Серхио Ромеро – Kurir.mk

Ромеро сака кариерата да ја продолжи во Евертон

Магдалена Андонова — Fri, 25 Sep 2020 17:49:56 +0000

Голманот на Манчестер јунајтед, Серхио Ромеро е заинтересиран да се пресели во Евертон, пренесува „Тајмс“. Според британскиот весник „карамелите“ сè уште не дале официјална понуда за 33-годишниот Аргентинец, но веќе разговарале за можен договор со него и неговите претставници. Известено е дека Евертон бара да ја засили голманската позиција по неуспешниот настап на Џордан Пикфорд на мечот од Англискиот лига куп против Флитвуд (5:2). Во сезоната 2019/20, Ромеро забележа 17 настапи за Манчестер јунајтед и прими 12 гола. Порталот Transfermarkt.com ја проценува вредноста на голманот на 2,8 милиони евра. (МИА)

Два клуба од Премиер лигата се заинтересирани за голманот Ромеро

Дарко Андоновски — Fri, 24 Jul 2020 14:24:57 +0000

Голманот на Манчестер јунајтед, Серхио Ромеро може да ја продолжи кариерата во друг клуб во Премиер лигата, објави „ЕСПН“. Според изворот, за 33-годишниот Аргентинец се заинтересирани Лидс и Евертон. Претходно беше објавено дека голманот сака да го напушти Манчестер јунајтед поради желбата да добие поголема минутажа. Во сезоната 2019/20, Ромеро настапи на 15 натпревари за Манчестер јунајтед, на кои прими четири голови. Аргентинецот играше во Лигата на Европа, ФА Купот и англискиот Лига Куп без воопшто да се појави на теренот во Премиер лигата. Порталот „Transfermarkt.com“ ја проценува вредноста на Ромеро на 2,8 милиони евра.

Шок за Аргентина: Се повреди првиот голман на „Гаучосите“, го пропушта Светското првенство

Матеја Петровски — Wed, 23 May 2018 08:25:06 +0000

Една од најдобрите светски репрезентации, Аргентина остана без првиот голман пред почетокот на Светското првенство. На тренингот на репрезентацијата се повреди Серхио Ромеро, кој во наредните го очекува операција. До Светско првенство останаа помалку од 20 години, а репрезентациите полека почнаа со припремите. Репрезентацијата која настапува во групата Д доживеа голем хендикеп пред почетокот на Светското првенство. Првиот голман на Гаучосите, 31 годишниот голман Серхио Ромеро доживеа повреда на десното колено на тренинг на репрезентацијата. Ромеро, кој моментално е втор голман на Манчестер Јунајтед, овие денови би требало да оди на операција. Иако не брани многу во клубот, Ромеро веќе со години е прв голман на репрезентацијата. Со тоа неговата повреда ќе биде голем хендикеп за нив. Ромеро меѓу стативите би можел да го замени ветеранот Вили Кабаљеро, кој исто така е резервен голман во Челзи. Ромеро досега забележал 94 настапи за репрезентацијата, а на минатото Светско првенство во Бразил бранеше цело време, вклучувајќи го финалето, каде неговата репрезентација изгуби од Германија. Аргентина првиот меч го игра против Исланд на 16 јуни во Москва.

Ромеро сака да си замине од Јунајтед

Ивона Петрова — Wed, 03 Jan 2018 07:59:26 +0000

Голманот Серхио Ромеро побара дозвола да го напушти Манчестер Јунајтед поради слаба минутажа. Аргентинскиот чувар на мрежата на „Олд Трафорд“ е од 2015 година, но не се избори за стандардно место во првиот тим и затоа одлучи да ја смени средината. 30-годишниот Ромеро и во вакви околности успеа да го задржи статусот на прв голман во аргентинската репрезентација, ама се плаши да не го загуби до почетокот на Мундијалот, доколку не брани стандардно во клубот. За него веќе има заинтересирани екипи од Премиер лигата, од шпанската Ла Лига, како и од родната Аргентина. Покрај за Манчестер Јунајтед, Ромеро има настапувано и за Сампдорија, Монако, АЗ Алкмар и Расинг Клуб.