Сеск Фабрегас – Kurir.mk

ВИДЕО: Сеск Фабрегас ќе игра во италијанската Серија Б

Ристе Здравков — Mon, 01 Aug 2022 15:37:58 +0000

Сеск Фабрегас (35) кариерата ќе ја продолжи во редовите на италијанскиот второлигаш Комо. Поранешниот шпански репрезентативец пристигна на стадионот „Џузепе Синигалија“ како слободен играч, потпишувајќи двегодишен договор. Во последните три сезони беше член на Монако, а во кариерата играше и за Арсенал, Барселона и Челси. Во дресот на Шпанија забележа 110 настапи и постигна 15 голови, освојувајќи ги Светското првенство во 2010 година и европските шампионати во 2008 и 2012 година. – Чекањето е (скоро) завршено – објави Комо на својот официјален Твитер профил.

The wait is (almost) over 🔵⚪️ @cesc4official pic.twitter.com/KOX646eLsZ
— Como1907 (@Como_1907) August 1, 2022

Фабрегас го напушти Монако

Катерина Бојаџиева — Sat, 18 Jun 2022 12:41:41 +0000

Прес-службата на Монако објави дека играчот од средниот ред Сеск Фабрегас го напушти клубот. На играчот му истече договорот со францускиот клуб. Триесет и петгодишниот Шпанец настапува за Монако од јануари 2019 година. Минатата сезона учествуваше во два натпревари од француската Лига 1 и не забележа ефективни акции. Вкупно Фабрегас има 68 натпревари за „монегаските“, четири гола и девет асистенции. Претходно беше објавено дека Фабрегас летово најавил пензионирање.

Фабрегас може да си замине од Монако

Дарко Андоновски — Tue, 28 Jul 2020 11:40:01 +0000

Фудбалерот од средниот ред на Монако, Сеск Фабрегас, може да го напушти тимот, пренесува „France Football“. Тој има понуда од Саудиска Арабија од клубот Ал-Гарафа. На сметка на 33-годишниот Шпанец минатата сезона се три асистенции на 22 натпревара. Договорот на Фабрегас со Монако важи до летото 2022 година. „Transafermarkt“ ја проценува неговата вредност на 6,5 милиони евра.

Фабрегас: Меси не е нормален!

Ивана Ефремовски — Thu, 05 Sep 2019 07:23:10 +0000

Сеск Фабрегас е еден од играчите кој многу добро го познава Лионел Меси со кого беа дел од школата на Барселона, потоа играа заедно за првата екипа, а и приватно се добри пријатели. Токму поради ова Шпанецот отворено и директно проговори за Аргентинецот за кого верува е играч кој нема да се повтори во историјата, односно според него нема да има друг Меси во иднина. -Мислам дека тоа е веројатно невозможно. Видовме играчи како Роналдо и Роналдињо, фантастични асови, ама Меси е најдобар веќе 15 години. Тој е во својата 17-та сезона и е најдобар од 18 години. Сум видел работи во кои не би верувале. На секои три дена постигнува голови, оди да игра за Аргентина се враќа и дава хет-трик. Тоа не е нормално, верувајте ми, -вели фудбалерот на Монако за „АС“.