сендвичара – Kurir.mk

Белгија: Се Мобилизира албанската дијаспора, попис се спроведува и во сендвичара! (ВИДЕО)

Тале Кристо — Sat, 27 Mar 2021 14:14:26 +0000

Советот за попишување на албанската дијаспора на РСМ во Белгија се приклучи на повиците за мобилизација на дијаспората и веќе ги отвори своите канцеларии каде што граѓаните кои сакаат да го остварат правото на попис можат да одат од понеделник до петок во канцеларијата со адреса; „Chausse de Helmet 278 Schaerbeek“ од 16.00 до 17.00 часот. Додека секоја сабота и недела на адреса; „General Eenens 43“ во Шербек, од 14,00 до 18,00 часот, исто така, граѓаните на РСМ кои живеат во Белгија можат да побараат помош при попишување. Од овој Совет, за Клан Македонија велат дека до денес во 11.00 часот се попишани 3.246 граѓани, кои според нив, од 50 до 60% од оваа бројка се регистрирани со помош на овој Совет. Се известува дека во Белгија, според некои податоци, живеат над 6.000 Албанци државјани на Македонија. За повеќе информации, граѓаните на РСМ кои живеат во Белгија можат да ја посетат Фејсбук страницата на Советот.

Драма на „Партизанска“: Три лица истепаа млад скопјанец пред сендвичара

Ивана Ефремовски — Thu, 10 Dec 2020 15:04:36 +0000

На 07.12.2020 во 15,30 часот во Полициска станица Центар, Ф.Н.(22) од Скопје, пријавил дека на 28.11.2020 околу 02.30 часот пред сендвичара на бул. “Партизански одреди“, додека бил заедно со неговите пријатели М.П., Н.Ј. и С.Ј. бил физички нападнат од С.Р.и други две лица. Се преземаат мерки за расчистување на настанот.

Бизниси пропаѓаат, власта мува не ја лази: Сендвичарниците Вили затворија

Ивана Ефремовски — Tue, 17 Mar 2020 18:38:01 +0000

Кризата удри по македонските бизниси, а власта спие и не реагира. Познатите сендвичарници Вили во Скопје затворија и ќе чекаат подобри времиња. Како што објави сопственикот денеска сите објекти на Лесковачка скара кај Вили ги затворил до некое подобро време. -Бидете ми здрави, Господ напомош да ни е“ вели тој во неговата објава. Откако почна кризата со коронавирусот, во Македонија бизнисите почнаа да трпат сериозни загуби. Мерките кои препорачуваат локалите да не работат воопшто, а граѓаните да седат дома направија многу други локали да претрпат штета и затоа неопходни се интервентни мерки со кои државата ќе им помогне на бизнисите. И покрај ваквата ситуација, власта се уште нема објавено никакви економски мерки за помош на бизнисот. Иако апели за помош за компаниите беа побарани од бизнис заедниците и од сите страни, сепак досега власта мува не ја лази. На ваквата ситуација со денови предупредува и претседателот на ВМРО-ДПМНЕ, Христијан Мицкоски кој потенцира дека неопходни се антикризни мерки за заштита на бизнисот, и притоа понуди сет мерки до владата, како да се надмине оваа ситуација.

МВР: Идентитетот на починатото лице пронајдено во сендвичара се уште не е познат

Ивона Петрова — Thu, 13 Feb 2020 09:15:42 +0000

Министерството за внатрешни работи се уште работи на утврдување на идентитетот на лицето кое вчера беше пронајдено починато во објект на поранешна сендвичара на ул.„Дрезденска“ во Скопје. Од МВР велат дека се претпоставува дека се работи за бездомник, бидејќи во објектот имало импровизиран кревет. Случајот кај нив бил пријавен околу 14:30 часот, по што од страна на лекар од Итната медицинска помош била констатирана смрт, а се работи на утврдување на идентитетот.- Извршен бил увид на местото на настанот од Јавен обвинител и увидна екипа од СВР Скопје и по наредба на Јавен обвинител телото на починатиот било дадено за обдукција, информираат од МВР.

Тело во распаѓање пронајдено во поранешна сендвичарница во Скопје

Ивана Ефремовски — Wed, 12 Feb 2020 15:03:39 +0000

Машко тело во фаза на распаѓање денеска е пронајдено во поранешната сендвичарница „Густав“, на Ул. „Дрезденска“ во Скопје. Идентитетот на починатиот сѐ уште не е утврден, се претпоставува дека станува збор за бездомник кој престојувал во некогашната сендвичарница, бидејќи во просторијата имало импровизиран кревет. Извор: Алсат

Хоспитализирано уште едно лице со симптоми на труење од виничката сендвичара

Ивона Петрова — Tue, 25 Sep 2018 11:07:33 +0000

Во штипската Клиничка болница на инфективното одделение е хоспитализирано уште едно лице со симптоми на труење, а кое во текот на викендот јадело сендвичи од виничката сендвичара. Портпаролот на Клиничка болница-Штип, Марина Шуманска вели дека лицето е примено со дијареа и повраќање и е под лекарски надзор. Инаку, на инфективното одделение со новиот случај бројот на хоспитализирани достигна до осум. Резултатите од земените мостри се уште не се готови и се очекуваат во текот на утрешниот ден, а сендвичарата е затворена МИА

Ограбена сендвичара на Бит Пазар

Ивона Петрова — Tue, 10 Apr 2018 11:52:18 +0000

Две непознати и маскирани лица вчера околу 23:30 часот ограбиле сендвичата лоцирана на булеварот „Крсте Петков Мисирков“. Од полицијата информираат дека маскираните разбојници заканувајќи се со нож од вработениот одзеле 8.400 денари по што го напуштиле местото на настанот. Полицијата превзема мерки за целосно расчистување на случајот.

Сопственик на позната сендвичара во Делчево ги труел граѓаните

Ивана Ефремовски — Mon, 25 Dec 2017 20:46:17 +0000

Сопственик на позната сендвичара во Делчево ќе одговара кривично бидејќи пуштил во промет прозиводи кои се штетни по здравјето. -Надворешната канцеларија за криминалистички работи Делчево поднесе кривична пријава против Т.Г. (38) од село Разловци, Делчево поради постоење основи на сомнение за сторено кривично дело „производство и пуштање во промет на штетни и други прехрамбени продукти”. Пријавениот на 14.11. и 15.11.2017 година во Делчево на улица „ Н.Ј.Вапцаров”, во сендвичара „Кинг”, приготвил и пуштил во промет сендвичи во кои имало присуство на бактерии „Staphliococus koagulaza“ и „Enterobakteriacea“, со што го загрозил здравјето на шест лица коишто на 15.11.2017 година, се јавиле во „Итната медицинска служба” во Делчево од каде поради влошената здравствена состојба биле пренесени во „Клиничка болница” во Штип, велат во МВР