Серхио Регилон – Kurir.mk

Манчестер Јунајтед експресно договори лев бек од Тотенхем

Бошко Тасиќ — Fri, 01 Sep 2023 03:56:31 +0000

Планот на Јунајтед е да доведе играч на позајмица за да го замени отсуството на повредениот Лук Шо, а бидејќи целта не е да се купи дефанзивец на долгорочен план, конечниот избор паднал на Серхио Регилон. Последните вести од Англија велат дека „ѓаволите“ во рекордно време успеале да се договорат со Тотенхем и договориле заем на Регилон, кој според информациите на добро упатените новинари за трансфер, веќе ги минал медицинските прегледи. Поранешниот дефанзивец на Реал Мадрид ќе пристигна во Јунајтед како опција плус за Тен Хаг на левата страна, а клубот ќе нема право на откуп по крајот на сезоната.

Бејл и Регилон на лекарски преглед пред трансфер во Тотенхем

Ивона Петрова — Thu, 17 Sep 2020 10:28:19 +0000

Двајца играчи на Реал Мадрид, дефанзивецот Серхио Регилон и напаѓачот Герет Бејл, се подготвуваат да му се приклучат на Тотенхем, објави „Скај Спорт“. Според изворот, двајцата ќе бидат подложени во Мадрид на медицински преглед. После тоа, пријавено е дека играчите летаат за Лондон за да го комплетираат трансферот во Тотенхем. Регилон ќе стане редовен фудбалер на Спарс, а Бејл ќе ја помине сезоната 2020/21 со англискиот тим на позајмица.

Мурињо сака да го види Регилон во Тотенхем

Магдалена Андонова — Mon, 14 Sep 2020 10:28:18 +0000

Дефанзивецот на Реал Мадрид, Серхио Регилон може да ја продолжи кариерата во Англија, пишува „Дејли меил“. Според изворот, за 23-годишниот Шпанец е заинтересиран Тотенхем. Тренерот на тимот од Лондон, Жозе Мурињо сака да го види играчот во клубот. Изминатата сезона Регилон ја помина на позајмица во Севиља, постигнувајќи три гола и реализирајќи пет асистенции на 38 натпревари. (МИА)

Евертон притиска за дефанзивец на Реал

Ивона Петрова — Sat, 01 Aug 2020 08:53:37 +0000

Евертон е на пол-позиција за дефанзивецот на Реал Мадрид, Серхио Регилон, за кого нуди 20 милиони евра. Неколку други клубови го сакаат Шпанецот, кој, сепак, е сериозна цел на Карло Анчелоти за левата страна од одбраната, откако Лејтон Бејнс ја заврши кариерата. Регилон беше прогласен за најдобар на својата позиција во Ла Лига за оваа сезона, откако заблеска за Севиља, каде беше на позајмица и сигурно има сериозен интерес за него. Се верува дека шпанскиот шампион ќе се согласи да го продаде 23-годишниот играч, бидејќи на клубот му се потребни средства, а Зинедин Зидан има доволно квалитет во левата одбранбена зона, каде се и Ферлан Менди и Марсело. Кај „карамелите“, Лука Дин е неспорен бр.1 на позицијата, но со евентуално привлекување на Регилон, опциите за Анчелоти ќе станат многу подобри и затоа тој силно го сака играчот на Реал.