серија – Kurir.mk

Завршува серијата „Сексуално образование“ – четврттата сезона е и последна

Катерина Бојаџиева — Thu, 06 Jul 2023 08:04:30 +0000

Познатата тинејџерска хумористична серија „Сексуално образование“ (Sex education) се ближи кон својот крај. Имено, четвртата сезона ќе биде и последна, а премиерно ќе се прикажува од 21 септември годинава, откри вчера Нетфликс. Во кусата видеонајава за претстојните епизоди, го гледаме главниот лик Отис Милбурн, незваничен секс-терапевт кого го глуми Аса Батерфилд, како држи говор пред група ученици и несмасно открива дека сè што научил за сексот е од неговата мајка... За последнава сезона се враќаат и Џилијан Андерсон (мајката), Нкути Гатва, Ејми-Лу Вуд и Ема Меки. Некои обожаватели се тажни поради крајот, но други, пак, велат оти „треба да се знае кога да се прекине со она што е добро“, како што напиша еден корисник на Твитер.

ФОТО: Девојче пронајдено по 6 години, клучна улога имал документарец на Нетфликс

Ивона Петрова — Wed, 17 May 2023 08:13:35 +0000

Девет годишно девојче кое нејзината мајка го киднапирала од нејзиниот татко во 2017 година, било пронајдено живо и здраво во Северна Каролина кога сопственик на продавница ја препознал откако ја гледал серијата „Нерешени мистерии“ на Нетфликс. Кајла Унбехаун (9) живеела со својот татко и во 2017 година нејзината мајка Хедер Унбехаун (40) дошла да ја земе и ја однела „на сила“, пишува „Дејли мејл“. Кајла последен пат била видена на 4 јули 2017 година, а сега е пронајдена жива и здрава во Северна Каролина, Соединетите Американски Држави. Сопственикот на продавницата ја препознал по серијата „Нерешени мистерии“ од платформата „Нетфликс“. Кајла живеела со нејзиниот татко Рајан Искерк, кој имал целосно старателство. На 5 јули 2017 година, тој отишол кај неговата поранешна сопруга Хедер во Витон за да ја земе Кајла и да ја однесе дома. Кајла не била дома, а таткото не можел да ги пронајде ниту ќерката, ниту поранешната сопруга. Хедер била уапсена минатата недела во Ешвил, Северна Каролина. Таа и Кајла биле препознаени од сопственикот на локалната продавница. Неколку дена пред да ги види во продавницата, гледал епизода за исчезнувањето на Кајла. Штом ја препознал повикал полиција. Хедер имала право на посета во времето на киднапирањето на нејзината ќерка. Таа ќе биде казнета со 250.000 долари, а се очекува и екстрадиција. Кајла денес има 15 години. Таа беше тема на епизодата „Киднапирана од семејството“ во серијата „Нерешени мистерии“ на Нетфликс. Откако била пронајдена Кајла, се огласи нејзиниот татко Рајан. -Пресреќен сум што Кајла е добро. Сакам да се заблагодарам на Националниот центар за исчезнати деца и на сите агенции за спроведување на законот кои помогнаа во нејзиниот случај. Сега бараме приватност додека се запознаваме и почнуваме од почеток, рече таткото на пронајденото девојче.

Се снима последната сезона на „Круна“

Ивона Петрова — Fri, 28 Apr 2023 11:11:03 +0000

Излегоа првите фотографии од долгоочекуваната шеста и последна сезона на серијата „Круна“. Приказната се пренесува во Шкотска на почетокот на ова илјадалетие. Принцот Вилијам (Ед Меквеј) е примен во Универзитетот на Сант Андрес, каде што се надева на помирен и понормален живот пред да ги преземе своите кралски должности. Таму ја запознава Кетрин - Кејт Мидлтон, неговата идна сопруга (ја глуми Мег Белами)... Нетфликс потврди оти новата сезона на „Круна“ ќе се прикажува подоцна оваа година. Имелда Стаунтон ќе ја продолжи нејзината улога како кралицата Елизабета Втора. Се враќаат и Лесли Менвил како принцезата Маргарет, Доминик Вест (принцот Чарлс), Елизабет Дебики (како Дијана), Клаудија Харисон (принцезата Ана) и Оливија Вилијамс како Камила Паркер Боулс. Берти Карвел ја презема улогата на Тони Блер, Селим До ќе го глуми Мохамед ал Фајед, а Калид Абдала - Доди Фајед. Руфус Кампа и Флин Едвардс ќе ги толкуваат принцовите Вилијам и Хари во раниот период, а Лутер Форд ќе ја преземе улогата на Хари во подоцнежните епизоди.

Пиоли: Лигата на шампионите ја забораваме, сега го насочуваме вниманието кон првенството

Тале Кристо — Sun, 23 Apr 2023 13:33:42 +0000

Тренерот на Милан, Стефано Пиоли ги откри своите размислувања за претстојните настапи на неговиот тим. Тој призна дека не е задоволен од моменталната позиција на Милан во Серија А. - Ја забораваме Лигата на шампионите и го насочуваме вниманието кон првенството. Мора да работиме напорно, не сме задоволни од моменталната наша позиција на табелата, изјави Пиоли. Интер ќе се соочи со Милан во полуфиналето на Лигата на шампионите. Средбата ќе се одржи на 9 мај. Во Серија А, Милан се наоѓа на 5.место со 53 бода од 30 натпревари. Денес од 18 часот Милан ќе го пречека Лече.

Болоња не го заборава: На денот на неговиот роденден, се објавува серија за Синиша Михајловиќ

Ивона Петрова — Sat, 11 Feb 2023 18:51:15 +0000

Синиша Михајловиќ остави неизбришлива трага зад себе, а легендарниот ас никогаш нема да биде заборавен. Тој почина на 16 декември по тешка битка со леукемијата. Од Италија доаѓаат убави вести, на 20 февруари на популарната платформа ДАЗН во соработка со Болоња ќе се појави серија посветена на Синиша Михајловиќ. Треба да се напомене дека сите приходи од серијата ќе бидат наменети за хуманитарни цели, Институтот за имунобиологија, трансплантација и клеточен третман на Универзитетот во Болоња. Серијата има пет епизоди од по 30 минути, а темата е последната сезона на Синиша Михајловиќ во Болоња. - Серијата беше планирано да излезе на крајот на декември, но емитувањето беше одложено поради влошувањето на здравствената состојба на Синиша, а подоцна и неговата смрт. Се чини дека некако најдобро беше да го објавиме сега, на неговиот роденден, кој е симболичен ден за сите фанови на Болоња и оние кои го познаваа, да видат колкава страст имал во работата, дури и за време на третмани и терапии, истакнаа од клубот.

View this post on Instagram

A post shared by Bologna Fc 1909 (@officialbolognafc)

Џорџ Клуни снима преработка на шпионска ТВ-серија

Ивона Петрова — Tue, 07 Feb 2023 11:12:04 +0000

Холивудската ѕвезда Џорџ Клуни ќе ја режира американската преработка на француската шпионска серија „Биро“ (Le Bureau des Légendes). Новата верзија на трилерот во којшто првично глумеше Матје Касовиц, на англиски јазик, засега е насловена „The Department“ (Оддел), а продукцијата почнува оваа година, објави американската интернет-страница „Шоутајм“. Познавачите и филмските критичари ја споредуваат со американската хит-серија „Татковина“ (Homeland), којашто доста успешно ја преслика шпионската висока геополитика на малите екрани. - Како што 'Татковина' ја издигна светската шпионажа на ново ниво, 'Одделот' ќе ги одведе гледачите уште подлабоко во светот на сплетките и подметнувањата со комплицирани ликови кои се борат со сопствените демони, појасни Крис Мекарти, критичар. „Биро“ беше огромен хит на францускиот „Канал плус“ од 2015, кој се продаде во повеќе од 100 земји. Засега последните епизоди, со наградуваниот режисер Жак Одијар во продукцијата, беа објавени 2020 година. Џорџ Клуни претходно ја режираше минисеријата - адаптација на романот „Финта 22“ во 2019 година. Исто така, режираше и филмови - „Одредот за спомениците“ (The Monuments Men) од 2014. и „Полноќно небо“ (The Midnight Sky) од 2020 година.

Одлична вест за фановите на Сталоне: Преку серија ќе добиете “место“ на масата во едно од најпознатите семејства во Холивуд

Ивана Ефремовски — Fri, 03 Feb 2023 15:45:08 +0000

Американскиот актер Силвестер Сталоне и неговото семејство ќе учествуваат во реалното шоу, односно серијата „Семејството Сталоне“, која ќе почне да се прикажува оваа пролет. Информацијата ја објави компанијата Парамаунт плус. -Откако играше некои од најлегендарните ликови во филмската историја, трикратниот номиниран за Оскар, Сталоне е подготвен да им овозможи на камерите пристап до улогата што ја смета за најважна во неговиот живот: татко, се вели во соопштението. Како што е најавено, осумделниот „Семејство Сталоне“ му дава на гледачот „место на масата во едно од најпознатите семејства во Холивуд“, кое го сочинуваат актерот, неговата сопруга Џенифер Флавин и ќерките Софија, Систин и Скарлет Сталоне.

ВО ШОК СУМ, НО ЌЕ ПРИРЕДАМ ГОЛЕМ ПОГРЕБ ЗА МАЈКА МИ: Почина актерка од серијата која ја сакаше цела Југославија

Дарко Андоновски — Fri, 28 Oct 2022 13:04:11 +0000

На 76-годишна возраст денеска во Швајцарија почина познатата чешка актерка Зузуана Бурианова, пишува „The Daily Blesk“. Домашната публика ја запозна и ја засака во серијата „Болница на крајот од градот“, која беше масовно гледана во поранешна Југославија пред речиси 40. години. Актерката и пејачка беше во брак со покојниот режисер Јан Рохач, со кој се пресели во Швајцарија и тогаш ја заврши својата актерска кариера. Веста за смртта на Зузуана ја потврди нејзината ќерка. „Во шок сум, но ќе и приредам голем погреб на мајка ми, каде што нејзините пријатели ќе можат да се простат од неа“, изјавика таа за споменатиот медиум.

„Карен Пири“, крими-серија која мора да ја погледнете

Катерина Бојаџиева — Fri, 28 Oct 2022 08:27:51 +0000

Се ближи Ноќта на вештерките, па луѓето деновиве вообичаено се порасположени да погледнат некој хорор-филм, или пак, нешто не толку крваво. Во таа насока, се препорачува новата шкотска ТВ-серија „Карен Пири“ (Karen Pirie). Приказната е за полицајка (главната улога ја глуми Лорен Лајл), која на речиси 30 години се занимава со ситни злосторства, пие вино и флертува со тимскиот партнер, но одеднаш е назначена да истражи убиство од пред 25 години. Пири е определена за предводничка на истрагата и поради „ПР“ причини… Серијата е заснована на првиот од низата романи на шкотската криминалистичка писателка Вал Мекдермид, којa веќе е сметана за наследничка на „престолот“ на Агата Кристи како „кралица на крими-жанрот“.

ВЕЧЕРВА ОД 22 ДО 02 ПО ПОЛНОЌ ЌЕ СЕ СЛУШААТ ИСТРЕЛИ ВО СКОПЈЕ – во оваа населба ќе се снимаат сцени од македонската серија „Бистра вода“

Дарко Андоновски — Fri, 21 Oct 2022 14:47:36 +0000

Во објект на ул. „Владимир Полежановски“ во Скопје вечер ќе се снимаат сцени за серијата „Бистра вода“, во кои ќе биде употребено огнено оружје. Како што соопшти Министерството за внатрешни работи по информација добиена од страна на продуцентот на играната серија „Бистра вода“, снимањето ќе се одвива во периодот од 22.00 до 02.00 часот.