серхио агуеро – Kurir.mk

ВИДЕО: Драма во програма во живо – „Агуеро, што се случува, добро си?“

Ивона Петрова — Thu, 30 Mar 2023 19:10:25 +0000

Невообичаена и прилично непријатна ситуација се случи во програмата во живо при гостувањето на Серхио Агуеро во познатото шоу на Ибаи Љанос. Славниот Аргентинец пред две години ја заврши кариерата поради проблеми со срцето, а проблемите продолжија и во годините по неговото пензионирање. Во еден момент од емисијата застана, се фати за гради, а водителот исплашено реагираше. -Што се случува, човеку? Добро си?, праша Љанос. Агуеро му одговори: „Мислам дека имав мала аритмија“. Водителот се понуди да го однесе Агуеро на лекар, но Аргентинецот одби. -Не, не. Имам чип што ќе го открие проблемот и ќе испрати сигнал, рече Агуеро.

Tensión en directo que por suerte quedó en susto: @aguerosergiokun sufre una arritmia en directo con @IbaiLlanos. "¿Quieres que vayamos al médico?" pic.twitter.com/Yt2noDJF4V
— MARCA (@marca) March 30, 2023

Агуеро: Роналдо имаше извонредна кариера, но Меси е најдобар

Ивона Петрова — Wed, 21 Dec 2022 18:56:58 +0000

Поранешниот фудбалер Серхио Агуеро проговори за споредбите кои се прават за Кристијано Роналдо и Лионел Меси. – Мислам дека нема сомнеж. За мене немаше дилеми ниту пред Светското првенство, ниту уште повеќе сега. Кристијано имаше извонредна кариера и е многу разновиден спортист. Но, Лео, се разбира, беше и останува најдобар, рече поранешниот напаѓач на аргентинската репрезентација и Манчестер сити. Агуеро во ноември, пред почетокот на Мундијалот 2022 стави влог од 1.001 долар дека Меси ќе биде најдобар играч на шампионатот и освои 8.264 долари На 17 ноември 2022 година се обложив дека Меси ќе стане најдобар играч на Светското првенство и дури сега се сетив на ова“, напиша Агуеро. Меси, кој постигна седум гола и три асистенции на Светското првенство во 2022 година, беше прогласен за најдобар играч на турнирот по финалето, во кое Аргентина ја победи Франција.

Цел пат вака – Агуеро во „погрешен“ авион полета за Катар, изразот на лицето најдобро покажува што му направиле Бразилците (ВИДЕО)

Дарко Андоновски — Fri, 18 Nov 2022 10:47:57 +0000

Поранешниот аргентински фудбалер Серхио Агуеро се најде во непријатна ситуација за време на летот за Катар, каде во недела ќе започне Светското првенство, а како што самиот најави, авионот бил исполнет со навивачи на Бразил кои пееле и ја славеле својата репрезентација во текот на целото патување. Агуеро претходно најави дека ќе биде во Катар и ќе ги бодри своите поранешни соиграчи од аргентинската репрезентација, а за време на летот за Катар се качил во „погрешниот авион“, односно во оној исполнет со весели навивачи на Бразил. Дека не му било удобно да го слуша тоа и дека не се чувствувал најудобно се показателите за изразот на лицето кој го снимил и објавил на својот Инстаграм профил, додека во позадина на видеото може да се слушне песната на бразилските навивачи. „Целиот пат вака“, напиша овој поранешен аргентински фудбалер во описот на видеото.

Enjoy your flight to the World Cup, Sergio Aguero? 😂#BBCWorldCup pic.twitter.com/tGdMqaeMbJ
— Match of the Day (@BBCMOTD) November 18, 2022

Интересно е да се додаде дека ова ќе биде прво Светско првенство на кое Агуеро и Меси нема да бидат заедно во соба, а медиумите во Аргентина пишуваат дека капитенот и најдобриот играч на оваа репрезентација ќе останат сами во собата и дека тој не побарал друг цимер.

Серхио Агуеро доби споменик во Манчестер

Ивана Ефремовски — Fri, 13 May 2022 15:20:53 +0000

Англискиот прволигаш Манчестер сити денеска откри споменик во чест на Серхио Агуеро, со што клубот го комплетираше тројството статуи посветено на клупската епоха која аргентинскиот фудбалер ја одбележа заедно со своите поранешни соиграчи Винсент Компани и Давид Силва. Статуата ја покажува прославата на тогаш 23-годишниот Агуеро пред десет години кога Аргентинецот го постигна веројатно најважниот гол во дресот на Сити. Во сезоната 2011/12 Агуеро постигна гол во 94. минута во победата во последното коло над КПР од 3-2 која на Манчестер сити му ја донесе првата шампионска титула по пауза од 44 години. – Многу сум благо дарен на клубот што го откри овој споменик како знак на признание за мојата фудбалска кариера во Манчестер. Ова е многу важен момент за мене, изјави Агуеро, кој е рекордер според бројот на постигнати голови во клупската историја на Сити. Агуеро мина десет години во премиерлигашот од Манчестер, по што премина во Барселона, но поради проблеми со срцето во ноември лани мораше да ја заврши кариерата на 33-годишна возраст. (МИА)

Агуеро може да ја продолжи кариерата: Веќе сакам да тренирам и го одбив Интер Мајами

Ивона Петрова — Thu, 31 Mar 2022 08:31:38 +0000

Поранешниот напаѓач на Барселона, Серхио Агуеро призна дека би можел да ја продолжи кариерата. Триесет и тригодишниот Аргентинец ги заврши настапите во декември 2021 година поради проблеми со срцето. – Фифа веќе ме третира како легенда, но вчера размислував дека можам да се вратам на теренот. Докторите ми рекоа да се воздржувам од фудбал 5-6 месеци, но јас веќе сакам да тренирам. Добив повик од Интер Мајами, одбив, изјави Агуеро за „TyC Sports“.

Агуеро со Аргентина ќе патува на СП во Катар

Бошко Тасиќ — Sat, 19 Feb 2022 07:48:33 +0000

Серхио Агуеро пред неколку месеци доживеа шок на фудбалскиот терени.По направените лекарски прегледи, беше констатирано дека Агуеро има срцеви проблеми и дека едноставно мора да престане со професионално играње фудбал. Тоа беше голем шок за најдобриот голгетер во историјата на Манчестер сити и еден од најдобрите аргентински фудбалери на денешницата. Агуеро беше еден од најзаслужните што Аргентина се пласираше на Светското првенство во Катар, но нема да може да биде во составот за Гаучосите кои ќе го бркаат златото. Сепак, Агуеро најверојатно ќе биде дел од аргентинската експедиција на планетарниот собир и тоа како дел од стручниот штаб. „Одам на Светското првенство во Катар. Оваа недела ќе имам состанок, но сакам да бидам таму. Идеата е да бидам дел од стручниот штаб на Аргентина. Веќе разговарав со селекторот Скалони“, откри легендарниот фудбалер за аргентинското Радио 10.

Агуеро по фудбалската пензија доби четири понуди за работа

Ристе Здравков — Mon, 20 Dec 2021 07:42:40 +0000

Серхио Агуеро поради срцеви проблеми мораше предвреме да ја заврши кариерата и да се пензионира, иако пред извесен период пристигна во редовите на Барселона и во него се гледаше големо засилување. На мечот со Алавес, фудбалерот почувствува тегоби и не можеше да дише, па предвреме беше заменет. Лекарските прегледи утврдија срцева маана со која тој не смееше да продолжи да игра, па на прес-конференција објави дека заминува во пензија. Аргентинецот веќе има четири понуди на маса. Првата е од Манчестер Сити, неговиот поранешен клуб на кој со историски гол во мечот со КПР му донесе титула. Понудата е да биде амбасадор на клубот. Исто така го бараат и од Аргентина каде има отворена понуда да биде помошник на селекторот Скалони, третата е да работи со младински категории, додека четвртата е да биде стручен коментатор во една голема ТВ-куќа. Агуеро покрај за Барселона и Манчестер Сити во кариерата играше уште и за Атлетико Мадрид и Индепендјенте.

Агуеро го воодушевил цело раководство на Барселона со одлуката за својата плата

Ристе Здравков — Thu, 16 Dec 2021 20:28:46 +0000

Серхио Кун Агуеро на болна и емотивна прес-конференција стави крај на својата играчка кариера, обраќање при кое не пропушти да посвети само пофални зборови за Барселона како клуб, иако на „Камп Ноу“ мина само неколку месеци. Аргентинецот поради срцеви проблеми беше принуден да каже „стоп“ и да стави крај на професионалната играчка кариера, но угледните каталонски медиуми откриваат дека тоа го направил на свој начин, со класа потег и џентлменско однесување. Агуеро ја воодушеви јавноста и при заминувањето од Манчестер Сити кога му подари автомобил на економот, а сега на заминување од Барселона, решил да заштеди милиони евра за Жоан Лапорта и неговите соработници. Како што тврди угледниот „Спорт“, Агуеро се откажал од целата плата од втората година од договорот, додека се согласил да добие и значително помала плата од оваа првата која ја започна. Според договорот, Агуеро можеше да биде целосно исплатен од клубот без оглед на пензионирањето, но покрај тоа што се откажал од средствата, и дозволи на Барселона симболичната сума од оваа година да му ја исплаќа на рати и одложено до месец јули наредната година.

Докторот објасни зошто Агуеро не смее веќе да игра фудбал

Ристе Здравков — Thu, 16 Dec 2021 20:26:49 +0000

Серхио Агуеро вчера објави крај на својата неверојатна кариера. Поради проблеми со срцето, Аргентинецот ја донесе најтешката одлука во кариерата – на 33 години мораше да ги закачи копачките. Еден од главните кардиолози, д-р Мигел Вегас, кој ја следи здравствената состојба на Агуеро откако првпат почувствувал проблеми со срцето во 2004 година, објасни зошто Аргентинецот морал по секоја цена да донесе толку тешка одлука. „Агуеро има таков тип на аритмија која, во некои случаи, за жал може да доведе до прекин на срцевата работа. Таква аритмија не може да се развие кај „обичните“ луѓе и тоа е карактеристично само за спортистите чие тело со години е изложено на голем напор. Агуеро има мала лузна на срцето, пократка од милиметар што ги создава споменатите аритмии. Ова можеме да го решиме со поставување катетер, ќе живее сосема нормално, ќе може да се занимава со спорт, но рекреативно. Професионалниот спорт е нешто друго во овие времиња, а Агуеро не е подготвен за тоа. Ова беше единствената одлука што требаше да ја донесе, бидејќи можеше да биде и полошо“, објасни д-р Мигел Вегас. Серхио Агуеро во кариерата настапуваше за Индепендиенте, Атлетико Мадрид, Манчестер Сити и за Барселона. Постигна 420 гола и освои 21 трофеј.

Официјално: Агуеро му кажа збогум на фудбалот, солзите неизбежни

Ивона Петрова — Wed, 15 Dec 2021 12:20:53 +0000

Аргентинецот Серхио Агуеро денеска официјално се збогуваше од професионалниот фудбал. На вонредната прес-конференција која ја закажа Барселона, Агуеро ја соопшти својата одлука. Пред големиот број навивачи тој не можеше да ги задржи солзите. Заминува големо име, вистинска легенда и можеби еден од најдобрите напаѓачи во новата ера на светскиот фудбал, сметаат навивачите -Здравјето е на прво место. Медицинскиот тим ми кажа дека е најдобро да престанам да играм. Ја напуштам Барселона, ја завршувам професионалната кариера, изјави Агуеро.

We love you, Kun. 😭😭😭 pic.twitter.com/88dtg9xKJd
— FC Barcelona (@FCBarcelona) December 15, 2021

За потсетување, кон крајот на октомври Агуеро се соочи со срцеви проблеми и од тогаш беше извесно дека овој фудбалер нема да може уште долго да игра на врвно ниво.

"It's a very difficult moment ... it's for my health." — @aguerosergiokun pic.twitter.com/DYBjqqSQf2
— FC Barcelona (@FCBarcelona) December 15, 2021

Најголем печат остави во дресот на Атлетико Мадрид.