сендвич – Kurir.mk

Највкусните топли сендвичи, без тостер, со остатоци од фрижидерот!

Ристе Здравков — Tue, 20 Jun 2023 09:04:50 +0000

Состојки: 1 бајат леб 1 јајце 100 гр паризер или пица шунка 100 гр кашкавал или друго сирење што го имате 180 мл јогурт или кисело млеко (1 чаша) 100 мл млеко оригано или магдонос Подготовка: Загрејте ја рерната на 200 степени. Измешајте ги изматеното јајце, јогуртот, сечканиот магдонос и ренданото сирење. Потопете ги кришките леб во млеко од едната страна и ставете ги во плех со сувата страна надолу. На секое парче ставете го подготвениот фил. По желба посипете со оригано или магдонос. Печете 10 минути додека филот не порумени одозгора.

Вегетаријански плескавици: Вкусен посен оброк за целото семејство

Ристе Здравков — Tue, 20 Jun 2023 07:31:30 +0000

Се што ви треба се два компири, кромид, зачини, брашно и 15 минути. Состојки: 500 гр компири, 70 гр кромид, сол, бибер, 90 гр брашно, масло. Подготовка: Исчистениот и измиен зеленчук изрендајте го. Додадете сол и бибер, добро измешајте, па додадете го брашното и повторно добро измешајте. Со рацете формирајте плескавици. Оваа доза прави шест парчиња. Пржете на врело масло околу пет минути од едната и пет минути од другата страна, додека не поруменат. Пријатно јадење!

СЕНДВИЧ СО ПРШУТА И СМОКВИ! Вкусна закуска на која никој не може да и одолее

Ристе Здравков — Fri, 05 Aug 2022 17:19:45 +0000

Направете сендвич со пршута и смокви кој може да биде одличен оброк доколку не сте многу гладни Состојки: четири кришки леб 100 гр пршута три поголеми смокви 100 гр козјо сирење лажица и пол павлака грст ореви Подготовка: Изгмечете го козјото сирење со вилушка, додадете павлака и сè убаво измешајте. Со добиената смеса премачкајте ги парчињата леб. Одозгора распоредете ја тенко исечената пршута и исечканите смокви, посипете со крупно исечканите ореви и послужете.

Сендвичите незаслужено се сметаат за штетни

Катерина Бојаџиева — Mon, 09 May 2022 06:42:10 +0000

Брзо приготвената храна не е секогаш штетна, смета доктор Маргарита Арзумањан, руска нутриционистка и гастроентеролог. При изборот на храна за појадок, важно е да се внимава на неговиот состав. Според докторката, идеален начин за брз појадок е да јадете нешто што содржи јаткасти плодови, интегрално брашно, зеленчук, бобинки или мешунки. – При изборот на храна за појадок, важно е да се внимава на неговиот состав. Најбрзиот и најубавиот појадок е спој од добар интегрален леб и кисело млеко и јаткасти плодови и овошје. Правилниот спој на состојки, дури и сендвичот, кој обично се смета за нездрав појадок, ќе го претвори во здраво јадење, изјави таа. Нутриционистката вели дека сендвичот може да биде добар појадок ако земете и домашно зготвено месо, пилешко или риба, во леб што содржи здрави влакна. – Од горе ставете парче краставица, домат или зелена салата, препорачува таа. Многу намирници кои некогаш се сметаа за штетни сега се произведуваат со користење на различни технологии, вели стручњакот. Така, денешните колбаси може да бидат дел од здравата исхрана. – Веќе се достапни квалитетни колбаси коишто содржат, на пр., мисиркино месо, говедско, млеко и зачини и не содржат ништо штетно. Тоа се колбаси што се добар и здрав појадок, додаде Арзумањан. Но, доколку производот содржи конзерванси, вештачки засладувачи и засилувачи на вкусот, подобро е да не се јаде тоа, како што советува нутриционистката.

12 рецепти за неодоливи сендвичи

Ристе Здравков — Tue, 29 Jan 2019 21:10:58 +0000

Без разлика дали ги правите за закуска додека гледате филм или ги пакувате за на работа, сендвичите може да заменат цел оброк ако правилно ги искомбинирате состојките. А исто така, ќе заштедите многу бидејќи во нив може да ги искористите остатоците од претходни оброци, како парче месо. Овие 12 рецепти се генијални и сигурно ќе најдете неколку што се токму по ваш вкус.

Порачал сендвич во авион, но добил…

Ивана Ефремовски — Wed, 16 Jan 2019 10:24:13 +0000

Патник на лет од Бали до Австралија од послугата во авионот побарл сендвич, кој кога го добил не бил таков каков што се надевал. Ник Мозли од Брајтон во авионот на компанијата „Џет Стар ервејс“, посакал „троен“ сендвич, но краниот резултат бил многу помаку од тоа. За својот оброк патникот палатил 9 австралиски долари, и веднаш штом го отворил, открил дека нешто недостасува – а тоа нешто всушност било сѐ! Во сендвичот имало само маргарин и лист марула, а во вториот дел едно парче варено јајце. Фотографии од овој минимизиран оброк, Мозли споделил на „Твитер“, а авиокомпанијата веднаш се извинила за необичниот сендвич кој наводно не бил дел од регуларното мени.

I must say @JetstarAirways have a cheek charging AUS$9 for sandwiches... without any fillings... Great for their bottom line but not so good for filling the tums of customers pic.twitter.com/dok9GicE9E
— Nick Mosley (@BrightonNick) January 7, 2019

Ќерка на милионер изела сендвич, па починала: Таткото денес води жестока битка

Ивана Ефремовски — Mon, 24 Sep 2018 19:01:22 +0000

По само неколку часа починала 15 годишната Наташа Еднан – Лаперуз, откако изела сендвич на аеродромот во Лондон, додека патувала кон Ница. Денеска почна судскиот процес во кој таткото на девојчето, милионерот Надим Еднан – Лаперуз ја тужи компанијата за сендвичи за убиство на неговата ќерка. Тој веднаш на девојчето и дал две инекции, бидејќи била алергична на сусам, но немало помош. Таткото, милионер и основач на фабрикатаз а играчки Wow Toys, тврди дека компанијата за сендвичи не ставила етикета на лебот дека има во него сусам, бидејќи на површината на сендвичот немало семки. Од компанијата Pret a Manger, позната во Британија по синџирот продавници за брза храна велат дека девојчето требало да праша кога го купувала сендвичот дали во него има сусам . Тие велат дека не ставаат етикети на секој производ за содржината во него, туку дека има заедничка декларација на полиците пред производите. Девојчето во 2016-та починало во болницата во Ница од алергиски шок поради силна алергија на сусам, а денеска почна судскиот процес во Лондон.

Инцидент во сендвичарница во Карпош: Скопјанец не им давал на вработените да затворат додека не му направат сендвич

Катерина Бојаџиева — Fri, 20 Apr 2018 15:34:41 +0000

Гладен скопјанец не им дозволил на вработените од позната сендвичарница да го затворат локалот, по што тие морале да повикаат обезбедување. Инцидентот се случил во вторникот на полноќ кога по завршувањето на работното време, вработените од локалот кој се наоѓа во Карпош се нашле во незгодна ситуација кога лицето им побарало да го услужат. Тој застанал пред локалот и не им дозволувал да си заминат додека не му приготват сендвич. Поради дрското однесување вработените биле приморани да повикаат обезбедување, по што лицето си заминало.