серхио родригез – Kurir.mk

Руди, Чачо и Љуљ ќе играат за Шпанија на Мундобаскетот

Бошко Тасиќ — Thu, 25 May 2023 04:34:35 +0000

Претседателот на шпанската кошаркарска федерација, Хорхе Гарбахоса објави дека Руди Фернандез, Серхио Родригез и Серхио Љуљ ќе играат за националниот тим на претстојното Светско првенство кое од 25 август до 10 септември ќе се одржи во Јапонија, Филипини и Индонезија. Сите членови на легендарното трио, кои во неделата со Реал ја освоија Евролигата, потврдија дека ќе играат на Светското првенство. Љул и Родригез не играа на минатогодишниот Евробаскет, додека Руди Фернандез со Шпанија ја освои титулата европски првак. Шпанија е и актуелен светски шампион. Во првата фаза од Мундобаскет, Шпанија ќе игра во групата Г со Иран, Бразил и со Брегот на Слоновата Коска.

Серхио Родригез се враќа во Реал Мадрид

Бошко Тасиќ — Tue, 24 May 2022 14:53:35 +0000

Серхио Родригез од следната сезона повторно ќе го носи дресот на Реал Мадрид, пренесуваат шпанските медиуми. „Мундо Депортиво“ пренесува дека искусниот плејмејкер по шест години повторно ќе игра во Шпанија. Претходните три години Чачо Родригез го носеше дресот на тимот на Армани Милано, каде во сезоната зад нас имаше просек од 8,3 поени и 4,4 скока на натпреварите во Евролигата. За шест години, колку што го носеше дресот на „кралскиот клуб“, Родригез ја освои Евролигата, беше прогласен за МВП на најсилното европско натпреварување и беше избран во идеалната петорка.

Серхио Родригез МВП во Евролигата за октомври

Дарко Андоновски — Mon, 04 Nov 2019 13:16:06 +0000

Кошаркарот на Олимпија Милано, Серхио Родригез го доби признанието за најкорисен играч во Евролигата во октомври. Шпанецот до МВП наградата стигна со просек од 16,7 поени и 5,5 асистенции. Милано ја започна сезоната со пораз, а потоа забележа победи на пет натпревари по ред.