серија пријатели – Kurir.mk

Прва порака од главната актерска екипа на „Пријатели“ по смртта на Метју Пери: Бевме семејство

Ивона Петрова — Tue, 31 Oct 2023 06:36:49 +0000

Џенифер Анистон, Кортни Кокс, Лиза Кудроу, Мет Лебланк и Дејвид Швимер му оддадоа почит на нивниот починат колега и пријател Метју Пери, кој го играше Чендлер Бинг во сите 10 сезони на „Пријатели“. Два дена по ненадејната смрт на Метју Пери, неговите колеги од хит телевизиската серија објавија заедничка изјава за магазинот People. -Сите сме целосно уништени од загубата на Метју. Бевме повеќе од само колеги. Ние сме семејство. Има многу да се каже, но сега ќе одвоиме малку време да тагуваме и да ја процесуираме оваа голема загуба. Ќе кажеме повеќе со текот на времето, како и кога можеме. Засега, нашите мисли и нашата љубов се со семејството на Мети, неговите пријатели и сите што го сакаа ширум светот, се додава во соопштението. Пораката е потпишана од Анистон, Кокс, Кудроу, Лебланк и Швимер.

ФОТО: Еве какви лекови се пронајдени во домот на Метју Пери, телото изнесено од куќата, ќе се врши обдукција

Ивона Петрова — Sun, 29 Oct 2023 18:29:35 +0000

Телото на починатиот актер Метју Пери беше однесено од неговиот дом во Лос Анџелес, откако ѕвездата на „Пријатели“ беше пронајдена мртва во неговото џакузи. Телото на актерот беше однесено со комбе на судска медицина од влезната врата од неговиот дом. Според првичните информации, Пери се удавил, иако официјалната причина за смртта не е објавена и се чека обдукција. Истражителите пронашле антидепресиви на рецепт и апчиња против анксиозност во луксузниот дом на Пери, но велат дека не биле пронајдени нелегални лекови. Актерот, познат по улогата на Чендлер Бинг на „Пријатели“, поседувал и лек на рецепт за хронична опструктивна белодробна болест.

ВИДЕО: Емотивна сцена од „Пријатели“ го преплави интернетот по смртта на Метју Пери

Ивона Петрова — Sun, 29 Oct 2023 16:18:21 +0000

По веста за смртта на Метју Пери, на интернет се шират бројни објави поврзани со познатиот актер и неговата најпозната улога. Низ социјалните мрежи се шират бројни најави и снимки од серијата каде Чендлер редовно ги засмејуваше обожавателите на серијата, а бројни колеги и пријатели се простуваат од актерот кој прерано почина. Сцената која привлече најмногу внимание е онаа кога Џои седи сам во фотелја, гледа телевизија и гласно се смее, а потоа несвесно гледа во фотелјата до него и повторно се смее. Тогаш сфаќа дека фотелјата е празна, односно никој не седи на неа. Џои го крева телефонот, но на крајот се откажува од повикот. Во исто време, неговиот пријател Чендлер исто така поминува време сам. Многумина оваа сцена веќе ја нарекоа „една од најемотивните во целата серија“, а сега повторно се шири на социјалните мрежи.

Почина познатиот актер од серијата „Пријатели“

Ивона Петрова — Mon, 25 Oct 2021 06:39:18 +0000

Американскиот актер Џејмс Мајкл Тајлер, најпознат по улогата на Гантер во серијата „Пријатели“, почина на 60 годишна возраст. Познатиот актер кој од 2018 година се бореше со рак на простатата починал во својот дом во Лос Анџелес, потврдил неговиот претставник за ТМЗ. -Светот го познаваше како Гантер (седмиот пријател), но најмилите негови го познаваа како актер, музичар, поборник за повисока свест за карциномот и сакан сопруг, се наведува во соопштението. Својата болест Тајлер ја држел во тајност од јавноста околу три години, пред да открие дека има карцином кој се проширил. -Дијагностициран ми е рак на простатата кој се прошири на моите коски. Се занимавам со оваа дијагноза околу три години. Четврта фаза. Рак во доцна фаза. Па на крај, знаеш, веројатно ќе ме докрајчи, рекол Тајлер во јуни во интервју за Тудеј. Апелирал мажите редовно да одат на контрола за простатата.

ВИДЕО: Почина авторката на легендарната песна од „Пријатели“

Ивона Петрова — Thu, 26 Dec 2019 08:49:52 +0000

Али Вилис – композиторката на легендарната песна од „Пријатели“ – „I’ll Be There for You“, почина на 72-годишна возраст. Тажната вест на Инстаграм ја соопшти нејзината долгогодишна партнерка Пруденс Фентон. Вилис учествуваше во компонирањето на музиката во бродвејскиот мјузикл „Бојата на пурпурот“ (The Color Purple), онаа во филмот „Полицаецот од Беверли Хилс“ (Beverly Hills Cop) и многу други.

ФОТО: Откриена тајна врска меѓу „Џокер“ и „Пријатели“, обожавателите збунети

Ивона Петрова — Mon, 18 Nov 2019 11:34:29 +0000

Милиони ширум светот се фасцинирани од филмот „Џокер“ и Хоакин Феникс, а сцената во која тој танцува на скали стана една од препознатливите. Џокер најверојатно му се допадна и на Метју Пери, познатиот Чендлер од популарната серија „Пријатели“ па се пошегува на својот Твитер профил. Метју објави фотографија на која е прикажано дека движењата Џокер ги ископирал токму од него. Ова беше доволно за да се покренат лавина коментари, но и обожавателите да се активираат и да продолжат да бараат сличности.