серија б – Kurir.mk

На Јувентус му се заканува нова преселба во Серија Б

Ивона Петрова — Fri, 03 Feb 2023 12:14:19 +0000

Дисциплинската комисија на Фудбалската федерација на Италија ќе бара одземање на дополнителни 20 бодови на Јувентус поради финансиски малверзации, што сосема извесно ќе значи нова преселба на гигантот од Торино во Серија Б како што тоа беше случај во 2006 година поради аферата „Калчополи“, јавија денеска италијанските медиуми. Поради финансиски малверзации поврзани со трансфери на свои играчи во 2021 година, Јувентус минатиот месец беше казнет со одземање 15 бодови и суспензии за клупското раководство, кое дополнително поднесе колективна оставка. Јувентус во моментов се наоѓа на 13. место на табелата во Серија А со 23 бодови, десет повеќе од зоната на испаѓање, но во случај на дополнителна казна, екипата предводена од Масимилијано Алегри ќе биде пред невозможна мисија да остане и следната сезона во прволигашка конкуренција.

Киево прогласи банкрот, исклучен од Серија Б

Магдалена Андонова — Tue, 27 Jul 2021 07:23:17 +0000

Киево е исклучен од Серија Б поради банкрот, објави Фудбал Италија. Неговото место во втората италијанска дивизија ќе го заземе Козенца. „Летечките магариња“ поднеле жалба против пресудата, но таа била одбиена. Поради банкрот, клубот може да продолжи да настапува не повисоко од Серија Д. Од истата причина од Серија Ц беа исклучени: Карпи, Новара, Самбендетезе и Казертана. Во исто време, Паганезе ја добија жалбата и успеаја да го сочува своето место во третата италијанска лига. Минатата сезона Киево заврши осми во Серија Б и играше во плејофот за Серија А. Највисок резултат на тимот е петтото место во Серија А во 2001/02, по што клубот од Верона играше во квалификациите за Лигата на шампионите и Купот на УЕФА. (МИА)

Симоне Инзаги му се извини на својот брат по испаѓањето на Беневенто во Серија Б

Тале Кристо — Wed, 19 May 2021 07:09:52 +0000

Тренерот на Лацио, Симоне Инзаги му се извини на својот брат Филипо Инзаги, откако синоќа неговиот тим одигра 0:0 со Торино. По ова реми, Беневенто предводен од Филипо ги изгуби и теоретските шанси за опстанок во Серија А, а Торино останува во елитата. – Разочаран сум за мојот брат, но дадовме максимум и мислам дека ова е добар одраз на италијанскиот фудбал. Убаво беше да се види како се борат двата тима до последната минута. Беше многу долга и многу тешка сезона, практично имавме две според тоа што игравме на секои три дена. Не чека последниот натпревар, и ние повторно ќе дадеме сè од себе, изјави Симоне Инзаги. По овој натпревар, Лацио“ со 68 бода е шести во поредокот и си обезбеди учество во групната фаза од Лигата на Европа. Торино со 36 поени е 17, едно место пред Беневенто кој остана на 32 бода и следната сезона ќе игра во Серија Б.

Клубовите во Серија А и Серија Б сакаат да ги замрзнат платите на играчите за време на принудната пауза

Дарко Андоновски — Tue, 17 Mar 2020 08:19:38 +0000

Претседателите на клубовите во Серија А и Серија Б сакаат да ги замрзнат платите за играчите за време на суспензијата на натпреварувањата поради коронавирусот, пренесува новинарот Никола Скира кој е добар познавач на италијанскиот фудбал. – Клубовите сакаат да ги минимизираат загубите, но италијанската асоцијација на фудбалери за играчи е против оваа идеја, напиша Скира на социјалните мрежи. Италијанското првенство треба да продолжи не подоцна од 9 мај. Во Италија, дод денеска бројот на заразени со коронавирус е околу 25 илјади, починале 1809 лица.

Мечот прекинат во првата минута, а на фудбалерите им замрзна крвта: Откако се судрија двајцата, падна на земјата и не се разбуди (ВИДЕО)

Дарко Андоновски — Sat, 02 Feb 2019 14:32:09 +0000

Фудбалскиот меч од 22 коло во Серија Б во Италија беше прекинат во првата минута од неговиот старт поради ужасна повреда на еден од фудбалерите. Во обид двајцата фудбалери да стигнат до топката едниот го извлече подебелиот крај. Откако двајцата се судрија едниот од фудбалерите падна на земјата и се онесвести. На фудбалерите им се заледи крвта, а брзата помош веднаш го пренесе во болница. Првите информации се дека не станува збор за посериозна повреда и наскоро треба да биде пуштен на дома.

Серија Б отпиша три клуба, продолжува со 19 екипи

Дарко Андоновски — Tue, 02 Oct 2018 07:02:59 +0000

Италијанската фудбалска федерација донесе одлука првенството во Серија Б да продолжи со 19 учесници, со што се стави крај на конфузната ситуација која настана на самиот почеток. Проблемите во втрото по ранг фудбалско натпреварување на Апенинскиот Полуостров се случија кога Бари, Авелино и Чезена банкротираа на почетокот на сезоната, па така лигата од 22 падна на 19 клубови. Во меѓувреме, пет учесници од Серија Ц (Катанија, Новара, Тернана, Про Верчели и Сиена) с епонудија да ги пополнат испразнетите места, но нивниот предлог беше одбиен. Серија Б еден период беше и суспендирана, но по донесувањето на оваа одлука, ќе продолжи со нормалното функционирање.

Италијанската фудбалска федерација во проблеми, првенството стопирано

Матеја Петровски — Tue, 18 Sep 2018 17:10:24 +0000

Втората лига во Италија е привремено стопирана додека не се донесе конечна одлука за бројот на тимови кои ќе се натпреваруваат таму. Од Лигата решија да ја скратат бројката на тимовите од 22 на 20, односно при 19 останати на крајот од сезоната, да додадат еден тим од третата лига. Но, од фудбалската федерација на Италија не презедоа таков чекор, и ја блокираа одлуката на Лигата. Документи да бидат вклучени во првенството поднеле Катанија, Новара, Сиена, Тернана, Про Верчели и Виртус Ланчиано. Спорот стигна до Олимпискиот комитет на Италија (КОНИ), чија Комисија за жалби почна да заседава, но се уште не е јасно дали КОНИ има право да донесе одлука и поради тоа првенството започна со 19 тима. Сега, сепак, стано јасно дека првенството е привремено прекинато. Реално ова е последна можност да се направи некаква промена, бидејќи и првенствата во Серија „Ц“, кои ги има три на број, почнуваат и има тимови кои се уште не ги одиграле своите натпревари. (Миа)

Драма во последното коло од Серија Б: Голема радост за фудбалските фанови- славниот италијански клуб се враќа во елитата (ВИДЕО)

Матеја Петровски — Sat, 19 May 2018 08:12:29 +0000

Вистинска драма во последното коло од италијанската Серија Б! Драма која предизвика среќа и славење кај секој вистински фан на фудбалот, а за тоа заслужен е израмнувачкиот погодок на Фоџа во Фросиноне во 89-та минута. Тој погодок на Фоџа ништо не и значеше, но беше многу важен за Фросиноне и за Парма. Славниот клуб од Енио Тардини четири години после банкротот и играњето по пониските лиги се враќа онаму каде што му е местото, во елитната италијанска лига. Италијанскиот фудбал може да се каже дека се буди во последните 2-3 години, Јувентус во минатите три години два пати беше финалист во Лигата на шампионите, силни инвестиции има во Милан и Интер, Рома успеа да ја исфрли Барселона од најелитното европско натпреварување оваа година, а враќањето на Парма во Серија треба да биде уште еден чекор кон целосно враќање на сцена на славните калчо денови. Парма за овој успех мора да му се заблагодари на Фросиноне, кој пред последното коло се имаше во своите раце. Два бода повеќе пред последните 90 минути, меч пред своите фанови, незаинтересиран ривал... Но, тоа не им беше доволно, Парма оствари сигурна победа на гостувањето кај Специја со 2:0, а Фоџа им помогна креирајќи драма која ретко се гледа. После првите 45 минути во Фросиноне резултатот беше 0:1 за гостите. Надежта за фановите на Парма беше голема, но за пет минути, од 68-та до 73-та минута домаќините направија пресврт. Но, комичен автогол на фудбалерите на Фросиноне ја врати Парма онаму каде што припаѓа, меѓу најдобрите во Калчото. Инаку Парма е клубот од чија школа и низ чиј тим поминаа големи играчи, дете на овој клуб е можеби и најдобриот голман во историјата на фудбалот Џанлуиџи Буфон.

Трајковски и Несторовски со Палермо на првото место ја завршија полусезоната во Серија Б

Дарко Андоновски — Fri, 29 Dec 2017 08:06:17 +0000

На 21 натпревар Палермо освои 39 бода, вклучувајќи ги и трите од синоќа освоени на дуелот со Салернитана, на кој Трајковски запиша асистенција, а по повредата во тимот се врати капитенот Несторовски. Од ривалите на Палермо за пласман во Серија А, Фросиноне има два бода помалку, Емполи и Бари собраа по 34, Парма 33, Кремонезе и Цитадела по 32,... Следува пауза до 20 јануари кога Палермо ќе гостува кај Специја.