сер алекс фергусон – Kurir.mk

Тага во Манчестер: Почина сопругата на легендарниот Сер Алекс Фергусон

Ивона Петрова — Fri, 06 Oct 2023 15:46:58 +0000

Тажна вест стигна од Манчестер. Почина сопругата на легендарниот тренер Сер Алекс Фергусон (81), Кети Фергусон. Англискиот клуб ја потврди информацијата на својата официјална веб-страница и испрати порака со сочувство до сите. Таа почина на 84-годишна возраст. -Испраќаме искрено сочувство до г-дин Фергусон и неговото семејство по смртта на Лејди Кети. Таа беше сакана сопруга, мајка, сестра, баба, прабаба и столб на силата на Сер Алекс во текот на неговата кариера, Манчестер Јунајтед се вели во соопштението. Двајцата се венчаа во 1966 година и имаат три деца, Дарен, Марк и Џејсон. Трофејниот стручњак се пензионираше во 2013 година за да помине повеќе време со неа, а во една прилика откри дека тоа можело да се случи многу порано, во 2002 година. -Размислував за тоа, потоа дојде и ми рече да продолжам. Под еден си здрав, под два, не можам повеќе да те трпам дома и под три, ти си млад за да се пензионираш, потоа со насмевка ја раскажа Фергусон таа сцена. Инаку, Сер Алекс беше убеден дека ќе умре во 2018 година кога имаше мозочен удар.

Фергусон го поздрави влезот на Клоп во „клубот 1000“

Бошко Тасиќ — Sun, 22 Jan 2023 07:09:52 +0000

Јирген Клоп го имаше 1000. натпревар како тренер во својата кариера, натпревар на кој не се израдува на победа со оглед на тоа што неговиот Ливерпул ремизираше со Челси (0-0) на пресметката на „Енфилд Роуд“. Овој резултат не беше посакуван од двете екипи со оглед на тоа што приоритет беше да се забележи триумф и со тоа да се намали разликата кон местата кои водат во ЛШ во наредната сезона. Сепак тоа не се случи, но Клоп ќе го памети овој натпревар особено ако се земе во предвид и тоа што легендарниот сер Алекс Фергусон му посака добредојде во „клубот 1000“. -Воодушевен сум што можам да му посакам добредојде на Јирген Клоп во клубот ЛМА 1000. Јирген е несомнено еден од најнадарените менаџери во светскиот фудбал, посветеноста и страста што Јирген ги носи во улогата се инспиративни за секој што сака кариера во фудбалскиот менаџмент. Многуте трофеи што веќе ги има освоено во кариерата, вклучително и во последните сезони Лигата на шампионите и Премиер лигата со Ливерпул, го потврдуваат неговиот статус меѓу фудбалската елита, -порача Ферги.

Фергусон му посака добредојде на Клоп во „Клубот 1000“

Ивона Петрова — Sat, 21 Jan 2023 12:30:04 +0000

Легендата на англискиот фудбал и долгогодишен менаџер на Манчестер јунајтед, Алекс Фергусон, му честиташе на Јирген Клоп што стигна до 1.000 натпревари како менаџер. Натпреварот на Ливерпул против Челзи во 21. коло од Премиер лигата ќе биде јубилеен за германскиот стручњак. – Среќен сум што можам да му посакам добредојде на Јирген Клоп во Клубот 1000. Јирген е несомнено еден од најнадарените тренери во светскиот фудбал и посветеноста и страста што Јирген ги носи на оваа улога се инспирација за сите кои се стремат кон кариера во фудбалскиот тренер. Многуте трофеи што веќе ги освои во кариерата, вклучително и Лигата на шампионите и Премиер лигата во последните сезони со Ливерпул, го потврдуваат неговиот статус меѓу фудбалската елита, изјави Сер Алекс Фергусон. На чело на Ливерпул Клоп забележа 410 настапи, 319 со Борусија Дортмунд и 270 со Мајнц. Денешниот од 13:30 против Челзи во Премие рлигата ќе биде 1.000-ти за Германецот.

Сер Алекс Фергусон со нова функција во Манчестер Јунајтед

Бошко Тасиќ — Sat, 30 Jul 2022 04:33:47 +0000

По девет години Сер Алекс Фергусон се враќа во Манчестер јунајтед, клубот каде што стана еден од најголемите тренери во историјата на фудбалот. Славниот Шкотланѓанец ќе има сосема нова, советничка улога на „Олд Трафорд“. Имено, извршниот претседател на клубот, Ричард Арнолд, решил да состави своевиден совет од експерти кои со оглед на своето искуство ќе помогнат во креирањето на спортската политика на клубот и ќе го водат неговиот развој. Досега, покрај Фергусон, членови на таа комисија се и поранешниот менаџер Дејвид Гил, иконскиот капитен Брајан Робсон и сегашниот директор на фудбалот Џон Муртоу. Првата средба на споменатата петорка се одржа во вторник. Иако Фергус и Гил формално останаа членови на управниот одбор на клубот во советодавна улога, таа улога беше симболична по природа поради нивната важност за „црвените ѓаволи“. Во новата улога, неговите задачи ќе бидат поактивни, пишува „Дејли Мејл“. Стручниот совет ќе се грижи за односот на клубот со навивачите и имиџот и ќе се обиде да помогне со совети околу создавањето на тимот на англискиот великан.

Сер Алекс го убедува Роналдо да остане уште една година

Бошко Тасиќ — Sun, 08 May 2022 19:27:01 +0000

Британскиот весник „Дејли мирор“ објави дека Кристијано Роналдо имал „низа состаноци“ на чај со легендарниот поранешен менаџер на Манчестер јунајтед, Сер Алекс Фергусон на кои се разговарало за иднината на португалскиот фудбалер. Роналдо се врати на „Олд Трафорд“ минатото лето носејќи огромен оптимизам во клубот, но „ѓаволите“ ја завршуваат својата најслаба сезона во Премиерлигата. Роналдо имаше 24 гола во сите натпреварувања за Јунајтед, како убедливо најдобар поединец во тимот, но останува неизвесно дали ќе остане и следната сезона во тимот посебно со пристигнувањето на новиот менаџер Ерик Тен Хаг. Според „Дејли мирор“, Ферги го убедувал својот пулен да остане во Манчестер и да почека да види како ќе се одвиваат промените во клубот.

Алекс Фергусон е поплатен од некои премиерлигашки ѕвезди

Бошко Тасиќ — Sat, 16 Apr 2022 19:38:47 +0000

Легендарниот менаџер на Манчестер Јунајтед Сер Алекс Фергусон ја заврши кариерата уште во 2013 година, но се уште заработува повеќе од мнозинството фудбалери во англиската Премиер лига. Фергусон по повлекувањето од клупата на „Црвените ѓаволи“ остана во клубот како амбасадор на Јунајтед, чиј менаџер беше цели 26 години. Ако мислевте дека амбасадорската позиција во Јунајтед не е добро платена, тогаш се лажете, бидејќи легендарниот Шкотланѓанец за оваа „функција“ заработува дури 2.500.000 фунти годишно. Покрај овој извор на приходи, популарниот Ферги заработува од инвестиции, настапи во медиумите и продажба на автобиографската книга и на тој начин приходува огромни 13.500.000 фунти годишно.

Сер Алекс Фергусон доби статуа во Абердин

Бошко Тасиќ — Sat, 26 Feb 2022 09:09:56 +0000

Славниот менаџер, Сер Алекс Фергусон, во Абердин во знак на благодарност за се што постигнал со овој клуб, доби своја статуа. На свеченоста на стадионот Питодри, заедно со првиот човек на Абердин, Дајв Кормарк, присуствуваше и сер Алекс. Тие двајца заедно ја открија статуата која ја дизајнирал Еди Едвардс. „Ова е голема чест. Секогаш ќе се сеќавам на периодот во Абердин. Работев со извонредна група на фудбалери, која тренирајќи сакаше да се искачи и на Месечината. Желбата да сакате да победите повеќе од другите е она што ќе ви донесе успех“, изјави 80-годишниот Фергусон. Славниот Шкотланѓанец го предводеше Абердин од 1978 до 1986 година. Во тој период успеа да ја прекине доминацијата на Глазгов Ренџерс и Селтик во шкотскиот фудбал. Освоил вкупно 11 трофеи, три пати бил шампион на Шкотска (1980, 1984, 1985). Најголем успех му е трофејот во Купот на победниците на куповите. Абердин во 1983 година, во финалето со 2:1 го победиле Реал Мадрид.

Роналдо: Фергусон е мојот фудбалски татко

Бошко Тасиќ — Sun, 19 Dec 2021 07:35:27 +0000

Кристијано Роналдо, зборуваше за клупската телевизија и се присети на периодот кога заедно со Сер Алекс Фергусон ги испишуваа некои од најсветлите страници во поновата историја на „Црвените ѓаволи“. Фергусон беше на клупата на Јунајтед кога Роналдо како тинејџер пристигна во клубот и токму благодарение на шансата која му ја даде Шкотланѓанецот тој стана она што е денес. „Замислете, имате 18 години, доаѓате од Спортинг Лисабон и играте со ѕвезди како што се Гигс, Сколс, Кин, Солскјер. Бев малку нервозен, но Фергусон во тој период многу ми помогна да се поврзам со останатите играчи. Се сеќавам дека повремено ме викаше во својата канцеларија и дека на почетокот комунициравме преку преведувач. Тоа не беше никаков проблем. Главата работа беше она што Фергусон ми го кажуваше, ми помагаше да растам како на фудбалски, така и на личен план. Ми помагаше од првиот ден и направи се што кажа. Секогаш велам дека Фергусон ми е како татко во фудбалот“, изјави Роналдо за клупската телевизија. Не е тајна дека Фергусон одигра важна улога кон помалку изненадувачкото враќање на Роналдо на „Олд Трафорд“ кон крајот на преодниот рок во моментите кога беше извесно дека Португалецот ќе се пресели во Манчестер Сити.

Фергусон инсистира: „Златната топка му припаѓа на Кристијано Роналдо“

Ристе Здравков — Thu, 14 Oct 2021 17:15:47 +0000

Сер Алекс Фергусон вели дека „Златната топка“ за 2021 година треба да ја добие легендата на „црвените ѓаволи“, Кристијано Роналдо. „Златната топка“ стана тема во медиумите во последните денови. Љопитноста од навивачите, но не само што значително се зголеми кој ќе биде победничкиот играч овој пат, дилемата е многу поголема од другите години. Трката за „Златната топка“ започна со Меси, Рондалдо, Бензема, Левандовски итн., Кои се само дел од играчите кои се борат за оваа награда. Сер Аксел Фергунсон смета дека добитник на оваа голема индивидуална награда треба да биде Кристијано Роналдо. Според Фергусон, достигнувањата на ЦР7 во 2021 година и рекордите што ги сруши, се доволен доказ за „Златната топка“ да отиде во рацете на Португалецот. „Кристијано Роналдо ја заслужува Златната топка. Оваа година тој соборуваше рекорд по рекорд. Најдобриот голгетер во историјата на Реал Мадрид (451 гол) е најдобар стрелец во историјата на Лигата на шампионите (136) и репрезентацијата на Португалија (115). ЦР7 има 795 голови во 1.084 натпревари. Тоа не е единствениот рекорд што го држи Кристијано. Во текот на 2021 година, тој стана најдобар стрелец на сите времиња на национално ниво. Неговите 115 голови со Португалија му овозможија да го надмине рекордот на Али Даеи (109). Покрај тоа, со оваа бројка тој успеа да го победи Серхио Рамос (180) за да стане европски играч со повеќе натпревари (182)“, заклучува Фергунсон. Роналдо знае дека е тешко, но има намера да го освои овој трофеј по шести пат, колку што освои Лионел Меси, кој е кандидат оваа година и во случај на триумф, би отишол до седум Златни топки. Роналдо ја освои оваа награда еднаш со Јунајтед во 2008 година и сите други пати со Реал Мадрид во 2013, 2014, 2016 и 2017 година.

Роналдо им се обрати на навивачите: Историјата ќе се испише уште еднаш, Сер Алекс овој е за тебе (ФОТО)

Ивона Петрова — Tue, 31 Aug 2021 11:17:56 +0000

Кристијано Роналдо денеска официјално беше промовиран како нов играч на Манчестер Јунајтед. Клубот во петокот објави дека е постигнат договор со Роналдо, а денеска објави дека Португалецот се враќа на „Олд Трафорд“ на две години со можност за уште една. По низата реакции на социјалните мрежи и даде изјави, Роналдо сега се огласи и на Инстаграм. На обожавателите им порача дека историјата повторно ќе биде напишана. -Сите што ме познаваат, знаат за мојата љубов кон Манчестер Јунајтед. Годините кои ги поминав во клубот беа апсолутно неверојатно и патот кој заедно го одевме е испишан во златни букви во историјата на оваа голема институтција. Не можам да ги објаснам моите чувства сега. откако видов дека се објави моето враќање на Олд Трафорд. Тоа е како исполнување на сонот, по сите натпревари на кои играв против Јунајтед. Дури и како противник секогаш се чувствував љубов и почит од навивачите. Моја прва домашна лига, мојот прв Куп, мојот прв повик за репрезентацијата на Португалија, мојата прва Лига на шампиони, мојата прва Златна копачка и Златна топка, сите овие беа родени од посебната врска која ја имав со Црвените ѓаволи. Историјата беше испишана во минатото и историјата ќе биде испишана уште еднаш. Го имате мојот збор. Тука сум, се вратив каде што припаѓам. Ајде да направиме да се случи уште еднаш. П.С. Сер Алекс, овој е за тебе..., напиша Роналдо на Инстаграм.

View this post on Instagram

A post shared by Cristiano Ronaldo (@cristiano)