сергеј варошлија – Kurir.mk

По сушата на многумина одново ќе им ја „пукне душата“ – Сергеј Варошлија се враќа на ТВ екраните

Ивана Ефремовски — Fri, 16 Jul 2021 17:29:04 +0000

Уште во првите денови од оваа 2021-ва година Вистина.ком.мк го најави неговото враќање на ТВ екраните, откако по падот на неговиот најдобар другар Боки 13-ка и целата 1 ТВ империја, Сегеј Варошлија како во земја да пропадна. Од скоро на скопската Jingle TV модното шоу со Сергеј одново се емитува. Сергеј Варошлија се врати во етерот, па модниот гуру по ТВ сушата на многумина одново ќе им ја „пукне душата“… Впрочем веќе почна, зашто концептот не е нималку променет, се’ уште е оној стариот познат, по неговиот веќе виден и проверен терк: Или си топ или си фејк! Целата вест прочитајте ја на ВИСТИНА

Сергеј Варошлија денес на суд за случајот „Рекет“

Ристе Здравков — Tue, 03 Mar 2020 07:19:11 +0000

Одбраната на првообвинетиот Бојан Јовановски за денешното рочиште во случајот „Рекет” за сведоци ги предложи Сергеј Варошлија и Дејан Панделевски, кој во минатата недела не дојде на судењето затоа што бил на службено патување. Како сведоци во наредните рочишта се очекува да се појават Јовче Ременски, сопруг на пратеничката Фросина Ременски и поранешниот градоначалник на општина Центар Владимир Тодоровиќ кој исто така поради службени обврски не дојде на судењето минатата недела. Јовановски, е осомничен за кривичното дело примање награда за противзаконито влијание и за кривичното дело перење пари, а поранешната специјална обвинителка Катица Јанева за злоупотреба на службената положба. Во „Рекет“ е осуден и Зоран Милевски Кичеец на три години затвор, откако на почетокот на судењето призна дека е виновен.

Боки 13 предложи нови сведоци – Сергеј Варошлија, Јовче Ременски и Дејан Панделески

Дарко Андоновски — Thu, 27 Feb 2020 11:11:10 +0000

Одбраната на обвинетиот Бојан Јовановски - Боки 13 за наредното рочиште за случајот „Рекет" за сведоци ги предложи Сергеј Варошлија, Јовче Ременски, сопругот на пратеничката Фросина Ременски и Дејан Панделески и други кои треба да ги обезбеди. Судечкиот совет не го прифати предлогот за укинување на притворот на обвинетиот Јовановски и го одби како неоснован. На денешното рочиште требаше да сведочат бизнисменот Владимир Тодоровиќ и сведокот Лидија Јаневска. Тодоровиќ бил во Бугарија, а Јаневска не добила покана, па рочиштетот е одложено.

Додека Боки 13 е во притвор, Сергеј Варошлија со оваа порака му го честита роденденот

Ивана Ефремовски — Mon, 19 Aug 2019 15:45:26 +0000

Сергеј Варошлија преку својот Фејсбук профил му го честита роденденот на Боки 13 кој се наоѓа во притвор осомничен во акцијата „Рекет“. „Да сакаш на другар да му честиташ роденден, а тој да не може да ја прими искрената честитка ... Можете да го нарекувате како сакате, со секакви надимаци и описни зборови, но за мене бил и ќе остане само едно име - Бојан, кое асоцира на другарство пријателство, едно од оние ретките, едно од оние малкуте кои и јас, и сите ние ги имаме во животот, едно од оние кои се бројат на една рака! Еден од ретките кои искрено се грижеше , бореше и интересираше за сите, а “сите” наоколу ретко, а уште помалку искрено се грижеа или бореа за него, зошто повеќе ги интересираше “што, како, зашто...” заслепени од тие “прашања” не можеа да ја видат неговата суѓтина и човечност пред се ! Но не за џабе викаат “човек на човек му е огледало”! Среќен роденден драг мој Бојан! И како вика онаа народната “се проаѓа” битно да си ми жив и здрав П.с Благодарам на малкуте пријатели што ми се јавија- пишаа во овој период, вие знаете кои сте ! И на овој пост нема да толерирам негативни коментари на мојот профил“-напиша Сергеј !

Сите знаат каде е Боки 13, ама знае ли некој каде му е најверниот другар: Каде исчезна Сергеј Варошлија? (ФОТО)

Предраг Кукиќ — Fri, 16 Aug 2019 20:19:18 +0000

Се знаат оддамна, ама последниве година ипол -две, беа неразделни. Како грнче и капаче, како петок и сабота… Беа како како „г*з и гаќи“ што би рекол народот, како браќа… До душа „топли“ – тврдат некои, ама тоа е нивна лична работа. Аферата „Рекет“ што ја тресе земјава ги раздвои, па нивната дружба е оневозможена на „неодредено“ време.

За Боки 13 сите знаат каде се наоѓа во моментов, но знае ли некој каде е неговиот моден ангел чувар, Сергеј Варошлија? Емисијата на „модниот гуру“ му заврши пред аферата „Рекет“ и да почне, па уште оттогаш не го гледаме на ТВ екраните. Потоа, видовме дека дружбата со Боки 13 тече по постираните фотографии и видеа од разни локации, воглавном по Грција и грчките плажи.

Но, откако Боки 13 „падна“, Сергеј исчезна! И тоа преку ноќ! До душа во моментот на лишување од слобода на „Тредичи“ на граничниот премин Богородица, добро упатените тврдат дека Сергеј не бил со него во џипот, со кој Боки и двочлената женска придружба тргнале на грчкиот остров Миконос. Тоа ги подгрева теориите дека „другарчињата“ уште претходно ја „спукале“, како што тврдат поединци, иако оваа теза не е докажана!

Други пак велат дека Сергеј толку се потресол и исплашил, што бил на работ „да му пукне душата“… Што по другарчето, што заради себе, па решил едноставно да исчезне на некое време од јавниот живот.

1ТВ е на „испуштање душа“, па телевизијата повеќе не емитува програма, освен бајати репризи, а некои наши извори тврдат дека заради неплатени долгови од вчера, 15 август 2019 година таа повеќе не е ниту во сопственост на старите сопственици или барем на оние, што така се преставуваа и оди на продажба. Порталот на 1ТВ е се’ уште активен, ама и таму Сергеј оддамна го нема!

Како што преку ноќ го снема и од социјалните мрежи, па неговите профили на Фејсбук и Инстаграм останаа „замрзнати“ без нови објави уште од почетокот на јули!

Нема нови постови, фотографии, коментари… Нема ништо освен временска празнина!

На местата каде што обично можел претходно да се забележи повеќе не се појавува, на јавни собири уште помалку, па сето тоа наведува на уште една помисла: Каде е, дали и зошто воопшто се крие „модниот гуру“?

Има ли нешто што само Варошлија го знае или едноставно не можејќи да го поднесе „распадот на империјата“, самиот се повлече во илегала… За да „не му пукне душата“!

ИЗВОР: ВИСТИНА.МК

Македонската водителка ќе го тужи Сергеј Варошлија

Ристе Здравков — Sat, 08 Dec 2018 12:08:09 +0000

„Правдата е бавна, но секогаш стигнува. Институциите ја препознаа неправдата, сега на ред е судот! За божјиот, секој си одговара“. Со овој статус на својот Фејсбук-профил Елена Стефановска, водителка на емисијата „Живот со стил“ на 24 ТВ најави тужба против Сергеј Варошлија и 1ТВ, а заради тоа што била предмет на потсмев во емисијата „Мода со Сергеј Варошлија“ Таа претходно поднела претставка до Агенцијата за аудио и аудиовизуелни медиумски услуги од каде по извршениот надзор се констатирани неправилности. „Надзорот покажа дека се основани наводите од Претставката според кои, во овие изданија на емисијата се застапени непристојни коментари, недолични описи, јавно изложување на подбив, погрдна експресивна лексика и можни навреди“. Извор: skopje1.mk