САД: Серолошките тестови не се целосно точни, потребно е да се внимава

Ивона Петрова — Fri, 08 May 2020 05:29:40 +0000

Тестовите за антитела што покажуваат дали луѓето биле заразени со коронавирусот не се целосно сигурни и треба внимателно да се користат, тврди Американското здружение на лаборатории за јавно здравје и Државниот совет на епидемиолози. Во изјавата се предупредува дека тестовите за да се утврди дали има антитела во крвта може да покаже дали некој е заразен, но не е јасно дали антителата на лицето значат дека се имуни на новата инфекција, јачината на имунитетот или колку долго ќе биде имун. „Серолошките тестови не треба да се користат за одлуки како што се враќање на работа, потреба од употреба на заштитна опрема или продолжување на мерки за физичко растојание, се додека не се појават повеќе докази за имунитет“, се вели во соопштението, пренесе Си-Ен-Ен. Тие наведуваат дека може да се користат тестовите за да се утврди колку е распространет коронавирусот во заедница или популација, дали некое лице може да биде донатор на плазма и дали имало имунолошки одговор.

Белгија ќе стави на располагање серолошки тестови за Ковид-19 во наредните недели

Тале Кристо — Tue, 14 Apr 2020 10:09:28 +0000

Кризниот штаб за коронавирусот на белгиските здравствени власти соопшти дека во овој момент се работи на анализа на разните серолошки тестови кои постојат и планот е во наредните недели да се стават на располагање во што поголем број, јавува дописничката на МИА од Брисел. Серолошките тестови ги детектираат антителата во организмот по инфекција со коронавирус Ковид-19 и здравствените власти сметаат дека овој вид на тестови носи “многу важни информации“ кои би требало да помогнат во укинувањето на мерките на изолација. Меѓутоа, истакнуваат од Кризниот штаб, за сега постојат повеќе видови тестови и сѐ уште не е донесена одлука кој е најефикасен. -Планирано е да се стави на располагање ваков вид на тестови откако ќе бидат одобрени разните техники, треба да ги видиме резултатите на тестовите за да видиме кои се најсоодветни и во наредните денови ќе се стави на располагање таков тест, одредени лице ќе имаат приоритет. Треба да биде јасно дека нема да можеме да тестираме единаесет милиони луѓе преку ноќ, изјави Емануел Андре од Кризниот штаб за коронавирусот. Состојбата во Белгија постепено се подобрува, бројот на хоспитализирани и на починати бавно се намалува, но ситуацијата не е доволно стабилна за да може да се укинат мерките на изолација, сметаат експертите. До крајот на оваа недела, Советот за безбедност на Белгија треба да донесе одлука дали ќе се продолжат мерките до 3 мај, што најверојатно ќе биде случај. -Ситуацијата во Белгија покажува бавно намалување, но тоа, се чини, се потврдува, па очекуваме да продолжи ако и ние продолжиме да ја ограничуваме заразата. Тоа е многу важно за да се избегне враќање на вирусот, изјави Андре. Властите ги повикаа граѓаните да продолжат да ги почитуваат мерките, а експертите предупредуваат дека за време на велигденските празници се констатирани прекршувања на правилата, што би можело да се рефлектира за десет до четиринаесет дена во здравствените статистики.

серолошки тестови – Kurir.mk

САД: Серолошките тестови не се целосно точни, потребно е да се внимава

Белгија ќе стави на располагање серолошки тестови за Ковид-19 во наредните недели