серхио рико – Kurir.mk

Емотивно: Голманот на ПСЖ ги победи најлошите прогнози: Излезе од болница по 82 дена борба за живот! (ФОТО)

Ристе Здравков — Fri, 18 Aug 2023 14:46:34 +0000

Шпанскиот голман Серхио Рико ја напушти болницата во Севилја по два и пол месеци од тешката трагедија кога беше удрен од коњ. Се бореше за живот, дури беше на интензивна нега и во кома поради повреда на мозокот, но успеа да го добие најважниот меч.

An amazing news! Sergio #Rico has left the hospital after 82 days 🙏 pic.twitter.com/JP8bLjjHEe
— Nicolò Schira (@NicoSchira) August 18, 2023

-Ова е сон, фала богу што излегов – биле првите зборови на Рико по излегувањето од болница во друштво на сопругата Алба, како што пренесува Марка. Шпанскиот голман вели дека се чувствува добро, но ќе му треба уште неколку месеци одмор и не е познато кога би можеле да го видиме назад на теренот. Рико има договор со ПСЖ до летото 2024 година. На „Паркот на принцовите“ пристигна во 2019 година, а претходно бранеше за Севиља, Фулам и Мајорка. Тој успеа да дебитира за шпанската репрезентација.

5 мм до смртта: Голманот на ПСЖ ослабе 20 кг, откри детали за тешката повреда

Ристе Здравков — Sun, 09 Jul 2023 11:36:01 +0000

Голманот на ПСЖ, Серхио Рико ,полека се опоравува од тешката повреда на главата со која се здоби на крајот на мај годинава, кога неговиот коњ се судри со друг побегнат коњ, по што беше удрен со копито во главата. Според првите информации на шпанските медиуми, Рико потоа ги скршил вратните пршлени и доживеал мозочен удар, а за негова среќа набрзо пристигнала брза помош која со хеликоптер го пренела во болница во Севиља каде благодарение на бројните реакции му бил спасен животот. После тоа, имаше процес на опоравување на интензивна нега еден и пол месец, а The Athletic сега пишува дека Рико изгубил повеќе од 20 килограми додека бил во кома и близу 30% од мускулната маса. Како што се наведува, си ги повредил вратот и главата, а најмногу среќа имал што не го повредил 'рбетниот мозок. Лекарите процениле дека Рико речиси сигурно би умрел доколку раната била само половина сантиметар подлабока, поточно 5 милиметри. „Го гледаме светлото на крајот од тунелот. Одиме чекор по чекор. Од самиот почеток знаев дека ќе се извлече затоа што е шампион“, изјави сопругата на Рико, Алба Силва, за шпанските медиуми. Таа истакна и дека Рико бил свесен кога членовите на неговото семејство се појавиле пред него и ги поздравил со неколку гестови. „Серхио комуницира. Совршено знае кои сме, му се врати сеќавањето“, додаде сопругата на фудбалерот. Рико сѐ уште не може да зборува, туку комуницира само со очите, додава The Athletic во својот текст, но забележува дека позитивната вест е што неговата состојба секој ден е сѐ подобра. За крај додаваат дека големо прашање е дали овој 29-годишен Шпанец некогаш повторно ќе игра фудбал, односно дали некогаш ќе може да се врати на гол, а договорот со ПСЖ му трае до јуни 2024 година.

ПСЖ ја откажаа прославата на титулата, нивниот голман се бори за живот (ФОТО)

Ристе Здравков — Fri, 02 Jun 2023 14:08:26 +0000

ПСЖ ја освои титулата шампион на Франција, но никој во клубот не е за славење. Резервниот голман Серхио Рико се уште е во кома откако падна од коњ, лекарите се борат за неговиот живот. Состојбата на искусниот Шпанец е непроменета. Тој се уште е на интензивна нега во болницата во Севиља, денеска е шести ден откако се здоби со сериозни повреди на главата. Несреќата се случи во неделата, ден по натпреварот со Стразбур каде Серхио Рико беше резервниот голман на ПСЖ. Тој ден имал слободен ден и го искористил во својата Севиља, каде што се случил грозоморниот инцидент. Пари Сен Жермен излезе со ново соопштение во кое нагласува дека ќе бидат откажани сите прослави по повод освојувањето на шампионската титула. “Нема да има прослава. Ова е тешка недела за сите и сите сме потресени. Целата позитивна енергија ја испраќаме до Серхио Рико, неговата мајка, сопруга и најблиските”, изјави тренерот Кристоф Галтие. Во последното коло од францускиот шампионат, утре од 21 часот, ПСЖ го пречекува Клермон, додека два дена подоцна го игра финалето на Суперкупот против Тулуз.