сет мерки – Kurir.mk

Мицевски: Законите од петтиот сет економски мерки се блокирани од СДСМ и ДУИ

Дарко Андоновски — Mon, 22 Mar 2021 11:37:37 +0000

Пратеничката група на ВМРО-ДПМНЕ соопшти дека бил одбиен нивниот предлог да се закаже посебна седница за да се разгледаат законите за финанансиските мерки поврзани со корона-пандемијата, а на седницата да учествуваат за да поминат и законите од петтиот пакет мерки.

Кооридинаторот Никола Мицевски на прес-конференција рече дека предложиле на посебна седница да бидат одделени и ставени: Предлог-одлуката за изменување на Одлуката за одобрување на продолжување на рокот за постоење кризна состојба на дел од територијата на државата; Предлог-законот за финансиска поддршка на физички лица кои вршат самостојна дејност погодени од здравствено-економската криза, февруари и март 2021 година; Предлог-законот за финансиска поддршка на работодавачите погодени од кризата од КОВИД-19 заради исплата на платите за февруари и март 2021 година и Предлог-законот за изменување на Законот за данокот на личен доход.

Како што рече, тоа го предложиле откако денеска на редовната координација станало јасно дека парламентарното мнозинство нема да има 61 пратеник на утрешната седница, а со цел да им се помогне на граѓаните и на стопанството зашто роковите за законите се одамна поминати.

– Законите од овој таканаречен петти сет на економски мерки не се блокирани од ВМРО-ДПМНЕ, тие се блокирани од СДСМ и ДУИ. Нашиот предлог експресно беше одбиен. Денес стана јасно кој блокира во собранието, денес стана јасно на кои не им е грижа за здравјето на граѓаните и кои се занимаваат со политиканство и злоупотреба на здравствената криза. Додека смртните случаи од коронавирусот се зголемуваат и власта е крајно неспособна да обезбеди вакцини, СДСМ, Заев и Филипче единствено што ги интересира е како да профитираат од оваа криза и си играат со судбините на граѓаните и наместо да работат за нив и за стопанството, тие се занимаваат единствено со тоа на секој можен начин да избегнат одговорност и да ја обвинат опозицијата, рече Мицевски.

Според координаторот на ВМРО-ДПМНЕ, власта и пратениците на СДСМ го користат овој пакет закони бидејќи знаат дека немаат кворум што е, рече, нивна обврска.

-Сакаат да ја искористат опозицијата да им обезбеди кворум и на утрешната закажана седница да протуркаат штетни закони за кои треба да се дебатира, бидејќи сметаме дека се штетни за граѓаните и државата, рече Мицевски.

„Finance Think”: Сетот мерки на Владата беше минимален, мерките не само што не успеаа да го подигнат сентиментот на пазарот, туку го продолжија неговиот пад

Дарко Андоновски — Tue, 24 Nov 2020 14:33:15 +0000

Според Институтот за економско истражување и политики “Finance think”, кој ги анализира движењата на приносите на компаниите кои котираат на Македонската Берза околу објавите на четирите пакета економски мерки за справување со Ковид кризата, а со цел да се утврди како пазарот ги оцени мерките на Владата, сетот мерки на Владата беше минимален. Мерките не само што не успеаа да го подигнат сентиментот на пазарот, туку го продолжија неговиот пад. Ниту банкарскиот сектор не беше имун на ударот од пандемијата покрај смирувачките пораки од Народната Банка за стабилноста на финансискиот систем. Анализата покажува дека пазарот негативно го оцени првиот пакет мерки. Според движењата на приносите околу првиот пакет мерки, може да се заклучи дека објавениот прв пакет мерки „Finance Think” го оцени како недоволен да создаде доверба кај инвеститорите за ублажување на економските загуби, посебно кај небанкарските ентитети. Но, пазарот пооптимистички реагираше на вториот, докажувајќи дека формата и големината на мерките беше соодветна за поттикнување на економијата. Инвеститорите беа резервирани по објавите на третиот и четвртиот пакет мерки, веројатно затоа што веќе ја имаа вградено информацијата за ниската реализација на мерките од претходните два пакета. Инаку, агрегатната проценета вредност на сите четири пакети изнесува приближно 1 милијарда евра, од кои приближно 200 милиони евра се реализирани во досегашниот период.

Мицкоски: ВМРО-ДПМНЕ предложи сет мерки и здравствени и економски кога не беше ни прогласена пандемија на корона вирусот

Тале Кристо — Fri, 27 Mar 2020 18:12:55 +0000

ВМРО-ДПМНЕ уште пред да се прогласи пандемија како партија предлагала сет на мерки за заштита на здравјето на граѓаните, но и за помош на економијата, кажа претседателот на ВМРО-ДПМНЕ, Христијан Мицкоски, во емисијата Трилинг на 24 Телевозија. Во контекст на улогата и активностите на партијата во врска со состојбата со корона вирусот, Мицксоки објасни и зошто прво барал кризна, а потоа вонредна состојба. -Ние имавме состанок во владата организиран од техничкиот премиер. На тој состанок јасно и гласно кажав кои се нашите ставови за состојбата во тој момент, а истата во тој момент не беше ескалирана, немаше пандемија. Јас тогаш спомнав и за економските последици што ќе следат. На 26 февруари претседателот на Комисијата за здравство, Синиша Стојаноски имаше прес на кој предложи сет на мерки што треба да ги преземе државата. Тогаш немаше пандемија само беше прашање на ден кога ќе ескалира ситуацијата со корона вирусот, рече Мицкоски. Претседателот на ВМРО-ДПМНЕ, Мицкоски посочи дека партијата многу порано, пред да се прогласи пандемија предлагаше сет мерки како здравствено-санитарни, така и економски. -На средбата кај техничкиот премиер кога не беше прогласена пандемија, јас изразив загриженост за економските последици, а добив одговор дека јас не треба да се грижам и дека истиот ден ќе имаат состонок и ќе излезат со пакет мерки, посочи Мицкоски.

Македонија по 3 години конечно виде економски мерки и проекти – ги понуди опозицијата

Катерина Бојаџиева — Tue, 11 Feb 2020 12:07:11 +0000

Македонија по три години конечно виде економски мерки, но не од власта, туку ги понуди опозицијата. Акцентот во програмата на ВМРО-ДПМНЕ е ставен на економијата, се со цел младите да останат во Македонија. И според експертите потребни се сет мерки за подобрување на економската состојба, бидејќи одливот на мозици од Македонија е огромен, а младинската невработеност над 45 %. -Она што го констатиравме според „Еконмист“ дека сме 8 место во светот за одливот на мозици, а во некои статистики имаме и други параметри за невработеноста, на пример до 24 години кај младите лица е некаде околу 45 % во Македонија, вели професорот Лазар Јовевски. Тој истакнува дека во Македонија се соочуваме со два предизвици со кои што мораме што побргу да се соочиме и да ги надминеме. -Првиот предизвик е како овие луѓе кои што останаа да ги задржиме овде, значи ни требаат мерки кои ќе овозможат задржување на младите лица во државата, тоа е првиот аспект на кој што треба да работиме за решавање, а вториот аспект е како оние кои што заминаа да ги привлечеме назад и да ги вратиме, додаде Јовевски. Според него, огромен предизвик е враќањето назад на младите кои што заминале од Македонија, но сепак не е невозможно како што вели тој и смета дека во иднина треба да се следат добрите пракси во однос на оваа проблематика, а за него пример на успешно враќање назад на младите во сопствената земја е Израел. -Прво и суштесвено според мене е да се задржат младите во татковината, за тоа ќе треба сет мерки кои што се од економски карактер како намалување на даноци, давање на одредени бенифиции, лесно отварање на бизниси, мали бизниси инкубатори поврзани и на државно, но и на друго ниво поврзани и со коморите и со бизнис секторот, со работодавачите да се работи, значи целосен сет на мерки кои што ќе треба да се превзеат за да ни останат младите во државата, заклучи Јовевски. Лидерот на ВМРО-ДПМНЕ, Христијан Мицкоски на прес-конференција на која објави пакет мерки за граѓаните и бизнисот, се обврза да работи за младите да имаат подобри услови за живот, а даде и ветувања кои се однесуваат на нив. -Повеќе работни места, повеќе среќни лица, повеќе работа за младите, повеќе работа за способните, повеќе работа за стручните. Под 10 проценти невработеност за помала сиромаштија и решавање на проблемите. Се обврзуваме за обнова која ќе донесе повеќе работа за младите, 0% персонален данок за млади до 29 години. Ова ќе значи ослободување од персонален данок за вработување на млади до 29 години кој имаат годишен нето приход до 6.5 илјади евра, рече тој. Мицкоски истакна дека негова цел е младите да имаат шанса тука да ја градат иднината. -Дополнително, преку градење на модерна иновациска инфраструктура која подразбира отворање на иновациски центри, бизнис инкубатори и акцелератори, научни и технолошки паркови ќе им овозможиме на младите и креативните луѓе целосна поддршка во реализација на нивните бизнис идеи. Ние сме силно убедени дека Македонија има млади талентирани луѓе кои имаат силни претприемачки и иновативни идеи и затоа ќе работиме на создавање најповолни услови за искористување на нивниот потенцијал, истакна тој. Како што викендов обзнани лидерот на партијата, последната година силно и интензивно работеле на програма и мерки кон кои ќе се обврзат, а кои, како што рече, треба да ја донесат обновата, која пред се е неопходност за нужно рестартирање на нашето општество. Во изработката на нивните мерки и проекти кон кои се обврзуваат да ги исполнат, свој придонес дале стратешките соработници, универзитетски професори, експерти од странство од различни области, комисиите во партијата, а клучниот сегмент бил мислењето и потребите на граѓаните и стопанството. Мицкоски во саботата одржа прес-конференција на која објави пакет мерки за граѓаните и бизнисот. Тој пред јавноста се обврза за повисоки просечни плати за 25%, пензии за 20%, инвестиции, пониски даноци. -Состојбата во која се наоѓа нашата држава е неповолна, би рекол повеќе од загрижувачка. Иако имаше многу ветувања, нема резултати. Проблемите се зголемуваат, а многумина во изминатиов период приоѓаат и ми велат „ја губиме надежта“. А, проблемите се на секаде. Тука е невработеноста, земјоделците живеат на работ од егзистенција, докторите се незадоволни, пациентите исто така. Стопанството е во криза, присуството на корупција веќе е констатиран факт, исто како што е и отсуството на борба против криминалот. Екологијата не е тема во државата, но таа не чини затоа што не чини здравјето на нашите луѓе. Иселувањето е огромно поради лошите услови за живот. Младите се најпогодени. Многу нерешени проблеми имаме. И свесен сум дека многу од работите се последица на една системска негрижа присутна 29 години, но сето тоа кулминира последните 3, а нели ветувањата беа поинакви, ќе дошол живо и се требаше да биде поинаку. И многумина не сакаат да продолжат со агонијата приредена од недоговорените политички елити и сакаат нов лист, нов почеток и излез од илјадниците проблеми. Проблемите се големи, но не се нерешливи. Изминативе 2 години работев и најголемиот дел од моето време го посветив на средби и комуникација со граѓани и со стопанството. Последната година силно и интензивно работевме на програма и мерки кон кои ќе се обврземе, а кои треба да ја донесат обновата, која пред се е неопходност за нужно рестартирање на нашето општество. Во изработката на нашите мерки и проекти кон кои ќе се обврземе да ги исполниме свој придонес дадоа стратешките соработници, универзитетски професори, експерти од странство од различни области, комисиите во ВМРО-ДПМНЕ, а клучниот сегмент беше мислењето и потребите на граѓаните и стопанството, рече тој. Мицкоски оценува дека презаситени се луѓето од политика на поделби, празни обвинувања, прочитани политичари. Порача дека се потребни мерки и проекти и многу работа. -Затоа отпочнуваме серија на прес конференции каде ќе промовираме мерки и решенија кои ќе бидат дел од обновата која доаѓа, а кои ќе овозможат повеќе за секого. Тоа се мерки и проекти кон кои се обврзуваме и кои ќе треба да донесат повеќе пари, повеќе средства, повеќе надеж, повеќе насмевки. Повеќе за пензионерите, повеќе за работниците, повеќе за стопанството и бизнисот, повеќе за граѓаните и стандардот, повеќе за Македонија. И слободно можам да кажам дека ова пред се ќе биде економска обнова, обнова заоснована на економски темели за кои најважен услов ќе биде правдата. За да имаме развој ни треба повеќе во економијата, почитување на законите и повеќе во стандардот кај граѓаните. Се обврзуваме за обнова која ќе овозможи зголемување на просечна плата во државата за минимум 25% во еден мандат. Ќе пораснат платите за минимум 25% во следните 4 години. Тоа ќе значи повеќе пари за работниците или во просек за 6.500 денари повеќе од платата која што ќе биде исплатена просечна во државата во декември месец 2019-тата година. Ќе се бориме жилаво за силен економски стандард за секој еден работник. Се обврзуваме за обнова која ќе овозможи зголемување на просечната пензија на пензионерите за минимум 20% во еден мандат или тоа ќе значи повеќе од 3.000 денари повеќе за секој еден пензионер. За повеќе пари, за повеќе достоинство на пензионерите. За мирен живот се обврзуваме во првите 100 дена Владата предводена од ВМРО-ДПМНЕ да го промени Законот за пензиско и инвалидско осигурување и согласно новото законско решение пензиите ќе се прилагодуваат во двата основа, порастот на трошоците за живот и со просечниот раст на нето платите, рече тој. Лидерот на ВМРО-ДПМНЕ најави невработеност под 10%. -Во однос на невработеноста, тука нема да има пораст. Туку драстично ќе ја намалиме. Се обврзуваме за обнова која ќе донесе Невработеност под 10% – едноцифрена невработеност. Повеќе работни места, повеќе среќни лица, повеќе работа за младите, повеќе работа за способните, повеќе работа за стручните. Под 10 проценти невработеност за помала сиромаштија и решавање на проблемите. Се обврзуваме за обнова која ќе донесе повеќе работа за младите, 0% персонален данок за млади до 29 години. Ова ќе значи ослободување од персонален данок за вработување на млади до 29 години кој имаат годишен нето приход до 6.5 илјади евра. Младите да имаат шанса тука да ја градат иднината. Дополнително, преку градење на модерна иновациска инфраструктура која подразбира отворање на иновациски центри, бизнис инкубатори и акцелератори, научни и технолошки паркови ќе им овозможиме на младите и креативните луѓе целосна поддршка во реализација на нивните бизнис идеи. Ние сме силно убедени дека Македонија има млади талентирани луѓе кои имаат силни претприемачки и иновативни идеи и затоа ќе работиме на создавање најповолни услови за искористување на нивниот потенцијал, истакна тој. Најави дека за стопaнството, бизнисот и граѓаните ќе има повеќе пари. -Ќе паѓаат даноците, а тоа значи повеќе пари за стопанството и граѓаните. Целосно ќе го напуштиме концептот на прогресивен данок и ќе воведеме рамен данок до 8%. Ќе стартуваме од 10%, од кој за 1% ќе имаме намалување во првите 100 дена, што значи рамен данок од 10 на 9%, а во период од две години уште за дополнителен еден процент ќе дојдеме на 8%. Се обврзуваме за обнова кој ќе донесе нов модел на реиндустриализација. Тоа значи нов економски модел кој ќе биде базиран на модерна реиндустријализација и зголемување на извозната конкурентност на македонската економија. За таа цел планираме: -Да понудиме конкретни мерки за поддршка на домашните компании во нивното технолошко и организациско унапредување; -Изградба на мрежа на извозни промотори за домашните извозни компании и промотори за привлекување на странски директни инвестиции; -Реформа на Македонската Банка за поддршка на развојот во Македонско извозно развојна Банка која ќе обезбеди поволни кредити и извозна поддршка за домашните компании и субвенционирана камата за развој; -Ќе ја редефинираме програмата за странски инвестиции со цел привлекување на компании со најголем потенцијален бенифит за македонската економија, најави тој. Мицкоски истакна дека се обврзува на обнова која ќе донесе 4 милијарди евра домашни и странски инвестиции за еден мандат. -Ова значи повеќе поддршка од државата за домашната економија и компании и привлекување на странски директни инвестиции преку реформиран модел кој ќе биде привлечен за светски големи компании. Можам да кажам дека веќе водиме разговори со неколку големи европски компании кои се одвратени поради корупцијата, беззаконието и лошата бизнис клима во овие три години да инвестираат во државата. Чекаат и тие поволна клима после 12-ти април да започнат со инвестирање. Се обврзуваме за обнова која ќе донесе раст на БДП за минимум 4% годишно. Се обврзуваме за обнова која ќе донесе повеќе пари за бизнисот, помалку давачки и бирократија. Ова значи намалување на парафискални давачки за фирмите кои што се резултат на анализата и средбите со стопанските комори и стопанствениците кои што ги имавме изминатиов период, но не само за парафискалните давачки, тука имаме и детална анализа за сите оние административни бирократски процедури. Дел од нив целосно ќе бидат напуштени, а за дел од нив роковите на одговор на институциите ќе биде намален. Се обрзуваме за повеќе од 90% реализација на планираните капитални државни инвестиции годишно, внимателно планирање и испорака на тоа што е испланирано. Сега имаме историско најниско ниво кое се движи околу 69 проценти и тоа после ребалансот на буџетот. Над 90 проценти реализација на капитални државни инвестиции подразбира повеќе работа во градежништвото, повеќе работа во трговијата и повеќе бизнис за претприемачите. На крајот за да имаме подобра бизнис клима морам да искоментирам во следнава насока, мора да го подобриме економскиот рејтинг на државата што подразбира не само економски и институционални мерки, туку и борба против корупцијата и криминалот, истакна лидерот на ВМРО-ДПМНЕ. Мицкоски се обврза Македонија да се искачи во Топ 10 на листата на „Дуинг бизнис“. Денеска за жал сме 17-ти. -Се обрзуваме Македонија да влезе во првата третина на листата на Светскиот економски форум „Давос“ за најразвиени економии, сега сме 84-то од 140. Се обрзуваме Македонија да влезе во првата четвртина на листата на „Форбс“. Сега сме на 68 место, од 161 земја. Сите овие 11 проекти се дел од програмата која што ќе биде мотив плус за граѓаните да ја поддржат ВМРО-ДПМНЕ во периодот кој што следува и на предвремените парламентарни избори на 12-ти април. Овие 11 проекти како и останатите се можни само преку работа, работа и многу работа. Се обврзуваме на реални работи без да ветуваме чуда, бидејќи тие во светот на политиката не постојат, за жал не постојат. Многу внимателно гледам што ветувам, затоа што граѓаните не смеат да доживеат ново разочарување, а зад секое едно ветување освен прецизна анализа која е направена, секој денар е пребројан и тоа е пребројан во насока како и зошто ќе се троши, а затоа го имате мојот збор со кој се обврзуваме, мојата чест и углед. Овие мерки ќе променат многу, затоа што тие ќе значат повеќе работа, повеќе пари, повеќе за секого во државата. Обновата доаѓа! Заедно ќе се избориме за подобра иднина, порача тој. И потпретседателот на ВМРО-ДПМНЕ, Владо Мисајловски во телевизиско гостување истакна дека програмата на партијата ќе биде реална, нема да има популистички мерки, бидејќи тоа е одлика само на СДСМ. Акцентот е ставен на економијата за младите да останат во Македонија. -Јас морам да бидам искрен и целосно ќе кажам дека најбитните работи за граѓаните се економски. И економијата е во прв план. Ќе ставиме голем акцент на економијата, бидејќи сакаме децата наши да останат тука во Република Македонија. Ако нашата работна и квалификувана сила си замине од Македонија, што тогаш со нашата држава, запраша Мисајловски? Мисајловски додаде дека пред извесно време ВМРО-ДПМНЕ заедно со економскиот тим оствари одлична средба со Стопанската Комора која што траеше околу 3-4 часа. Имаше многу критики нои и позитивни работи. ВМРО-ДПМНЕ како одговорна партија мора да ги разгледа позитивните и негативните работи и да создаде мерки кои ќе помогнат на граѓаните на Република Македонија. Тука се пониски даноци, стимулирање на компаниите да имаат добар и квалитетен производ, дури и намалување на процедурите на сите оние кои што се засегнати итн. За брзо време сите ќе бидете сведоци на една голема и убава програма. Но, морам да потенцирам дека таа програма ќе биде реална. Ние нема да ветиме 500 километри автопат бидејќи тоа е невозможно да се направи за 4 години. Вие гледате дека изминативе три години не само што не започнаа еден километар, туку тие потпишаа за 2 километри и уште нема започнато. Многу работи што ги ветија се измислици и граѓаните ќе ги казнат за тоа, нагласи неодамна потпретседателот на ВМРО-ДПМНЕ.