Нордиски земји: Русија се подготвува да ја саботира инфраструктурата на Северното Море

Дарко Андоновски — Wed, 19 Apr 2023 13:02:23 +0000

Русија има програма да ги саботира крајбрежните ветерници и телекомуникациските кабли во Северното Море, покажуваат податоците од заедничкото истражување на нордиските ТВ станици. Во истражувањето на јавните телевизии на Данска, Норвешка, Шведска и Финска, се тврди дека Русија има флота од бродови маскирани како рибарски и истражувачки бродови во Северното Море. Тие носат опрема за поморско набљудување и ги мапираат клучните точки за потенцијална саботажа, пишува Би-Би-Си, кој пренесува дека британските власти се свесни за такви пловни објекти во близина на британските води. Првиот дел од серијата ќе се емитува во среда на јавните телевизии во четирите земји.

Девет европски земји планираат големи вложувања во ветропаркови во Северно Море

Магдалена Андонова — Tue, 13 Sep 2022 10:47:59 +0000

Девет земји членки на организацијата „Северноморска енергетска соработка“ во текот на следните децении планираат големо зголемување на производството на електричната енергија преку офшор електраните на ветер, како дел од напорите за борба против климатските промени и за постигнување независност од увозот на фосилни горива, особено од Русија. Германските власти соопштија дека членките на организацијата имаат намера до 2030 година да го зголемат производството на енергијата од ветер во регионот на 76 гигавати. Следните цели потоа се: 193 гигавати ветерна енергија од Северното Море до 2040 година и 260 гигавати до средината на векот. Германското Министерство за економија и енергетика соопшти дека моменталниот производствен капацитет во регионот е помал од 20 гигавати. Членки на „Северноморската енергетска соработка“ се Белгија, Данска, Франција, Германија, Ирска, Луксембург, Холандија, Норвешка и Шведска. Обединетото Кралство, кое има свои големи планови за производство на енергија од ветрот на својот брег, не е членка на организацијата, откако во јануари 2020 година ја напушти Европската унија. Минатиот месец, седум европски земји со пристап до Балтичкото Море ветија дека до 2030 година седумкратно ќе го зголемат производството на енергија од офшор електраните на ветер. (МИА)

северно море – Kurir.mk

Нордиски земји: Русија се подготвува да ја саботира инфраструктурата на Северното Море

Девет европски земји планираат големи вложувања во ветропаркови во Северно Море