серхио рамос – Kurir.mk

ВИДЕО: Во 2016 како осумгодишник му беше придружба, а сега го „натера“ Рамос да си даде автогол

Ристе Здравков — Sat, 30 Sep 2023 08:24:46 +0000

Фудбалерите на Барселона со доста потешкотии ја „скршија“ Севиља и славеа со 1-0 во дербито на Примера. Иако имаа многу шанси, домаќините дојдоа до победата со автоголот на лутиот ривал Серхио Рамос. Ветеранот кој летово се врати во Севиља несреќно ја стресе сопствената мрежа во 76. минута по уфрлување од младиот Ламин Јамал. Овие двајца имаат интересна заедничка приказна. Светските медиуми се присетија на едно „Ел Класико“ во 2016 година. Имено, тогаш осумгодишниот Јамал му беше придружник на Рамос при излегувањето на теренот, како дете од школата на Барселона. Ова видео го обиколи светот и привлече доста реакции.

Throwback to the 2016 Clásico, when an eight-year-old Lamine Yamal walked out as Sergio Ramos' mascot.

Seven years later and they're facing off as Barcelona host Sevilla 😲

(via @Gol)pic.twitter.com/fCHVQUrNwO
— B/R Football (@brfootball) September 29, 2023

Сега, Јамал порасна и стигна во првиот тим на Барселона, а во новата средба со шпанската легенда излезе како победник. Токму Јамал беше човекот кој го „изнуди“ автоголот, со вратена топка на петерецот од десната напаѓачка страна.

Чави за автоголот на Рамос: Тоа е лошо за него, но добро за нас – таков е животот!

Ристе Здравков — Sat, 30 Sep 2023 07:34:57 +0000

Судбината беше брутална кон Рамос, таа сакаше токму на меч против Барселона да си постигна автогол кој беше клучен за победа. По мечот Чави имаше големи пофали за Рамос. „Не се видов со него, не зборував. Тој е спектакуларен дефанзивец и заслужува големи заслуги што е на врвно ниво на негова возраст. Тој е професионалец“, вели Чави. „Што се однесува до голот, штета за него, но тоа е добро за нас. Таков е животот, фудбалот е живот“.

Рамос се расплака пред 22.000 навивачи: Цел живот навивам на Севилја (ВИДЕО)

Ристе Здравков — Thu, 07 Sep 2023 07:46:04 +0000

Шпанскиот дефанзивец Серхио Рамос беше промовиран како ново засилување на Севилја, откако искусниот фудбалер реши да се врати во татковината, иако имаше богати понуди од Саудиска Арабија. Повеќе од 22.000 навивачи беа на трибините на стадионот „Рамос Санчез Писхуан“ за да го пречекаат Рамос, кој се расплака на теренот. „Посебен и емотивен ден е ова за мене. Многу години поминаа, но се чувствувам исто како денот кога дебитирав тука. Цел живот сум навивач на Севилја и дојдов да се борам за клубот“, вели Рамос.

Sergio Ramos in tears during his presentation in front of Sevilla fans at the Ramón Sánchez-Pizjuán Stadium
by u/TomasRoncero in soccer

Рамос се врати во Севиља

Тале Кристо — Mon, 04 Sep 2023 16:30:44 +0000

Иако имаше богата понуда од саудискиот клуб Ал Итихад, легендарниот шпански дефанзивец Серхио Рамос ќе ја продолжи кариерата во Севиља, враќајќи се по пауза од 18 години во клубот во кој ја почна својата блескава кариера. -Среќен сум што се вратив. Ова е посебен ден, секогаш е убаво кога се враќаш дома. Сега преостанува уште да ги минам лекарските прегледи пред да го потпишам договорот, изјави 37-годишниот Рамос по доаѓањето во Севиља. Рамос мина една сезона во Севиља пред во 2005 година да замине во Реал Мадрид на 19 годишна возраст. Дресот на Кралскиот клуб го носеше 16 сезони во кои четири пати ја освојуваше Лигата на шампиони, а пет пати шпанската титула. Од 2021 до 2023 година беше член на француски ПСЖ, беше без ангажман од јуни кога ги напушти редовите на клубот од Париз.

„Марка“: Рамос стави крај на дилемите и го избра новиот клуб! (Фото)

Ристе Здравков — Sun, 03 Sep 2023 14:44:44 +0000

Серхио Рамос ја прекина соработката со ПСЖ и не го продолжи договорот со „светците“, а како слободен агент повеќе од два месеци се обидува да си пронајде нов клуб. Угледната „Марка“ ова попладне уверува дека на ваквиот статус му се ближи крајот, бидејќи легендарниот капитен на Реал Мадрид конечно ставил крај на дилемите и го избрал новиот клуб во кој ќе ја продолжи кариерата. Рамос не брзаше да направи трансфер пред истекот на преодниот рок во Европа бидејќи е слободен агент, но во изминатите два дена сериозно ги разгледуваше опциите кои ги имаше на маса. Едната беше од турскиит великан Галатасарај кој му нудеше 7,5 милиони евра по сезона, но „Марка“ открива дека Рамос се одлучил за втората, а истата доаѓа од Саудиска Арабија. Угледниот мадридски медиум се повика на свои сигурни извори и тврди дека Рамос ќе му биде нов соиграч на Карим Бензема, односно во наредните 48 часа ќе стави потпис на договорот со шампионот на Саудиска Арабија, Ал Итихад.

‼️ Sergio Ramos era uno de los nombres propios del mercado de fichajes... ¡y ya tiene equipo! según ha podido saber @marca https://t.co/yD2Q0TxNEJ
— MARCA (@marca) September 3, 2023

Серхио Рамос и понатаму е слободен, му пропадна еден трансфер

Ристе Здравков — Tue, 22 Aug 2023 07:44:45 +0000

Шпанскиот ветеран Серхио Рамос и понатаму останува слободен играч и ќе бара нов клуб до крајот на овој преоден рок. 37-годишникот не размислува на пензија и бара нов предизвик во кариерата откако раскина со Пари Сен Жермен каде ја мина последната сезона. Рамос имаше понуди на своја адреса, но не успеа да ги реализира. Поранешниот шпански репрезентативец се обиде да се врати во Севиља, но клубот каде се афирмира како играч го одби затоа што условите беа превисоки. Потоа, Рамос влезе во преговори со турски Бешикташ, ама и тој трансфер пропадна. Информацијата ја потврди клубот кој истакна дека бил во преговори со Рамос и Талиска од Ал Наср, ама преговорите со двајцата завршиле затоа што финансиските барања на играчите биле преголеми. Рамос играше за Севиља од 2003 до 2005, а потоа се пресели во Реал Мадрид каде играше од 2005 до 2021 година и стана легенда и еден од најдобрите стопери во светот. Авантурата во ПСЖ му траеше две години.

Галатасарај му понуди на Серхио Рамос двегодишен договор

Дарко Андоновски — Thu, 17 Aug 2023 07:27:27 +0000

Поранешниот фудбалер на ПСЖ и Реал Мадрид, Серхио Рамос би можел да премине во Галатасарај. Сега тој е слободен агент. Според АС, клубот од Истанбул на 37-годишниот фудбалер му нуди двегодишен договор вреден 5,5 милиони евра годишно. Претходно претседателот на Севилја, Хозе Кастро изјави дека не сака Рамос да се врати во клубот. За неговиот последен клуб, ПСЖ, дефанзивецот забележа 58 настапи за две години, постигнувајќи шест гола и една асистенција. Пред тоа, Шпанецот играше во Реал Мадрид од 2005 до 2021 година.

Серхио Рамос доби „корпа“ од клубот кој го избра како идеална дестинација

Ристе Здравков — Wed, 09 Aug 2023 08:47:06 +0000

Серхио Рамос и натаму е без клуб откако во јуни се раздели со ПСЖ, а се чини дека барем засега не може да пронајде соодветна опција за продолжението од својата професионална кариера. Шпанецот не успеа да се договори со клуб од МЛС, ги одбил понудите од Саудиска Арабија и Турција, а се чини дека засега не може да му се исполни желбата за следната дестинација. Се работи за матичниот клуб Севилја, клуб во кој Рамос со задоволство би се вратил, дури и по цена да се жртвува во однос на финансиските услови, но во моментов очигледно и тоа не е реална опција. Агентите на дефанзивецот испратиле порака до андалузискиот клуб околу желбата на искусниот фудбалер, но вчера стигна одговор од спортскиот директор Виктор Орта. – Не постои ваква можност во актуелната поставеност на екипата и клубот. – Имаме шест стопери и клупскиот модел е да им дадеме шанса на помладите фудбалери. Мора да го следиме системот кој сме го поставиле, па според тоа Рамос не може да биде фудбалер на Севилја, – изјавил Орта.

Серхио Рамос пред трансфер во Галатасарај

Дарко Андоновски — Tue, 01 Aug 2023 06:11:17 +0000

Поранешниот фудбалер на ПСЖ и Реал Мадрид, Серхио Рамос е блиску до преминување во Галатасарај. Фудбалерот има статус на слободен играч. Според новинарот Фатих Демиркол од „Хабер Глобал“, клубот од Истанбул го убедил 37-годишниот Шпанец да му се приклучи на турскиот шампион. За ПСЖ, Рамос за две години одигра 58 натпревари, постигнувајќи шест гола и една асистенција. Пред тоа, Шпанецот играше во Реал Мадрид од 2005 до 2021 година.

Рамос би можел да ја продолжи кариерата во Бразил

Ивона Петрова — Thu, 13 Jul 2023 13:22:50 +0000

Шпанскиот фудбалер Серхио Рамос, кој како слободен играч ова лето го напушти Пари Сен-Жермен, може да ја продолжи кариерата во бразилскиот шампионат. Според новинарот Фернандо Круз, Фламенго сака да потпише со 37-годишниот фудбалер. Клубот веќе преговара со играчот и се подготвува да му достави официјална понуда. Дефанзивецот минатата сезона одигра 58 натпревари за ПСЖ, постигна шест гола и една асистенција. Пред тоа, Шпанецот играше за Реал Мадрид од 2005 до 2021 година.