Сергеј Милинковиќ-Савиќ – Kurir.mk

Сергеј Милинковиќ-Савиќ се сели во Милано

Бошко Тасиќ — Tue, 04 Apr 2023 04:44:35 +0000

Српскиот фудбалски репрезентативец Сергеј Милинковиќ-Савиќ игра уште една одлична сезона во Лацио и на лето сигурно ќе ја промени средината. Србинот одби да го продолжи договорот со Лацио бидејќи сака трансфер, а неколку европски гиганти се заинтересирани за неговиот потпис. Јувентус и Арсенал веќе подолго време го сакаат Србинот, но сега во трката за неговиот потпис се приклучи и Милан. Трнерот Пиоли одлично го познава СМС од времето кога работеше во Лацио и сака да го убеди да му се придружи на „Сан Сиро“. Бидејќи на лето Сергеј ќе влезе во последната година од договорот се верува дека Лацио ќе мора да се задоволи со 50 милиони евра, сума која „росонерите“се спремни да ја платат.

Милинковиќ-Савиќ е заинтересиран за трансфер во Арсенал

Ивана Ефремовски — Thu, 24 Nov 2022 07:48:57 +0000

Фудбалерот од средниот ред на Лацио, Сергеј Милинковиќ-Савиќ е наклонет кон преселба во Арсенал, објави „Corriere dello Sport“. Според изворот, српскиот играч за врска е привлечен од раководството на „Топџиите“ во англискиот шампионат. Во италијанските медиуми се пишуваше и за интересот за Србинот од страна на Јувентус. Актуелниот договор на Милинковиќ-Савиќ со „орлите“ е до летото 2024 година. Вредноста на играчот според порталот „Трансфермаркт“ се проценува на 60 милиони евра. Дваесет и седумгодишниот играч од средниот ред оваа сезона забележа 25 настапи за Лацио во сите натпреварувања, постигнувајќи шест гола и осум асистенции. Милинковиќ-Савиќ беше повикан во репрезентацијата на Србија за Светското првенство во Катар 2022 година. Србите во групата Г ќе се соочат со Бразил, Швајцарија и Камерун. Првиот натпревар на тимот ќе го одигра денеска, 24 ноември, против Бразил. (МИА)

Арсенал тргнува по Сергеј Милинковиќ-Савиќ

Тале Кристо — Wed, 06 Jul 2022 13:08:43 +0000

Премиерлигашот Арсенал ќе испрати понуда до Лацио за играчот од средниот ред Сергеј Милинковиќ-Савиќ. Според пишувањата во англиските медиуми, лондонскиот клуб размислува да му понуди на Лацио 45 милиони фунти (52 милиони евра) за 27-годишниот фудбалер. Претходно беше објавено дека раководството на Римјаните може да го продаде Србинот само за 70 милиони евра. Милинковиќ-Савиќ минатата сезона одигра 47 натпревари за Лацио, постигна 11 гола и 12 асистенции.

Лацио одбил 140 милиони евра за Милинковиќ – Савиќ

Ивана Ефремовски — Tue, 10 May 2022 18:56:07 +0000

Претседателот на италијанскиот прволигаш Лацио, Клаудио Лотито денеска изјави оти српскиот фудбалски репрезентативец Сергеј Милинковиќ – Савиќ не е на продажба, но оти би можел да замине од клубот доколку самиот го побара тоа. -Секогаш се зборува само за пари. Јас говорам за техничките и лични квалитети на моите играчи. Сергеј не е на продажба. Никогаш не сакав да го продадам. Дали сте виделе на него знак на кој пишува „Се продава“?, изјави Лотито за порталот „Гол“ (Goal.com). Првиот човек на Лацио, меѓутоа, додаде дека доколку се појави интерес од врвен клуб, тој е подготвен да разговара со српскиот фудбалер пред да донесе каква и да е одлука. -Многу го ценам Сергеј, имам одличен однос со него. Доколку голем клуб покаже интерес, би го прашал каква ќе биде неговата желба. Во мојот клуб приоритет се човечките односи, а не парите. Денес постои проблем во однос на почитување на човекот и играчот. Одбив понуда од 140 милиони евра за Сергеј, изјави Лотито. (МИА)

Јувентус тргнува по СМС

Бошко Тасиќ — Mon, 18 Apr 2022 18:30:39 +0000

Од таборот на Јувентус се надеваат дека ќе го убедат Лацио да им го отстапи нивниот најдобар фудбалер, Сергеј Милинковиќ- Савиќ. Клубот од Торино во јануари ќе прави значителни промени во составот, со цел повторно да се врати во врвот на италијанскиот фудбал, а меѓу приоритетните трансфер желби ќе биде токму српскиот фудбалер. Како што пишува „Калчомеркато“, управата на клубот од Торино планира на Лацио да му го понуди младиот Николо Фаџоли, а притоа да уплати и праични средства со цел да го обезбеди потписот на Милинковиќ- Савиќ. Тренерот на Лацио, Маурицио Сари, наводно го ценел Фаџоли и според многумина бил подготвен да се откаже од Милинковиќ- Савиќ доколку ги добие услугите на 21 годишниот фудбалер.

Јунајтед останува заинтересиран за Милинковиќ-Савиќ како замена за Погба

Дарко Андоновски — Tue, 05 Apr 2022 09:35:26 +0000

Фудбалерот од средниот ред на Лацио, Сергеј Милинковиќ-Савиќ може да ја продолжи кариерата во Манчестер јунајтед, пишува „Кориере дело Спорт“. Според италијанскиот весник, англискиот клуб може уште еднаш да се обиде да го добие потписот на 27-годишниот Србин, кој би можел да стане замена за Пол Погба доколку го напушти клубот. Милинковиќ-Савиќ оваа сезона забележа 40 настапи за Лацио, постигна девет голови и 10 асистенции. Порталот „Трансфермаркт“ го цени играчот на 70 милиони евра.

ПСЖ додека го убедува Мбапе „брка“ нова ѕвезда – Милинковиќ-Савиќ!

Ристе Здравков — Fri, 04 Mar 2022 09:41:45 +0000

Управата на ПСЖ додека работи на убедување на Килијан Мбапе да остане во клубот работи и на обезбедување нови имиња за следната сезона, а прв на листата желби на богатите сопственици е српскиот интернационалец, Сергеј Милинковиќ-Савиќ. Спортскиот директор Леонардо веќе на големо работи на овој проект, откако му здодеа да ја чека одлуката на Пол Погба за тоа дали ќе си замине од Манчестер Јунајтед. ПСЖ е подготвен да плати 70 милиони евра за негов ангажман, но претседателот на Лацио, Клаудио Лотито, досега не сакаше да слушне за негова продажба под 100 милиони евра.

Сергеј Милинковиќ-Савиќ пред трансфер во Јувентус

Бошко Тасиќ — Sun, 21 Nov 2021 07:30:45 +0000

Фудбалерот на Лацио и српски фудбалски репрезентативец Сергеј Милинковиќ-Савиќ со својата форма во Лацио и понатаму е мета на големите фудбалски тимови. Последен кој го навести неговото заминување беше агентот на играчот Матеја Кежман. „Со сета почит кон Лацио, Сергеј е играч на голем клуб во иднина.Сигурен сум дека наскоро ќе дојде време за нови соништа и нова авантура.Јувентус е сепак голем клуб и секој би бил почестен да игра за „старата дама“, рече тој. Посочува дека соработката можела да се случи и порано. „Искрено, имаше неколку сериозни разговори со Јувентус. Сепак, на крајот ништо не се случи и не најдовме заеднички јазик“, додаде тој.

Челзи испрати скаути да го следат Милинковиќ-Савиќ

Ивона Петрова — Tue, 14 Jan 2020 10:24:02 +0000

Фудбалерот од средниот ред на Лацио, Сергеј Милинковиќ-Савиќ, се најде во сферата на интерес на Челзи. Лондонскиот клуб испрати свои скаути во Италија да го гледаат 24-годишниот Србин, за кого лично е заинтересиран тренерот на „сините“ Франк Лампард, пренесува „Ла Газета дело Спорт“. Во тековната сезона во Серија А, Милинковиќ-Савиќ одигра 17 натпревари, постигна три гола и забележа пет асистенции. Србинот се приклучи на италијанскиот тим во 2015 година. Порталот „transfermarkt.de“ ја проценува неговата вредност на 70 милиони евра. Договорот на играчот со Лацио е дизајниран до 2024 година. Во текот на летото, Милинковиќ-Савиќ можеше да се пресели во Англија. Манчестер јунајтед го сакаше тоа, но клубовите не можеа да се договорат за условите на договорот. Лацио очекува да добие 100 милиони евра од продажбата на играчот.

Најбараниот Србин ќе си остане во Лацио до – 2024 година?

Предраг Кукиќ — Tue, 27 Aug 2019 08:07:09 +0000

Најбараниот српски репрезентативец Сергеј Милинковиќ-Савиќ, кој две години по ред е во фокусот дека ќе направи џиновски трансфер од Лацио, по се изгледа уште долго ќе игра во небесно синиот дрес на „Олимпико“. Како што објави новинарот на „Газета дело Спорт“, Николо Шира, Лацио и првиот човек на клубот Клаудио Лотито сега работат на случајот да потпишат нов договор со српскиот офанзивен фудбалер за врска со кој ќе го задржат до 2024 година. Според најавите, Лацио со новиот договор со Милинковиќ-Савиќ ќе се обврзе да му плаќа по четири милиони евра по сезона, а откупната клаузула би била астрономска. Во изминатиот период Србинот се поврзуваше со трансфер во ПСЖ и Интер, а претходно голем интерес имаше и од Јувентус. Лотито летово призна дека лани одбил 150 милиони евра, најверојатно од Реал Мадрид (не сакаше да го соопшти името на клубот, освен дека станува збор за европски великан).

La #Lazio vuole blindare Sergej #MilinkovicSavic (sondato da PSG e Inter nelle ultime settimane): Lotito lavora al rinnovo fino al 2024 con ingaggio da 4 milioni a stagione. #calciomercato
— Nicolò Schira (@NicoSchira) August 26, 2019