Сержињо Дест – Kurir.mk

Дест се врати во Холандија

Бошко Тасиќ — Tue, 22 Aug 2023 03:57:37 +0000

Сержињо Дест никогаш не успеа да се наметне во првиот тим на Барселона, а деновиве доби и непријатна вест од тренерот Чави Хернандез, кој му соопшти дека нема да смета на него во новата сезона. Американскиот репрезентативец беше приморан да побара друго решение и замина на позајмица во државата каде што ја започна својата кариера, поточно во тимот на ПСВ Ајндховен. По минатогодишниот престој во Милан, Дест се надеваше дека конечно за него ќе започне светла етапа кај Каталонците, но очигледно е дека тренерот Чави имал сосема поинакви планови.

Барселона повеќе не смета на Дест

Ивона Петрова — Sat, 05 Aug 2023 15:03:29 +0000

Шпанскиот фудбалски шампион Барселона повеќе не смета на дефанзивецот Сержињо Дест. Како што пишува „The Athletic“ Каталонците сакаат да го продадат 22-годишниот американски репрезентативец за 10 милиони евра или да го дадат на позајмица. Дест е во Барселона од 2020 година. Минатата сезона, дефанзивецот играше како позајмен за Милан. За италијанскиот клуб забележа 14 настапи без да постигне гол. Договорот на Дест со Барселона е до 2025 година. На фудбалскиот пазар вредноста на Дест се движи околу 10 милиони евра.

Челси и Баерн Минхен во трка за Сержињо Дест

Ристе Здравков — Fri, 24 Dec 2021 10:30:03 +0000

Барселона е во финансиска криза, а тренерот Чави Хернадез дополнително сака да добие неколку засилувања за тимот во јануари. Ова значи дека и поголем број од фудбалерите ќе мораат да одат на продажба. На излезна врата на „Камп Ноу“ се Фелипе Кутињо, Самуел Умтити, Лук де Јонг и Сержињо Дест. Десниот бек е посебно интересен на трансфер пазарот во Европа, а за него сериоен интерес појавија европскиот првак Челси и германскиот шампион Баерн Минхен. Барселона плати за Дест отштета од 21 милион евра на Ајакс, а сега би се согласила тој да си замине за сума од 25 мииони европски банкноти.