сергеј попов – Kurir.mk

Попов: Ги повикувам сите млади да се приклучат на најдобро организираниот подмладок во Македонија УМС на ВМРО-ДПМНЕ, втората политичка академија е поттик младите да бидат гласни

Тале Кристо — Wed, 25 Oct 2023 10:08:07 +0000

„Како Унија на млади сили на ВМРО-ДПМНЕ, на наше големо задоволство на покана на општинскиот комитет на УМС овде во Битола присуствуваме на отворањето на втората година по ред на политичка академија организирана од Унијата на млади сили на ВМРО-ДПМНЕ. Ние како политички подмладок со гордост го носиме епитетот на најмоќен, најорганизиран и најмасовен политички подмладок во Македонија“, истакна претседателот на УМС на ВМРО-ДПМНЕ, Сергеј Попов од Битола. Попов додаде дека УМС на ВМРО-ДПМНЕ во континуитет се труди тој епитет и да го оправда како најмоќен, најорганизиран и најмасовен политички подмладок во Македонија. „И токму затоа организираме и серија на вакви обуки и политички академии, со кои работиме на политичката надградба на нашите активисти. Бидејќи доколку сакаме како Унија на млади сили на ВМРО-ДПМНЕ да можеме да ги артикулираме нашите политички пораки и да бидеме широко прифатени кај младите луѓе, мораме да работиме и на тој тип на едукација на нашите активисти. Токму затоа не само оваа обука, ние организираме и друг тип на обуки, денеска излезе и повикот од републичките комисии на УМС кои ќе организираат и серија на обуки на разни теми. Првата обука ќе биде на тема веб дизајн, така да како УМС продолжуваме да се трудиме и во иднина политички да ги надградуваме нашите активисти“, рече претседателот на УМС на ВМРО-ДПМНЕ. Тој посочи дека УМС на ВМРО-ДПМНЕ помага младите луѓе да се надградуваат. „Со тоа ги повикувам и да се приклучат на најдобро организираниот подмладок во Македонија УМС на ВМРО-ДПМНЕ. Младите да не бидат тивки, треба да бидат гласни и да се трудат да ја променат државата во која живеат“, нагласи Попов. Имено, втората политичка академија во Битола според организацијата треба да трае од 24-ти октомври до 26-ти ноември. Ќе има десет модули кои се поделени во пет различни викенди. Организаторите на оваа академија се надеваат дека ќе поттикнат многу млади луѓе да се вклучат во политиката. „Преголемата разочараност и се поизразена разочараност предизвикува поизразена мотивираност на младите луѓе да се приклучат во единствената организација кон која јас многу пати велам доколку сакаш да направиш нешто добро за Република Македонија искрено и од срце Унијата на млади сили на ВМРО-ДПМНЕ и младината на ВМРО-ДПМНЕ е она место во кое што треба да се приклучиш како млад човек“, појасни Попов. Тој нагласи дека има прилив на млади луѓе секој ден во УМС на ВМРО-ДПМНЕ.

Попов: Иднината која ја посакуваме ни е на дофат, иднина која ја креираме самите, ние во овие моменти

Дарко Андоновски — Sun, 24 Sep 2023 13:06:50 +0000

Чест, и задоволство, ми е што ја имам можноста да ја отворам и оваа 32-ра Годишна конференција на Унијата на млади сили на ВМРО-ДПМНЕ. Годишна конференција која ги собира на едно место искрените патриоти, вистинските борци за правда, млади луѓе кои се подготвени да работат и дејствуваат, за Македонија да биде подобро место за живеење за секој еден млад човек, ова денеска го истакна во својот говор претседателот на Унијата на млади сили на ВМРО-ДПМНЕ, Сергеј Попов. -Од независноста на Македонија па до денес, УМС докажува дека е многу повеќе од младинска и партиска организација. УМС е предвесник на долго очекуваната пролет, предвесник на промените, носечки столб на партијата која ќе ја ослободи Македонија и ќе ја врати власта во рацете на народот каде таа и припаѓа. Унијата на млади сили е младина која од година во година ги докажува своите квалитети, младина која е непоколеблива кога во прашање е Македонија и младите, младина која од ден во ден се повеќе расте и организација која околу себе ги обединува сите млади кои се уморни од неправдите. Млади кои се подготвени да застанат и на оваа неспособна власт да и кажат – ДОСТА Е. Доста е од криминал, непотизам и корупција. Доста е од задоволување на лични интереси и богатење врз грбот на народот..Доста е од кратењето на перспективи и можности за младите луѓе и доста е од егзодусот на младите од Македонија. Со години сме директни сведоци на неправдите кои ни се нанесувани, а во прво лице сведочиме како власта крати од нас, за да има за сопствените матни зделки, тендери во четири очи, криминални постапки кои го осиромашуваат македонскиот народ, а истовремено и ги распродаваат националните интереси и се’ она што е светост за нас. Само вчера објавивме информации според кои владата пренаменува стотици милиони денари од програмите и потпрограмите за основно и средно образование, пари за студентски и ученички домови, пари кои наместо во иднината, се инвестираат во тендери за уживање во уште некој ден поминат во владата, вели Попов. Тој додава дека, но деновите им се одбројани. -Од оваа говорница сакам да испратам јасна порака до оние кои се во фотељите и ја имаат окупирано владата. НИКОЈ, никогаш, не успеал да победи во битка против сопствениот народ. Никој не може да застане на патот на оној кој сака живот исполнет со достоинство и држава со која секој се гордее. Таква држава и таков живот посакуваме ние, а оваа влада работи само на идејата да ги сруши нашите соништа. Она кое најмногу ме плаши, но истовремено ме мотивира да продолжам да се борам, е дека политиките на владата целосно ја урнаа довербата во системот, и придонесоа многумина да ја мразат и да се срамат од сопствената држава. Нашата порака е и до сите кои ја изгубија надежта. Остана уште многу малку до моментот за промени, промени кои можеме да ги донесеме само доколку сме обединети и доколку издржиме уште малку, доколку ја искористиме својата енергија во вистинската насока, бидејќи иднината која ја посакуваме ни е на дофат. Иднина, која ја креираме самите ние во овие моменти, Иднина, сега, и со нас. „Иднина сега и со нас“ е паролата која ќе придонесе во остварувањето на нашата цел, вели Попов. Тој додава дека ова не е обичен предизборен или партиски слоган, туку една критична пресвртница во начинот на кој се воделе политики низ годините во Македонија. Иднина сега и со нас е крикот на секој млад човек и граѓанин на Македонија на кој му се здосади од слушање приказни за подобро утре од политичари кои зад зборовите за иднината и прогресот, 6 години водат само погубни политики за младите. -Иднина сега и со нас се однесува на овој конкретен момент, бидејќи дојде времето кога конечно треба да ја донесеме таа иднина и секој ќе може да ја види и почувствува. Само нашата одлучност, сплотеност и посветеност кон зацртаните цели, може да ја донесе иднината која сите ја посакуваме. Денеска, на македонскиот народ му порачуваме дека доаѓаат подобри денови. Денови во кои лажните ветувања на оваа власт ќе ги замениме со искреност и работа, денови во кои новата влада на ВМРО-ДПМНЕ ќе докаже дека Македонија знае, може и заслужува многу повеќе и многу подобро. Новата влада која ќе ги исполни сите наши ветувања кои ќе донесат подобар младински стандард, повеќе услови за сопствен бизнис, мерки за вработување на младите, мерки за институционална поддршка на иновации и идеи, воведување современи технологии кои од Македонија ќе направат вистинска европска и развиена држава. Затоа ве повикувам сите заеднички да ја рашириме пораката која денес ја испраќаме. Да го рашириме повикот за промена и правда кај нашите пријатели, роднини и познаници, да ги повикаме сите да се обединат зад идејата на ВМРО и перспективите за поубава Македонија кои ги нуди ВМРО-ДПМНЕ, вели Попов. Тој за крај додаде, драги браќа и сестри, да ни е вечна и вековита УМС на ВМРО-ДПМНЕ, да ни е вечно ВМРО-ДПМНЕ, а најважно од се е да ни е вечна Република Македонија.

Попов: УКИМ не се најде на Шангајската листа затоа што приоритетите на владата се насочени кон провизии, матни зделки и непостоечка грижа за иднината на Македонија

Катерина Бојаџиева — Thu, 17 Aug 2023 09:36:11 +0000

Ако сакате да уништите една нација и да се осигурате дека државата ќе оди во погрешна насока, почнете со уништување на образованието. Оваа изрека идеално ја опишува ситуацијата во која ние младите сме затекнати во времето на владеењето на ДУИ и СДС, истакна Сергеј Попов, претседател на УМС на ВМРО-ДПМНЕ. -И кога мислиме дека дното е достигнато, владината коалиција не потсетува дека можеме уште подолу и уште полошо. Падот во животниот стандард, падот во инвестициите во образованието и науката, мизерната состојба и третирањето на студентите како маргинализирана група, кулминираше со тоа најголемиот државен универзитет оваа година воопшто да не се најде на Шангајската листа. УКИМ не се најде на Шангајската листа не поради недостиг на перспективни кадри или недоволна мотивација кај управата, професорите и студентите, туку бидејќи приоритетите на владината коалиција се насочени кон провизии, матни зделки и непостоечка грижа за иднината на Македонија. Додека инвестициите од буџетот за наука изнесуваат срамни 0.3%, владината коалиција одбра платите на министрите да ги зголеми за 78% отсто. Додека власта се обидува да протурка решение со кое студентот треба да преживува со мизерни 140 денари на ден, новите објекти на ФИНКИ и ФФК се оставени да скапуваат, а средствата ги пренасочи кон задоволување на бизнис интересите на своите партнери од ДУИ. Од ден на ден, на граѓаните во Македонија се повеќе им станува јасно дека потфрлувањата на владата не се изолирани инциденти, туку целокупен крах и пропаст на системот, бавно движење кон состојба која може да биде кобна и безизлезна. Директна одговорност за нашите сограѓани кои гореа живи, мизерната состојба со пензиите, платите и можностите за бизнис и вработување, очигледно се втемелени во идеолошката матрица на коалицијата која ја опустоши Македонија. Едно е јасно - брзи промени мора да има, доколку сакаме пристоен животен стандард, доколку сакаме просперитетна Македонија која ќе се грижи за секој еден граѓанин, а преку инвестиции во образовната инфраструктура и науката, ќе се погрижи оваа држава да има младина која својата иднина ќе ја гледа во достојна и праведна држава, додава Попов.

Попов: За прв пат во Македонија, политички подмладок и младите од цела држава сами ја пишуваат програмата за млади, нема некој што знае подобро за младите од самите нив

Ристе Здравков — Sun, 23 Jul 2023 15:50:08 +0000

На вториот ден од саемот на проекти за млади „Иднина за сите во Македонија“ во организација на Унијата на млади сили на ВМРО-ДПМНЕ на панел дискусијата на тема „Младински политики“ свое обраќање имаше Сергеј Попов, претседател на УМС на ВМРО-ДПМНЕ кој што истакна дека за прв пат во Македонија политички подмладок и младите од цела држава сами ја пишуваат програмата за млади, бидејќи нема некој што знае подобро за младите од самите нив. „Како УМС на ВМРО-ДПМНЕ наметнуваме нови трендови на младинската политичка сцена. Така беше и ова лето кое го започнавме работно имено најавивме 2 нови активности на УМС првата беше подкаст кој што го започнавме пред две недели и помина навистина одлично и истиот ќе продолжиме понатаму да го развиваме и напредуваме се со цел да го направиме поприфатлив за младите. За прв пат во Македонија политички подмладок создава сопствена програма, сам ја пишува програмата и за тоа му е дадена слобода. Затоа се заблагодарувам на раководството на ИК на ВМРО-ДПМНЕ, што ни даде можност имаше верба во нас да ние самите започнеме да пишуваме наша сопствена програма“ нагласи Попов. Претседателот на УМС на ВМРО-ДПМНЕ, Попов додаде и дека проектите кои ќе произлезат од целата акција, од проектот ќе станат официјален став на партијата ВМРО-ДПМНЕ, и тие идеи ќе станат дел од програма на ВМРО-ДПМНЕ и потенцираше дека ВМРО-ДПМНЕ програмите не си ги заборава, туку ги реализира. „Затоа што реално не знае никој што му треба на еден млад човек од самите млади. Токму затоа како УМС на ВМРО-ДПМНЕ, како најголем и најдобро организиран политички подмладок во Македонија се дрзнавме на еден ваков чекор и тргнавме во организирање на еден ваков караван за пишување на идеи започнување на една младинска платформа младинска програма на ВМРО-ДПМНЕ. Првиот дел од караванот заврши посетивме голем дел на населени места се сретнавме со млади луѓе од сите категории сите сфери и области на општественото живеење. Разговаравме со млади лекари, земјоделци спортисти буквално со сите категории на млади луѓе средношколци студенти и сите останати ги собиравме идеите, слушавме учевме од нив што имаат да ни кажат и денеска сме излезени со првиот сет на идеи кои ги презентиравме на овој саем. На крајот од овој викенд ние ќе ги согледаме идеите ќе ги надградиме овие ваши предлози и проекти за млади луѓе, процесот по завршувањето на овој саем ќе продолжи ние ќе продолжиме да бидеме присутни на терен помеѓу младите во сите места каде што ние се движиме ќе бидат присутни луѓе од УМС на ВМРО-ДПМНЕ и ќе ја пишуваат новата понуда односно новата визија и новиот пат кој младите ќе го одат на чело со влада предводена од лидерот на ВМРО-ДПМНЕ, Христијан Мицкоски. Најважно од се е дека ВМРО-ДПМНЕ се обврза дека проектите кои ќе произлезат од целата акција од овој проект ќе станат официјален став на партијата ВМРО-ДПМНЕ, затоа е многу важно да се дадат овие идеи бидејќи стануваат дел од програма на ВМРО-ДПМНЕ а ВМРО-ДПМНЕ програмите не си ги заборава туку ги реализира“ нагласи Попов.

Попов: Држава која не вложува во младите не може да се смета за сериозна држава, УМС подготвува програма за младите луѓе

Катерина Бојаџиева — Tue, 18 Jul 2023 19:57:02 +0000

Започнавме со нашиот караван за собирање на идеи и предлози за пишување на младинска програма насловена Иднина за сите во Македонија, рече претседателот на УМС на ВМРО-ДПМНЕ Сергеј Попов, од Битола на средба со средношколците. Попов потенцираше дека држава која не вложува во младите не може да се смета за сериозна држава. Држава кој не вложува во својата иднина односно во средношколците за да ги дообучува и да ги насочи во правилна насока, таа држава не може да се нарече дека е сериозна, рече тој. Попов истакна дека на 22 и 23 јули во МОБ ќе се одржи саем за млади и ги повика сите млади луѓе да се приклучат на кампањата на УМС, Иднина за сите се со цел да се донесе програма за младите која што ќе биде поблиска до нив. Јас ја користам оваа прилика да ги повикам сите заинтересирани млади луѓе, средношколците и студентите, спортисти, млади лекари, млади културни работници, да се приклучат на оваа кампања која ја води УМС, Иднина за сите во Македонија и на 22 и 23 јули во МОБ да дојдат на саемот на млади во организација на УМС. И таму идеите кои ќе бидат изложени од нас како УМС, заедно со вас како млади луѓе ќе имаме прилика да ги надградиме, но и да размениме искуства се со цел таа програма да ја направи што поблиска до младите луѓе, порача Попов.

Попов: Караванот „Иднина за сите во Македонија“ ќе допринесе за изработка на една сеопфатна младинска програма насочена кон младите луѓе

Ивона Петрова — Thu, 13 Jul 2023 19:08:34 +0000

Како што веќе најавивме денес како Унија на млади сили на ВМРО-ДПМНЕ започнуваме со караванот „Иднина за сите во Македонија“. Тоа е еден караван во кој ние ќе посетиме повеќе населени места. Ќе се сретнеме со млади луѓе од сите сфери на општественото живеење. Ќе разговараме со младите земјоделци, лекари, спортисти и со сите категории млади луѓе. Ќе ги слушнеме нивните проблеми и нивните предлози. Ќе ги кажеме нашите идеи и ќе го побараме нивното мислење за тие наши идеи“, истакна Претседателот на Унијата на млади сили на ВМРО-ДПМНЕ Сергеј Попов при денешниот прв караван „Иднина за сите во Македонија“. Тој додаде дека сето ова ќе финишира со изработка на една сеопфатна младинска програма која ќе биде и младинска понуда на Унијата на млади сили на ВМРО-ДПМНЕ, која ќе прерасне и во понуда на ВМРО-ДПМНЕ кон младите луѓе со која понуда ние ќе ја побараме поддршката од младите луѓе на следните парламентарни избори. „Целиот овој караван, средби и консултации со младите луѓе ќе завршат со дводневен саем на младите кој ќе се одржи на 22 и 23 јули во Македонската опера и балет. Очекувајте многу интересни проекти и многу корисни работи од кој добробит ќе имаат сите млади луѓе во Република Македонија. Ние сакаме силна држава Република Македонија во која ќе можеме да ја градиме нашата иднина дома, а не надвор“, посочи Попов.

Попов: Граѓаните порачаа дека СДСМ ќе замине во историја и поддршката ќе ја дадат на ВМРО-ДПМНЕ затоа што секогаш се тука за граѓаните

Катерина Бојаџиева — Sat, 03 Jun 2023 08:38:13 +0000

Заедно мојот тим во рамки на акцијата што ја организира ВМРО-ДПМНЕ сме во посета на населени места во општина Крушево. Денеска ги посетуваме населените места Врбоец, Свето Митрани,Пресил и Бучини. Со оглед на тоа дека овде и локалната власт е преводена од СДСМ, овде кај граѓани владее една вистинска агонија, истакна Сергеј Попов член на ИК на ВМРО-ДПМНЕ и претседател на Унијата на млади сили на ВМРО-ДПМНЕ при теренските активности. Попов од крушевскиот регион укажа дека во селата во овој регион нема канализации, инвестиции и никакви содржини за младите. -Во ниту едно село нема канализација, нема инвестиции, нема за младите никакви содржини, нема никакви игралишта, ичилиштата се руинирани. Младите мора да патуваат до другите населени места за да најдат било каква рекреација, кажа тој. Попов од терен порача дека граѓаните со нетрпение чекаат парламентарни избори за да ги пратат СДС во историјата и поддршката да ја дадат за ВМРО-ДПМНЕ. -Граѓаните денеска ни искажуваат една голема поддршка и со нетрпение ги чекаат парламентарните избори со цел да го пратат СДСМ во историја и поддршката да ја дадат на ВМРО-ДПМНЕ, за следната влада која што ќе се формира во Република Македонија да биде влада на народот, влада која нема да ги заборава овие населени места во Република Македонија. Продолжуваме и понатаму да се среќаваме со нашите граѓани, да влеваме надеж, да зборуваме со нив и сите заедо ќе стигнеме до победа, порача Попов.

Попов: Ставот на ВМРО-ДПМНЕ е јасен, уставни измени под вакви услови со пратеници од ВМРО-ДПМНЕ нема да има

Ивона Петрова — Thu, 01 Jun 2023 19:24:21 +0000

Ставот на ВМРО-ДПМНЕ е повеќе пати јасно кажуван, тоа е дека уставни измени под овие услови не може да се случат и ВМРО-ДПМНЕ останува на тој став, а тој став го кажа и претседателот на ВМРО-ДПМНЕ Христијан Мицкоски дека на таа лидерска средба која наредниве денови треба да се организира дека истиот став ќе биде пренесен и на таа лидерска средба“, рече претседателот на УМС на ВМРО-ДПМНЕ Сергеј Попов во вечерашното гостување во емисијата „Отворено“ на Телевизија 24. Тој додаде дека доколку СДСМ сака за било кое прашање во државава да се постигне консензус, тогаш консултациите со опозицијата не смеат да се случуваат отпосле. „Не може да се прифатат прво работи а после да се обвинува опозицијата дека не ги прифаќа и да се обвинува опозицијата дека не е способна да постигне консензус. Тоа не е пример само со уставните измени туку и со договорите со „Бехтел и Енка“ кои се потпишаа“, кажа Попов. Попов истакна дека уставни измени под вакви услови со пратеници од ВМРО-ДПМНЕ нема да се случат и како партија во повеќе наврати ја имаме повикано власта да ги стави на дневен ред уставните измени. „Пред да одат и да прифаќаат и на се да викаат да треба да дојдат и да се консултираат со најголемата опозициска партија во државата и со најголемата пратеничка група во Собранието. Моментално СДСМ се однесува како да имаат 80 пратеници, па не се консултира со никого, но СДСМ има многу тенко мнозинство откако владее се до ден денес“, потенцираше Попов.

Попов: Младите од крушевските населени места со години молат за проширување на основно училиште и изградба на спортска сала

Ивана Ефремовски — Sat, 27 May 2023 16:26:51 +0000

Во рамки на акцијата „Ова е Македонија за сите“ за посета на населени места и средби со граѓани, претседателот на УМС на ВМРО-ДПМНЕ, Сергеј Попов заедно со неговиот тим денеска беше во Крушево, каде што ги посетија населените места Алданци, Борино, Норово, Саздево и Јакреново. Попов посочи дека жителите се пожалија дека овие населени места се заборавени од државата, при што и локаланат власт е од СДСМ, од која како од централната така и од локалната власт немаат никаква поддршка на кои деновите ги поминуваат во неизвесност за тоа дали ќе успеат да си го продадат тутунот. „А, пак младите луѓе велат дека живеат во заборавени места од државата, бидејќи со месеци и години се молат да се прошири едно основно училиште во овие населени места, да се изгради некаква спортска сала или било каков објект кој што ќе им биде од корист на младите луѓе. Младите луѓе од овие населени места мораат да патуваат и за да одат во школо, и за да се рекреираат, и за да имаат било каква спортска активност“, рече Попов. Попов додаде: „На ова мораме да ставиме крај и за тоа се договоривме со овие граѓани овде, се обврзавме дека заедно ќе ги донесеме промените во државата, а по промените ветуваме инвестиции во овие краеви, заживување на овие краеви и подобри услови за младите и за сите граѓани кои што живеат во овие населени места“.

Попов: Додека власта полни торби со пари, младите си ги полнат куферите и автобусите, УМС со низа мерки за младите луѓе и започнува караван на активности за средби со младите

Катерина Бојаџиева — Tue, 16 May 2023 17:22:26 +0000

„Самиот факт дека денеска оваа трибина е една од неколкуте кои ги организира ВМРО-ДПМНЕ во рамки на акцијата „Ова е Македонија за сите“ е посветена токму на нас младите, говори за фактот дека младите се приоритет на политичката партија ВМРО-ДПМНЕ. Младите во Република Македонија беа излажани и би рекол беа излажани на еден брутален, брутален начин. Им се ветија брда и долини, нови студентски градови, нови студентски кампуси, поуспешно образование, подобри универзитети, им се гарантираше младинска гаранција од која не видовме апсолутно ништо бидејќи младинската невработеност се уште е на највисокото место во регионот и во Европа“, истакна Сергеј Попов, претседател на УМС на ВМРО-ДПМНЕ на денешната трибина „Младински политики“ од Куманово. Попов додаде дека проблемите на младите луѓе во Република Македонија не се само егзистенцијални туку младите луѓе во Република Македонија повеќе не можат да издржат и животот им станува неиздржлив поради сеопштата општествена деканденција која што владее во македонското општество. Тука е и корупцијата која што станува заразна. А, со сите овие работи државата Република Македонија од мајка за младите луѓе станува маќеа. „Како Унија на млади сили на ВМРО-ДПМНЕ, која претставува најдобро организирана, најголема и со најкомплексна структура и организација на млади луѓе во Република Македонија, ние ќе бидеме носители на промените. Ние ќе бидеме оние кои најгласно ќе го креваат гласот за проблемите на младите луѓе, и ние ќе бидеме оние кои што во име на сите млади во Република Македонија ќе ја водиме битката за подобро утре и обезбедување на услови за живот за нас младите овде во Република Македонија“, порача Попов. Тој посочи дека додека власта ги полни торбите со пари, младите ги полнат куферите и ги полнат автобусите и си заминуваат од Македонија. „Како УМС сме цело време во контакт со младите луѓе, разговараме со нив, на терен сме, комуницираме. Не само со младите луѓе, туку и со сите младински организации, невладини организации, и било какви општествени чинители кои што можат да придонесат за обезбедување на подобро утре на младите луѓе. Јас би рекол дека еден од главните проблеми кој што ќе го истакнам сега зошто младите луѓе си заминуваат од Република Македонија тоа е оној момент кога младиот човек ќе го заврши своето образование и влегува во оној пореален дел од животот кога треба да основа семејство, да создава иднина за себе овде во Република Македонија, во своето родно место. Затоа ќе го истакнам проектот кој што и претседателот на ВМРО-ДПМНЕ го најави, а тоа е проектот „Купи куќа за млади“ односно давање на државни субвенции за решавање на станбеното прашање кај младите луѓе. Понатаму исто така младите луѓе преку при стапување во тој реален дел од животот имаат проблеми со своето вработување. Затоа ВМРО-ДПМНЕ гарантира дека по доаѓањето на власт ќе постојат икс број на даночни олеснувања за претприемачите односно компаниите кои би вработиле младо лице до 29 години. Втор проблем кој би го истакнал е негативната селекција која што владее во Република Македонија и токму од таа причина за да ги охрабри младите дека не се сите исти и дека постојат политичари кои не размислуваат како криминалците од СДСМ и ДУИ, ВМРО-ДПМНЕ гарантира вработување во државна институција за 500-тини најдобри студенти во Република Македонија. Ова се само мал дел од мерките кои ВМРО-ДПМНЕ ги планира за младите луѓе. А, ние како УМС и јас како нејзин претседател би сакал овде пред вас да најавам дека ќе започнеме еден караван на активности средби со младите луѓе, со сите младински организации и со сите форми на младинско организирање и ќе ги слушаме идеите и ќе разговараме со младите луѓе и на крај сето тоа ќе финишира со една младинска програма на ВМРО-ДПМНЕ која ќе биде изработена од страна на младите луѓе“, порача Попов.