северна европа – Kurir.mk

Песокот од Сахара стигна до северна Европа: Врвовите на Пиринеите станаа портокалови (ФОТО+ВИДЕО)

Магдалена Андонова — Tue, 22 Mar 2022 08:34:15 +0000

Иако песочната бура во Сахара стивна, сепак последиците се видливи. Наместо бели, врвовите на Пиринеите сега се портокалови. Невообичаено силната бура Селија го раздвижи пустинскиот песок во северозападна Африка и ја намали видливоста на нула. Песочното масло го прекри северниот дел на Алжир, а потоа жешкиот јужен ветер ја пренесе широката пустинска прашина во многу европски земји - Португалија, Франција, Шпанија, Англија, Балканскиот Полуостров. Светската метеоролошка организација соопшти дека по пет дена песокот стигнал далеку на север од Европа, до Балтичкото Море, пишува РТС. Во Алжир, болниците беа преполни со луѓе кои бараа помош за отежнато дишење, бидејќи маските не помогнаа многу дури и со затворени прозорци.

Трагите од радиоактивни честички во Европа веројатно се од некој реактор

Тале Кристо — Fri, 03 Jul 2020 13:17:08 +0000

Радиоактивните честички регистрирани во северна Европа минатата недела веројатно се испуштени од нуклеарен реактор, но нивното потекло сè уште не е откриено, соопшти денеска во Виена Меѓународната агенција за атомска енергија. Земјите во регионот кои имаат реактори, вклучително и Русија, досега негираа поврзаност со радиоактивноста. Малку зголемените нивоа на цезиум и рутениум „беа многу ниски и не претставуваа ризик за здравјето на луѓето и животната средина“, соопшти МААЕ. Агенцијата наведува дека ваквите емисии може да се појават како резултат на работа на реактор или негово одржување. Естонија, Финска и Шведска минатата недела регистрираа зголемено ниво на радиоактивни честички. Меѓународната организација за забрана на нуклеарни проби (CTBTO) во Виена исто така го следи движењето на честичките низ северна Европа и изработи мапа која опфаќа неколку држави од кои радиоактивни честички би можеле да се шират.

Високи температури ја зафатија Северна Европа

Ивона Петрова — Tue, 24 Jul 2018 07:02:57 +0000

Суша и високи температури го зафатија целиот северен дел на Европа, јавија светските агенции. Во Финска силно е погодена северната провинција Лапландија каде горат и неколку пожари. Во исто време продолжува да се шири и пожарот по нејзината источна граница, кој почнал од Русија. Во Норвешка исто така се регистрирани многу високи температури. Во последните два месеци, мај и јуни, се регистрирани неколку рекорди. Мај беше најтоплиот месец во историјата на земјата, а во јуни температурите беа над нормалата за овој период од годината. Во Шведска има делови каде воопшто не заврнало дожд во последните три месеци. Јули е најтопол месец во земјата во последните два и пол века. Шведска се бори против пожарите и побара помош од други земји. Најмалку 25.000 хектари веќе се изгорени или се уште горат. МИА