серхи роберто – Kurir.mk

Пике ги осуди навивачите што го исвиркуваа Роберто: Серхи ја сака Барса повеќе од кој било друг

Тале Кристо — Wed, 15 Sep 2021 11:58:48 +0000

Дефанзивецот на Барселона, Жерар Пике реагираше на свирежите на навивачите против Серхи Роберто за време на натпреварот против Баерн Минхен (0:3) синоќа во Лигата на шампионите. Роберто влезе во почетниот состав, но во 59. минута беше заменет со Јусуф Демир. – Ме боли затоа што го знам овој човек, тој е прекрасна личност која го сака клубот повеќе од било кој друг. Исто така, сакам да ги потсетам луѓето дека тој не е класичен дефанзивец. Неговата позиција е во центарот на теренот, во средниот ред. Сепак се жртвуваше играјќи на оваа позиција, и во многу случаи тоа го правеше феноменално. Многу непријатно, но луѓето имаат право да го кажат своето мислење. Меѓутоа, мене лично ме боли кога сум сведок на такви работи, изјави Пике. Барселона која се наоѓа во финансиска криза, очигледно е и во играчка и резултатска криза.

Пике и Серхи Роберто се повредија во поразот од Атлетико

Дарко Андоновски — Sun, 22 Nov 2020 08:34:14 +0000

Дефанзивецот на Барселона, Жерар Пике се повреди против на синоќешниот дуел со Атлетико Мадрид во 10. коло од Ла Лига. Според „Marca“ 33-годишниот Шпанец има повреда на десното колено. Исто така на оваа средба беше повреден играчот од средниот ред на каталонскиот тим, Серхи Роберто. Него му е дијагностицирана повреда на мускул на десниот бут. Двајцата играчи мора да бидат подложени на дополнителни прегледи. Барселона по овој пораз е десетта на табелата со 11 бодови од можни 24.

Барсeлона ќе ги замоли Пике, Бускетс, Алба и Серхи Роберто за намалување на платите

Тале Кристо — Tue, 25 Aug 2020 11:45:57 +0000

Неколку договори на играчи на Барселона се предмет на преговарање, пренесува „Мундо Депортиво“, повикувајќи се на „Радио Каталуња“. Раководството на каталонскиот клуб ќе ги замоли Џерард Пике, Серхио Бускетс, Жорди Алба и Серхи Роберто да се согласат на намалување на платите. Барањето на клубот се должи на тешката економска состојба во која се најде Барселона поради пандемијата на коронавирус. Новиот тренер Роналд Куман веќе им соопшти на неколку играчи дека нема да смета на нив, па доколку некој од нив се сложи да си замине и тоа ќе придонесе за подобрување на финансиската состојба.

Фудбалер на Барселона стана готвач- еве ја причината

Катерина Бојаџиева — Tue, 13 Nov 2018 16:50:36 +0000

Дефанзивецот на Барселона, Серхи Роберто стана готвач за еден ден. Фудбалерот подготвуваше ориз по негов рецепт во ресторан во главниот град на Каталонија, со цел да помогне во финансирањето на фондацијата за Амиотрофична латерална склероза. Од ресторанот му ветиле на Роберто дека ќе одделуват по едно евро за секоја нарачка од неговиот специјален ориз за добротворната цел. Дефанзивецот на Барса ја прифаќа лично борбата со болеста, бидејќи неговата мајка страда од ова заболување.

Серхи Роберто казнет четири натпревари поради Реал

Дарко Андоновски — Wed, 09 May 2018 12:34:29 +0000

Десниот дефанзивец на Барселона Серхи Роберто доби сериозна казна за ударот против Марсело во последното „Ел Класико“ (2:2). Роберто е санкциониран според член 98.1: „напад врз друг играч без последици“. Фудбалерот ги пропушта сите три средби на тимот до крајот на сезоната - со Виљареал, Леванте и Реал Сосиедад, како и првиот натпревар за Кралскиот куп против Севиља.