серена вилијамс – Kurir.mk

Серена Вилијамс го роди своето второ дете: Сопругот покажа како денес изгледа среќното семејство (ФОТО)

Ивана Ефремовски — Tue, 22 Aug 2023 19:51:13 +0000

Тениската икона Серена Вилијамс го доби своето второ дете. За раѓањето на девојчето објави нејзиниот сопруг на социјалните мрежи. „Добредојде Адира Ривер Оханијан“, напиша сопругот на Вилијамс, Алексис Оханијан на X, порано познат како Твитер. „Благодарен сум што можам да известам дека нашата куќа се здружува со љубов: среќно и здраво новородено девојче и среќна и здрава мајка. Се чувствувам благодарно“, додаде тој.

Welcome, Adira River Ohanian. I'm grateful to report our house is teaming with love: a happy & healthy newborn girl and happy & healthy mama. Feeling grateful. @serenawilliams you've now given me another incomparable gift — you're the GMOAT. Thanks to all the amazing medical… pic.twitter.com/AUwvt8JprI
— Alexis Ohanian 🧠 (@alexisohanian) August 22, 2023

ЗАДНИКОТ И Е ПОГОЛЕМ ОД ТРУДНИЧКИОТ СТОМАК – бебето е напред или назад запраша самата тенисерка? (ФОТО)

Дарко Андоновски — Tue, 30 May 2023 20:45:14 +0000

Серена Вилијамс го покажа својот труднички стомак и облини во елегантен црн фустан додека беше на одмор во Италија. На првата од двете фотографии, тениската легенда гледа директно во камерата, а со хумористичен опис дополнително го истакна стомакот што го откри на втората фотографија, пишува магазинот Page Six. „Внимание – работите не се секогаш онакви какви што изгледаат“, напишала во описот на фотографиите 41-годишната легенда. Вториот кадар ја покажува познатата тенисерка со голем труднички стомак и сладострасен задник. „Сериозно се обидувам да откријам дали бебето е напред или…назад“, се пошегувала на своја смета Серена Вилијамс во описот на фотографиите.

View this post on Instagram

A post shared by Serena Williams (@serenawilliams)

Серена Вилијамс позираше во долг црн фустан без ракави и розови потпетици. Имено, таа била на свадба на пријателка, бидејќи била опкружена со столици, бели рози и нешто што наликува на олтар зад неа. Обожавателите се насобраа во коментарите за да ги пофалат прекрасните кадри на славната тенисерка. Иако Серена Вилијамс се уште не го објавил полот на детето, многу корисници се убедени дека таа ќе добие момче.

Познатата тенисерка ги разнежни фановите: Серена Вилијамс ѝ соопштила на ќерката дека е бремена, нејзината реакција е преслатка!

Дарко Андоновски — Thu, 25 May 2023 19:29:03 +0000

Поранешната американска тенисерка Серена Вилијамс на почетоков на мај, на „Мет галата“ открила дека е бремена по вторпат, па сега покажа и како реагирала ќерка ѝ Олимпија кога дознала дека ќе има брат или сестра. „Се трудев да не го сфаќам ова лично, бидејќи отсекогаш сум била посветена на тренинзите, но сепак се прашував дали навистина сум се здебелила“, вели Вилијамс на почетокот на видеото. Во следниот кадар тенисерката, седи со сопругот Алексис и девојчето во дневната соба. Славната мајка потоа ѝ се обраќа на петгодишната Олимпија: „Се сеќаваш ли кога ни побара сестра или брат? Неодамна отидовме на лекар и испадна дека сепак не сум дебела, туку имам бебе во стомакот. Ќе станеш „постара сестра“. Девојчето прво ја прегрнала својата мајка, па почнала да вика и да трча низ собата. Во еден миг, се чини, паднала на земја. „Преживеа ли“?, ја прашал татко ѝ. Малечката кратко одговорила: „Добро сум“. Потоа продолжила со славењето, момент кој изнудил насмевка на лицата од родителите. „Ова е преслатко. Колку е убаво да се види нејзината среќа, честитки“. „Реакцијата на Олимпија речиси ме расплака“. „Малку е да се каже дека Олимпија е возбудена! Толку трогателно и прекрасно. Многу сум среќна за тебе, Алексис и Олимпија“. Ви благодариме што споделивте толку убав и сладок семеен момент со нас“, биле само дел од коментарите под видеото кое собрало над 60.000 прегледи.

ФОТО: Серена Вилијамс повторно бремена, го покажа трудничкиот стомак

Ивона Петрова — Tue, 02 May 2023 14:24:57 +0000

Серена Вилијамс откри дека е бремена по втор пат покажувајќи го трудничкиот стомак на Мет Гала во Њујорк, а на настанот се појави заедно со сопругот Алексис Оханијан. Познатата тенисерка минатата година најави повлекување од тенисот, откривајќи за Вог дека сака да го зголеми своето семејство откако во 2017 година ја роди својата прва ќерка. Зборувајќи со новинарите Вилијамс откри дека „тројца од нив“ пристигнале на настанот. За оваа прилика таа облече црн фустан на Гучи со бели детали. Својот труднички изглед го заокружи со бисерно ланче и лента за глава, исто така од бисери.

ФОТО: Оваа славна личност ја носеше најскапата венчаница, нема да верувате колку чинела

Ивона Петрова — Thu, 16 Feb 2023 19:09:54 +0000

Некои светки познати личности избираат безвременски свадбени креации од кои нема да се срамат кога ќе ги погледнат фотографиите за неколку децении, некои сакаат со фанфари да кажат „да“ и да ги изберат најпривлечните фустани, а за некои главен критериум е цената! Најскапата венчаница (колку што е познато) чинела 3,5 милиони долари. Многумина мислеа дека тоа е член на кралското семејство, како Кејт Мидлтон или Меган Маркл, или најекстравагантната ријалити ѕвезда Ким Кардашијан, но не е така. Најскапата венчаница ја носеше најдобрата спортистка на сите времиња, тенисерката Серена Вилијамс. Овој фустан го дизајнираше Сара Бартон за модната куќа на Александар Меквин. Серена Вилијамс, чие богатство се проценува на 260 милиони долари, не зажалила за парите кога се омажила за основачот на социјалната мрежа reddit - Алексис Оханијан во 2017 година.

Ќерката на Серена влезе во тоалетот, а тенисерката ја снимаше – кога дозна со каква „играчка“ ќе си игра ќе се онесвестеше, целиот свет се смее (ВИДЕО)

Дарко Андоновски — Thu, 06 Oct 2022 05:36:37 +0000

Поранешната тенисерка Серена Вилијамс на Тик Ток сподели видео кое буквално го насмеа целиот свет. Имено на видеото се гледа како нејзината пет годишна ќерка Олимпија го помешала тампонот со играчка за мачка. Таа во тоалетот го граба тампонот за да и го однесе на мачката Карми за да си игра со него мислејќи дека таа играчка е најсоодветна за мачката. -Што е тоа? Ја праша Серена, додека девојчето вели дека тоа е „играчка за Карма“. Кога девојчето започна да ги фаќа и другите тампони, Серена и упати порака повеќе да не си игра со тоа, погледнете:

@serena Who am I to steal her joy, it’s a Cat Toy! 🗣Don’t @ me #OlympiasWorld ♬ original sound - Serenawilliams

Серена Вилијамс му посака добредојде на Федерер во „Клубот на пензионери“

Катерина Бојаџиева — Fri, 16 Sep 2022 10:44:50 +0000

Една од најдобрите тенисерки на сите времиња, Американката Серена Вилијамс, му одаде признание на Роџер Федерер истакнувајќи оти самата е една од милиони луѓе кои Швајцарецот ги инспирирал, и притоа му посака „добредојде во клубот на пензионери“. – Нашите патишта секогаш беа многу слични. Инспириравте милиони и милиони луѓе, вклучувајќи ме и мене, напиша на својот Инстаграм профил 40-годишната американска тенисерка, која и самата заминува во пензија. Претходно оваа недела Федерер објави дека по завршување на Лејвер купот, кој ќе се игра идната недела во Лондон, ќе стави крај на својата величествена кариера. Неодамна на УС Опен својот последен натпревар во кариерата го одигра и Серена Вилијамс. Кумулативно, Серена Вилијамс и Федерер освоија 43 гренслем титули во поединечна конкуренција. – Ти ракоплескам и се радувам на сè што ќе работиш во иднина. Добредојде во клубот на пензионери, порача Серена Вилијамс.

Поразот на Серена Вилијамс на УС Опен е најгледан меч во историјата на „ЕСПН“

Бошко Тасиќ — Thu, 08 Sep 2022 18:39:32 +0000

Американската тенисерка Серена Вилијамс ја најави својата тениска пензија по УС Опен, а откако беше елиминирана од Ајла Томљановиќ, веројатно дојде крајот на неверојатната кариера на Американката. Интересни информации се појавија во Соединетите Американски Држави, а поврзани за телевизискиот пренос кој одеше на програмите на „ЕСПН“. Серена Вилијамс загуби од Томљановиќ во веројатно последниот меч во својата кариера, а тоа е најгледаниот тениски настан на оваа телевизиска мрежа. „ЕСПН“ објави дека во просек мечот го гледале 4,8 милиони гледачи, додека максимумот бил достигнат во 22:15 часот со 6,9 милиони пред малите екрани. Секако, овие бројки се однесуваат само за натпреварите кои ги пренесува оваа мрежа, а не и за останатите куќи.

Последниот натпревар на Серена Вилијамс најгледан во историјата

Ивана Ефремовски — Wed, 07 Sep 2022 18:34:07 +0000

Поразот на Серена Вилијамс во,најверојатно, последниот натпревар во нејзината блескава кариера, е најгледан тениски телевизиски пренос во 43-годишната историја на ЕСПН, објави денеска американската телевизиска мрежа. Поразот на Серена Вилијамс во третото коло на УС Опен од австралиската тенисерка Ајла Томљановиќ во просек го следеле 4.8 милиони гледачи, а максималната бројка достигнала 6.9 милиони гледачи во 22:15 часот. Серена Вилијамс, која во кариерата освои 23 грен – слем титули, по подолга пауза се врати на тенискиот терен за настан на УС Опен што предизвика голем интерес во спортската јавност. Нејзините три натпревари во поединечна конкуренција и еден дуел во двојки во кој настапи со својата сестра Венус ја зголемила гледаноста во текот на првите пет денови на грен – слемот во Њујорк во просек за 1.1 милиони гледачи, што е раст од 101 отсто во однос на 2021 година, објави ЕСПН. (МИА)

ВИДЕО: Серена Вилијамс му кажа „збогум“ на тенисот, со солзи и поздрав од публиката го напушти теренот

Ивона Петрова — Sat, 03 Sep 2022 07:53:46 +0000

Американската тенисерка Серена Вилијамс ја заврши кариерата со пораз во третото коло од УС Опен. Вилијамс имаше добар натпревар, но сепак загуби од Хрватката Ајла Томљановиќ со 7:5, 6:7 (5), 6:1 во играта која траеше три часа и пет минути. Додека при разделбата ја поздравуваше публиката мавтајќи преку звучниците одекна познатата песна на Тина Тарнер „Simply The Best“.

All love for Serena after Ajla Tomljanović takes the match ❤️ #USOpen pic.twitter.com/rgdKRW30G1
— ESPN (@espn) September 3, 2022

Serena waves to the crowd as she leaves the court at Arthur Ashe Stadium 👋 #USOpen pic.twitter.com/yREFGYpYrs
— ESPN (@espn) September 3, 2022

Серена во солзи им се заблагодари на семејството, тимот, публиката и многубројните обожаватели на поддршката сите изминати години. -Не би била јас Серена, да не беше Венус. Па затоа ти благодарам Венус. Таа е единствената причина зошто Серена Вилијамс некогаш постоела. Не знам што да кажам, со солзи изјави Серена.

"I wouldn't be Serena if there wasn't Venus."
Serena Williams shows love to her sister, Venus 💗 pic.twitter.com/3exRlhMAZZ — ESPN (@espn) September 3, 2022

Вилијамс го освои секој гренд слем во сингл барем по три пати, единствена е во историјата (и меѓу тенисерите) која ги има освоено сите гренд слемови и во сингл и во двојки. Има четири злата од Олимписки игри, а освоила вкупно 93 титули во кариерата.