сезона – Kurir.mk

Женствена, елегантна и одлично прилега на секоја дама: Оваа боја ќе биде апсолутен хит во зимската сезона

Ристе Здравков — Fri, 15 Oct 2021 07:27:27 +0000

Модните експерти нѝ носат добри вести – во тренд ќе бидат тонови кои одлично прилегаат на секоја жена. Без разлика дали сте русокоса, бринета или црнка, можете да ја носите оваа боја. Зимата оваа година ќе биде поинтересна од сите претходни, барем кога станува збор за модата. Иако не е карактеристична за постудените денови, во претстојната сезона ќе доминира една боја – станува збор за тиркизната. Модните експерти велат дека таа одлично ѝ прилега на секоја дама, а доколку сакате да бидете во чекор со трендовите, задолжително набавете барем едно парче во оваа впечатлива нијанса. Во продолжение, неколку модни комбинации кои можат да ви послужат како инспирација:

Распоред на натпреварите на Вардар: Новата сезона почнува на 15-ти септември од Норвешка

Ивана Ефремовски — Fri, 06 Aug 2021 11:45:50 +0000

Европската ракометна федерација, во координација со клубовите учесници во Лигата на шампиони (ЛШ), ги дефинираше датумите и саатниците за првите десет кола во елитното клупско натпреварување. Македонскиот првак Вардар 1961 новата сезона ќе ја почне со гостување кај норвешки Елверум на 15 септември. Првиот натпревар на домашен терен „црвено – црните“ ќе го играат една недела подоцна против белорускиот шампион Мешков Брест во Скопје. Распоред на натпреварите на Вардар 1961 во првите десет кола во ЛШ: Елверум – Вардар 15.09.2021 (18:45 часот)_ Вардар – Мешков Брест 22.09.2021 (20:45) Вардар – Алборг 02.10.2021 (18:45) Вардар – Монпелје 13.10.2021 (20:45) Алборг – Вардар 20.10.2021 (18:45) Вардар – Кил 27.10.2021 (20:45) ПИК Сегед – Вардар 18.11.2021 (18:45) Вардар – ПИК Сегед 25.11.2021 (20:45) Кил – Вардар 02.12.2021 (20:45) ППД Загреб – Вардар 08.12.2021 (20:45). (МИА)

Новата НБА сезона стартува на 19 октомври

Тале Кристо — Thu, 29 Jul 2021 07:17:45 +0000

Кошаркарската НБА лига објави дека новата 2021/22 сезона ќе почне на 19 октомври, а финалето на разигрувањето за титулата би требало да заврши најдоцна до 19 јуни 2022 година. Четири денови подоцна, на 23 јуни идната година, треба да се одржи драфтот. Идентично како и во минатата сезона, во која шампионската титула ја освои екипата на Милвоки, повторно ќе се игра таканаречениот „плеј ин“ во кој тимовите ќе разигруваат за пласман во плејофот. јавија американските медиуми. Шесте најдобри екипи од секоја конференција ќе обезбедат директен пласман во разигрувањето за титулата, додека по четири екипи (пласирани од 7. до 10. место) ќе разигруваат за преостанатите две места во секоја од НБА конференциите.

Пораз за шампионот Лејкерс на стартот на новата НБА сезона

Тале Кристо — Wed, 23 Dec 2020 08:15:48 +0000

Со два натпревара одиграни ноќеска беше отворена новата сезона во најсилна кошаркарска лига на светот. Бранителот на трофејот, Лос Анџелес лејкерс, загуби од градскиот ривал ЛА клиперс, додека Бруклин забележа убедлива победа над Голден Стејт. Резултати: Бруклин – Голден Стејт 125;99 Лос Анџелес лејкерс – Лос Анџелес клиперс 109:116. Богата програма со дури 13 натпревари е предвидена за вечер по полноќ.

Клоп: Невозможно е да се освојат 100 бода оваа сезона, дури и 87 е нешто далечно

Тале Кристо — Fri, 20 Nov 2020 14:14:56 +0000

Селекторот на Ливерпул, Јирген Клоп, смета дека оваа сезона тешко дека некоја екипа ќе успеа да освои 100 бода, па дури и 87 според него се тешки достижни. – Последните три шампиони во Премиер лигата мислам дека освоивме 100, 98 и 99 поени. За оваа сезона ми се чини дека со 85 бода може да се стигне до трофејот. Тешко дека некој ќе стигне до „стотка“. Дури 87 поени изгледаат далеку далеку, изјави Клоп. Ако ја освоиме шампионската титула и оваа сезона, тоа ќе биде големо достигнување, да бидам искрен. Можеби дури и позначајно од минатата сезона. Тоа е она што ми се допаѓа во Премиер лигата, тука има многу претенденти, додаде Клоп. По 8. коло во Англискиот фудбалски шампионат лидер на табелата е Лестер со 18 бода, Тотенхем и Ливерпул имаат по 17.

Лејкерс ќе ја започнат сезоната 2020/21 без навивачи

Ивона Петрова — Thu, 12 Nov 2020 10:32:25 +0000

Екипата на Лос Анџелес лејкерс многу веројатно ќе ги одиграат своите почетни домашни натпревари во сезоната без навивачи на трибините. Според Шамс Харанија, сегашната ситуација нема да им дозволи на Лејкерси да бидат домаќини на НБА натпревари со гледачи. За потсетување, на 11 ноември, НБА испрати меморандум до клубовите со посебни протоколи, во кои се опишани правилата за сместување на навивачите во новата сезона. При исполнување на условите на протоколите и поволна состојба со коронавирусот во регионите, клубовите ќе можат да ги полнат арените до 50% од вкупниот капацитет.

Куман: Ова е нашата најдобра игра во сезоната

Тале Кристо — Thu, 29 Oct 2020 07:58:03 +0000

Тренерот на Барселона, Роналд Куман беше задоволен од учинокот на неговиот тим на натпреварот од 2. коло на Лигата на шампионите против Јувентус (2:0). Тој објасни и зошто Каталонците играа со тројца дефанзивци. – Ова е нашата најдобра игра во сезоната. Многу важна победа против силен европски тим, успеавме да му го наметнеме својот фудбал на противникот. Сакав да играм тројца дефанзивци, така што еден играч ќе се турка напред и ќе создаде нумеричка предност на средината на теренот. Благодарение на ова, создадовме многу шанси за гол и, да бидам искрен, требаше да го решиме исходот на натпреварот многу порано. Презадоволен сум од фудбалот што го игравме денес, задоволен од резултатот и карактерот што ги покажа мојот тим, рече Куман во изјава за веб-страницата на УЕФА. Каталонците по две кола имаат максимални шест бода.

Симонс ќе го пропушти остатокот од сезоната

Магдалена Андонова — Tue, 11 Aug 2020 08:22:56 +0000

Плејмејкерот на Филаделфија, Бен Симонс, беше подложен на операција за отстранување на фрагменти од оштетена ‘рскавица на левото колено, објави инсајдерот на ЕСПН Адријан Војнаровски. Според новинарот, 24-годишниот Австралијанец ќе остане во Филаделфија, каде ќе помине низ рехабилитација. Пријавено е дека играчот ќе го пропушти остатокот од сезоната 2019/20 во НБА лигата. Симонс во тековната сезона имаше просек од 16,4 поени, 8, асистенции и 7,8 скокови по натпревар. (МИА)

Оклахома го победи Лејкерс за прв пат оваа сезона, Торонто до седми триумф во низа

Магдалена Андонова — Thu, 06 Aug 2020 07:43:40 +0000

За прв пат од почетокот на сезоната 2019/20, кошаркарите на Оклахома сити забележаа победа над Лос Анџелес лејкерс, тим кој веќе го обезбеди првото место во Западната конференција. Белег на ноќта во најсилната светска кошаркарска лига стави и актуелниот шампион Торонто кој стигна до седмата победа во низа. Резултати: Јута – Мемфис 124:115 Сан Антонио – Денвер 126:132 Вашингтон – Филаделфија 98:107 ЛА лејкерс – Оклахома 86:105 Орландо – Торонто 99:109 Бостон – Бруклин 149:115. Пласман Западна конференција: ЛА лејкерс 51-16 (победи-порази), ЛА клиперс 45-22, Денвер 45-23, Јута 43-25, Хјустон 42-25, Оклахома 42-25,…. Пласман Источна конференција: Милвоки 54-14, Торонто 49-18, Бостон 45-23, Мајами 43-25, Индијана 42-26, Филаделфија 41-27,…(МИА)

За Џексон од Мемфис сезоната е завршена

Магдалена Андонова — Wed, 05 Aug 2020 09:33:21 +0000

Кошаркарот на Мемфис, Џарен Џексон Јуниор ќе го пропушти остатокот од сезоната поради повреда, стои во известувањето на официјалната веб-страница на НБА. Тој се повреди на вчерашниот натпреварот против Џу Орлеанс. Дваесетгодишниот Американец доскокна лошо по контакт со ривалскиот играч. Медицинскиот преглед открил искинат менискус во левото колено, што ќе го натера да го пропушти остатокот од сезоната. Џексон оваа сезона настапи на 57 натпревари и имаше 17,4 поени, 4,6 скока и 1,4 асистенции во просек по натпревар. (МИА)