САД со Западен Балкан е од клучно значење. Затоа сум горда што презентирама нов, двопартиски закон кој ја зајакнува трговијата и инвестициите меѓу САД и Западен Балкан, истовремено ја искоренува локалната корупција и ги дефинира санкциите против дестабилизирачките актери, што го отвора патот за поголема евроатлантска интеграција, истакна Шахин. Со нацрт-законот се покренува антикорупциска иницијатива, која му наложува на државниот секретар Ентони Блинкен да обезбеди техничка помош за секоја земја од Западен Балкан во развојот на националната антикорупциска стратегија. Исто така, се поттикнуваат универзитетски партнерства, ангажман на Мировниот корпус во регионот, создавање на балканска иницијатива на млади лидери и се бара од Американската развојна финансиска корпорација да отвори претходно најавена канцеларија во регионот. Сенаторот Марфи оцени дека одржувањето на мирот на Балканот е од клучно значење за европската безбедност. Тој нагласи дека овој закон ќе ги зајакне врските меѓу САД и Балканот, ќе ги прошири економските можности и ќе ги поддржи напорите за унапредување на демократијата, како и за искоренување на корупцијата. (МИА)

Американскиот Сенат го поддржа влезот на Финска и Шведска во НАТО

Ивона Петрова — Thu, 04 Aug 2022 05:33:07 +0000

Американскиот Сенат вчера го одобри влезот на Финска и Шведска во НАТО, што претставува најзначајното проширување на 30-члената Алијанса од 1990-тите, а кое доаѓа по руската инвазија врз Украина. Сенатот со 95 гласови „за“ и еден „против“ гласаше за поддршката на ратификацијата на пристапните документи на двете скандинавски земји, значително надминувајќи го двотретинското мнозинство од 67 гласови потребни за ратификација. Шведска и Финска аплицираа за членство во НАТО како одговор на руската инвазија на Украина, која постојано ги предупреди двете земји да не се приклучат кон Алијансата. Сите 30 членки на НАТО во јули го потпишаа пристапниот протокол за Шведска и Финска, дозволувајќи им да се приклучат кон нуклеарниот сојуз, предводен од САД, откако сите земји членки ќе ја ратификуваат одлуката. Ратификацијата на договорите може да потрае и до една година, иако неколку земји веќе ја одобрија, вклучувајќи ги Канада, Германија и Италија. Сенаторите од двете партии дадоа јасна и силна поддршка за членството на двете земји, опишувајќи ги како важни сојузници чии модерни војски веќе тесно соработуваа со НАТО. -Квалификациите на овие две просперитетни, демократски нации се извонредни и ќе служат за зајакнување на НАТО алијансата, рече демократскиот сенатор Боб Менендез, претседател на Комитетот за надворешни односи, барајќи ја поддршката од сенаторите пред гласањето.

Сенатори со писмо до Бајден за критериумите според кои го повикува Самитот за демократија

Ивона Петрова — Wed, 10 Nov 2021 08:10:18 +0000

Претседателот на Комитетот за надворешни работи на Сенатот, Боб Менендез и уште седум други сенатори испратија писмо до американскиот претседател Џо Бајден пред Самитот за демократија, барајќи појаснување во однос на критериумите кои се применуваат при донесувањето одлуки кои земји ќе бидат поканети да учествуваат. Сенаторите прашуваат и каква улога ќе има граѓанското општество во планирањето и спроведувањето на самитот, како и кои конкретни одговорности ќе ги преземе администрацијата за време на состанокот и што очекува од другите земји, јавува Гласот на Америка. -Додека демократиите имаат многу облици, а некои земји имаат проблеми со консолидирање на демократските институции и практики, мора да ни биде јасно зошто ја повикавме секоја конкретна влада, наведуваат сенаторите, кои побараа од претседателот Бајден список со поканети земји и објаснување за критериумите по кои се поканети. Потписниците на писмото до Бајден прашаа и каква улога предвидува претседателот за Конгресот на самитот, имајќи го предвид неговиот статус како гранка на власт која во американската дипломатија е рамна на извршната, односно владата. Тие изразија очекување дека членовите на Конгресот ќе учествуваат на самитот. Тие, исто така, изразија очекување дека учесниците на самитот ќе разговараат за сегашните демократски системи, особено во период на падот на демократијата ширум светот, наведува Гласот на Америка. -Претстојниот декемвриски Самит за демократија претставува значајна можност да ги поддржиме нашите сојузници да се приклучат на нашите напори да ја ставиме демократијата во центарот на меѓународните односи. Унапредувањето на демократските принципи и заштитата на човековите права се, навистина, во интерес на сите наши сојузници, додаваат сенаторите. Покрај Менендез, писмото го потпишаа и демократските сенатори Бен Кардин од Мериленд, Тим Кејн од Вирџинија, Шелдон Вајтхаус од Род Ајленд, Брајан Шец од Хаваи, Џеф Меркли од Орегон, Рон Вајден од Орегон и Шерод Браун од Охајо.

Адвокатите на Трамп: Сенатот нема овластување да му суди на поранешниот претседател

Магдалена Андонова — Tue, 02 Feb 2021 19:00:54 +0000

Адвокатите на поранешниот американски претседател Доналд Трамп денеска изјавија дека американскиот Сенат нема овластување да му суди за отповикување како приватно лице, обвинувајќи го за поттикнување на бунтот и упадот во Капитол од 6 јануари. Британските медиуми јавуваат дека во поднесокот на тимот на Трамп што тие го доставија на една недела пред почетокот на неговото судење, исто така, тврдат дека Сенатот нема овластување да го спречи тој во иднина да извршува јавната функција. (МИА)

Италијанскиот премиер доби доверба од Сенатот

Ивона Петрова — Wed, 20 Jan 2021 06:45:30 +0000

На италијанскиот премиер Џузепе Конте синоќа му беше изгласана доверба во Горниот дом на италијанскиот Парламент. Тоа ќе и овозможи на Владата на Конте да остане на власт, иако една од партиите во владејачката коалиција се повлече минатата недела. Од сенаторите – 156 беа „за“ доверба на Владата на Конте и 140 гласа „против“, додека 16 беа „воздржани“.

Меконел: Сенатот се договори за помошта за коронавирусот во износ од 900 милијарди долари

Тале Кристо — Mon, 21 Dec 2020 07:13:20 +0000

Лидерот на републиканското мнозинство во американскиот Сенат, сенаторот од Кентаки, Мич Меконел, ноќеска соопшти дека е постигнат договор со демократските сенатори за пакетот помош за елиминирање на последиците од пандемијата на коронавирусот, во износ од околу 900 милијарди долари. -Дополнителна помош е на пат, изјави сенаторот Меконел вчера во зградата на американскиот Конгрес во Вашингтон, пренесоа британските медиуми.