Сергеј Рјабков – Kurir.mk

Рјабков: Соработката на Русија со Иран нема да подлегне на геополитичкиот притисок

Ивана Ефремовски — Sat, 26 Aug 2023 15:25:15 +0000

Воената соработка на Русија со Иран нема да подлегне на геополитичкиот притисок, изјави денеска рускиот заменик-министер за надворешни работи Сергеј Рјабков по извештајот дека Вашингтон побарал од Техеран да прекине да и продава дронови на Москва. „Нема промени, а соработката со Иран ќе продолжи. Ние сме независни држави и не подлежиме на диктатот на САД и нивните сателити“, рече Рјабков, пренесе руската државна новинска агенција. САД вршат притисок врз Иран да престане да продава беспилотни летала, кои Русија ги користи во војната во Украина. Иран призна дека испратил беспилотни летала во Русија, но наведува дека тие биле испратени пред руската инвазија на Украина во февруари 2022 година. Во меѓувреме, иранското Министерство за одбрана соопшти дека ниту една од трансакциите на дронови со други земји, како Русија, не е откажана. (МИА)

Рјабков: САД можеби сакаат да ја измамат Русија

Ивана Ефремовски — Wed, 12 Apr 2023 13:01:26 +0000

Рускиот заменик министер за надворешни работи Сергеј Рјабков изјави дека протекувањето на американските тајни документи за судирот во Украина „можеби е измама што Вашингтон свесно ја пласираше со цел на кампања за дезинформации за да ја измами Русија“. Тој додаде дека Москва во оваа фаза, „немаме мислење за тоа“. Со оглед на тоа што САД се составен дел од конфликтот (во Украина), каде што всушност водат хибридна војна против нас, можни се такви методи со цел да се измами непријателот, што значи Руската Федерација, истакна Рјабков. Во текот на викендот на интернет се појавија тајни американски документи, кои Пентагон ги претстави како „многу висок ризик“ за националната безбедност на САД. Меѓу другите информации, овие документи ги откриваат сомнежите на САД за успехот на претстојната украинската контраофанзива. Според „Гардијан“ документите откриваат дека американското разузнавање, наводно, во февруари ја предупреди Украина дека можеби нема да може да собере доволно војници и оружје за нејзината планирана пролетна контраофанзива и дека може „многу помалку“ од наведените цели на Киев за враќање на територијата заземена од Русија. Во документот, означен како „строго доверливо“, цитиран од „Вашингтон пост“, се наведува дека Киев се соочува со значителни „недостиг на генерирање сила и одржување“ и затоа најверојатно ќе оствари само „скромни територијални придобивки“. Документот е снимка од ситуацијата на почетокот на февруари, а не е јасно колку Украина со поддршка на земјите-членки на НАТО успеала да ги надомести недостатоците оттогаш. „Гардијан“ повикувајќи се на друг документ од 23 февруари, истакнува дека требало да се формираат за 12 „борбено веродостојни“ нови бригади, кои би ја предводеле контраофанзивата, опремени со 253 тенкови и околу 1.500 други оклопни возила од различни типови. Три бригади требаше да бидат формирани од Украинците, а останатите девет да се формираат со помош на САД, сојузниците и партнерите. Планираните бригади беа далеку од подготвени во времето кога беа креирани документите, а пет допрва требаше да започнат со обука. Шест бригади имаа половина или помалку од потребната опрема. (МИА)

Русија им понудила на САД точен датум за почеток на дијалогот за безбедносните гаранции

Тале Кристо — Thu, 23 Dec 2021 09:19:33 +0000

Русија им понуди на САД точен датум за почеток на дијалогот за безбедносните гаранции и го чека одговорот на Вашингтон, изјави денеска рускиот заменик министер за надворешни работи Сергеј Рјабков. Рускиот министер за надворешни работи Сергеј Лавров вчера најави дека преговорите за безбедносните гаранции меѓу Русија и САД и НАТО ќе започнат во јануари. Во интервју за Меѓународната политика, Рјабков посочи дека по разговорите мора да следат конкретни чекори. Тој потсети дека руската страна уште од почетокот нагласила дека е подготвена веднаш и без одлагање да влезе во дијалог. „Како што разбирав, нив Божиќ ги спречува. Веројатно ќе има некаков прекин меѓу католичкиот Божиќ и Нова година, но не можеме да одложиме повеќе од тоа“, рече Рјабков. Тој предупреди дека „обидите на САД да го искористат дијалогот со Русија за безбедносните гаранции за да се продолжи милитаризацијата во Украина неизбежно ќе доведат до влошување на ситуацијата“. „Сакаме брзо официјализирање на договорот што го ставивме на хартија во форма на договор. Доколку предусловот на американската страна е да спроведеме одредени мерки на сопствена територија, што ќе му „радува“ на Вашингтон и другите престолнини на НАТО или што Американците сакаат да ги бараат како барање да продолжиме да работиме, тогаш тоа нема да успее“, рече Рјабков. На 17 декември Русија објави нацрт-договори за безбедносни гаранции со САД и НАТО, кои, меѓу другото, вклучуваат одредби за нераспоредување на ракети со среден и краток дострел во меѓусебен дострел и за непширење на НАТО на исток.

„Газпром“ ги зголемува испораките на гас за Европа од сопствените резерви

Ивона Петрова — Tue, 12 Oct 2021 12:07:03 +0000

„Газпром“ посегна од своите резерви за да го зголеми снабдувањето со природен гас преку гасоводната мрежа и да ги стабилизира цените, изјави во вторникот владин претставник на Москва. Рускиот заменик -министер за финансии, Сергеј Рјабков, во интервју за Би -Би -Си ги отфрли тврдењата дека Русија ги прекина испораките на европскиот пазар каде што цените на електричната енергија и гасот драстично се зголемија поради недоволната понуда и силната побарувачка паралелно со закрепнувањето на економијата од пандемијата. -Ја поддржуваме енергетската безбедност на Европа, сакаме да соработуваме … „Газпром“ всушност почна да пумпа гас од своите резерви и да го испраќа до цевководите за да го стабилизира пазарот, рече Рјабков за емисијата „Тешки разговори“ на Би -Би -Си, без да даде детали. Британските медиуми, повикувајќи се на податоците на „Газ инфраструктура Европа“, пренесоа дека „Газпром“ на 7 октомври испумпал гас од магацинот во Хаидах, во Австрија, откако цената на гасот скокна на рекордно високо ниво. -Се обидуваме, смислено, смирено, разумно, да ја стабилизираме ситуацијата. Не е во наш интерес да предизвикаме уште поголем хаос, изјави Рјабков за Би -Би -Си. Група европратеници побараа од Европската комисија да ја испита улогата на „Газпром“ во зголемувањето на цената на бензинот, тврдејќи дека руските компании се осомничени дека манипулирале со пазарот поради нивното однесување, потсетуваат британските медиуми. Парламентарците, исто така, се сомневаат дека компанијата сака да изврши притисок врз Европа да се согласи на претстојното отворање на гасоводот „Северен тек 2“, што треба рускиот гас да го доставува до Германија. -За нас би било подобро доколку цените на европскиот пазар паднат, нагласи рускиот функционер во интервју за Би -Би -Си.