серхио љуљ – Kurir.mk

Серхио Љуљ доби признание од колегите во Евролигата

Бошко Тасиќ — Wed, 07 Jun 2023 05:00:18 +0000

Здружението на играчи од Евролигата (ELPA) ги додели признанијата за изминатата сезона во која триумфираше шпанскиот гигант Реал Мадрид, а една од главните награди отидоа на адреса на извонредниот Серхио Љуљ. Шпанскиот репрезентативец ја доби наградата за „најдобар играч во клучни моменти“, со што се потврдува дека неговата „тројка“ во финалето со Олимпијакос беше клучна за освојување на титулата. Серхио Љуљ упати неверојатно прецизен шут, а токму овие поени на крајот се покажаа и како клучни за огромната победа.

Серхио Љуљ собори два клупски рекорди на Реал Мадрид

Бошко Тасиќ — Mon, 29 May 2023 05:00:42 +0000

Шпанскиот ветеран Серхио Љуљ имаше важна улога во редовите на Реал Мадрид на патот кон европската титула, а продолжи со одличните настапи и во плејофот на шпанското првенство. Реал денеска славеше над Гран Канарија, а Љуљ со својот ефект на теренот, постави два клупски рекорди на својот клуб. Уште со првата тројка, Љуљ стана најдобар стрелец во историјата на клубот во шпанското првенство, а со втората стана прв играч на Реал кој постигнал 900 тројки во АЦБ лигата. Инаку, досега најдобар реализатор на Реал беше Фелипе Рејес, а Љуљ денеска стигна до 6027 поени, што е нов рекорд. Само четворица играчи во историјата имаат постигнато 900 тројки во шпанскиот шампионат. Љуљ го завршил денешниот натпревар со 16 поени, а поефикасен од него бил само Муса со 20 поени.

Руди, Чачо и Љуљ ќе играат за Шпанија на Мундобаскетот

Бошко Тасиќ — Thu, 25 May 2023 04:34:35 +0000

Претседателот на шпанската кошаркарска федерација, Хорхе Гарбахоса објави дека Руди Фернандез, Серхио Родригез и Серхио Љуљ ќе играат за националниот тим на претстојното Светско првенство кое од 25 август до 10 септември ќе се одржи во Јапонија, Филипини и Индонезија. Сите членови на легендарното трио, кои во неделата со Реал ја освоија Евролигата, потврдија дека ќе играат на Светското првенство. Љул и Родригез не играа на минатогодишниот Евробаскет, додека Руди Фернандез со Шпанија ја освои титулата европски првак. Шпанија е и актуелен светски шампион. Во првата фаза од Мундобаскет, Шпанија ќе игра во групата Г со Иран, Бразил и со Брегот на Слоновата Коска.

Љуљ: Тренерот ми рече да го земам последниот шут

Бошко Тасиќ — Mon, 22 May 2023 04:46:05 +0000

Кошаркарите на Реал Мадрид во финалето на Фајнал-фор турнирот во Евролигата во литванскиот град Каунас со 79-78 го совлада Олимпијакос. За шпанскиот клуб ова е единаесетта титула шампион на Европа, а грчката екипа останува на три. Во последниот напад Шпанците реализираа поени преку Серхио Љуљ, за радост кај соиграчите и навивачите на клубот. „Кога тренерот ја нацрта акцијата за последниот напад, ми наложи да шутирам. За среќа добро се заврши. Ударот беше тежок, но од старт верувам дека ќе погодам. Плус секогаш ја имаме опцијата за скок на Таварес. Мустафа Фол беше еден метар од мене, имав простор и го искористив.Можеби звучи нескромно, но очекувам уште многу години да играм за овој клуб“, рече херојот од Каунас.

Љуљ ќе го пропушти Евробаскет 2022 поради повреда

Магдалена Андонова — Thu, 25 Aug 2022 12:06:47 +0000

Искусниот кошаркар Серхио Љуљ нема да и помогне на шпанската репрезентација на Европското првентво 2022. Триесет и четиригодишниот Љуљ беше подложен на медицинска контрола по вчерашниот натпревар од квалификациите за СП 2023 против Исланд (87:57). Според Шпанската кошаркарска федерација, повредата не е сериозна, но била донесена одлука играчот да биде ослободен од националниот тим. Членот на Реал Мадрид се очекува да се врати на теренот до почетокот на следната клупска сезона. Евробаскет 2022 ќе се игра во четири држави од 1 до 18 септември.

Серхио Љуљ уште две години во Реал Мадрид

Бошко Тасиќ — Wed, 06 Jul 2022 19:50:25 +0000

Шпанскиот кошаркарски репрезентативец Серхио Љуљ, и во наредните две сезони ќе го носи дресот на Реал Мадрид“. Капитенот на Реал денеска потпиша нов договор за соработка до 2024 година. „Има деца кои сонуваат да играат во НБА, јас сонував да играм за Реал Мадрид и си го исполнив сонот“, изјави Љуљ. Тој во далечната 2007 година првпат заигра во дресот на Реал Мадрид и веќе 15 сезони е дел од клубот.