Австрија издаде предупредување за Северна Рајна Вестфалија

Магдалена Андонова — Wed, 24 Jun 2020 09:25:03 +0000

Австрија денеска издаде предупредување за патување во германската покраина Северна Рајна Вестфалија. Австрискиот канцелар Себастијан Курц истакна дека е издадено предупредување за патување во таа германска покраина откако во кланицата „Тенис“ беа заразени повеќе од 1.300 работници. – Пред се нашиот сосед Германија, со регионот Северна Рајна Вестфалија покажа како може брзо да дојде до натамошна драматична ситуација, изјави Курц. Тој изрази надеж дека нема да се случи натамошно ширење на заразата во други делови на Германија. Австрија од 15 јуни целосно ги отвори своите граници кон соседите, како и кон Германија. (МИА)

Северна Рајна-Вестфалија пред колапс на здравствениот систем

Ивона Петрова — Fri, 27 Mar 2020 09:48:22 +0000

Германската провинција Северна Рајна-Вестфалија предупреди дека нејзиниот здравствен систем ќе се соочи со колапс на доколку не и биде испорачана медицинска заштитна опрема. Во интерен документ од Кризниот штаб на покраината, кој го објави весникот „Билд“, се укажува дека на краток рок се заканува колапс на системско-критична инфраструктура, доколку и натаму не биде испорачана заштитната опрема што недостасува. „Сите градови и окрузи пријавуваат проблеми со набавка на заштитна опрема и средства за дезинфекција“, се вели во документот. Покрај лекарите и клиниките, Итната помош и установите за нега на граѓани, исто така, се погодени од недостиг на заштитна опрема. Министерот за здравство на оваа германска покраина, Карл-Joзеф Лауман, објасни дека заштитната опрема била нарачана во значителни количини, но дека е отежнато производството и испораката. Северна Рајна-Вестфалија е најголемото жариште на вирусната инфекција во Германија.

Северна Рајна-Вестфалија – Kurir.mk

Австрија издаде предупредување за Северна Рајна Вестфалија

Северна Рајна-Вестфалија пред колапс на здравствениот систем