сезонски билети – Kurir.mk

Муцунски: Со 30 сезонски билети, набавени од сопствени средства продолжува мојата поддршка за „Комити“ и „Вардар“

Тале Кристо — Wed, 05 Jul 2023 09:05:00 +0000

Со 30 сезонски билети, набавени од сопствени средства продолжува мојата поддршка за „Комити“ и „Вардар“, објави на социјалната мрежа на Фејсбук градоначалникот на општина Аеродром Тимчо Муцунски. Секогаш од срце и со задоволство давам поддршка на иницијативите и проектите што со поврзани со спортот, традицијата и Македонија. По вчерашната објава на навивачката група „Комити“, утрово со сопствени средства набавив 30 сезонски билети кои ќе бидат наменети за младите од Аеродром - страсни навивачи на Вардар, кои од каква било причина не се во можност да набават ваков билет. Ги повикувам вистинските љубители и навивачи на клубот, во текот на денешниот да го контактираат мојот кабинет со цел да ги добијат билетите. Доделувањето ќе биде по принципот, прв дојден - прв услужен. Воедно ги повикувам и останатите градоначалници во Скопје, како и сите јавни личности, да го следат овој пример и на ваков начин уште еднаш да ја потврдиме силната и недвосмислена поддршка кој ја даваме за враќаме на „Вардар“ на фудбалските терени. Аеродром беше првата општина која на моја иницијатива даде институционална поддршка за "црвено црните", а овој пат јас повторно давам лична поддршка за најдобриот македонски фудбалски клуб. Со нетрпение ги очекувам фудбалскиот натпревари каде од трибините уште еднаш ќе ја потврдиме поддршката за „Вардар“ која во следниот период ќе инсистирам да продолжи да се реализира преку низа иницијативи и соработки, пишува Муцунски во својата објава.

РК Вардар започна со продажба на сезонски билети

Ивона Петрова — Thu, 22 Aug 2019 08:30:05 +0000

Ракометниот клуб Вардар објави дека стартува со регуларна продажба на сезонски билети -Сите што сакаат да купат сезонски билети за натпреварите на РК Вардар истото можат да го сторат од денеска до 9 септември, на билетарницата на СЦ „Јане Сандански“ и онлајн www.ticketplus.mk Во продажба се пуштени и сезонските билети што не беа заменети за времетраењето на приоритетната замена, објави клубот на социјалните мрежи.

Почна продажбата на сезонски билети на европскиот шампион Вардар

Ивона Петрова — Wed, 07 Aug 2019 07:53:46 +0000

Стартува приоритетната продажба на билетите за новата натпреварувачка сезона на двоjниот европски шампион. На повеќе од 45 денови од првиот домашен натпревар во групната фаза од ЕХФ лигата на шампионите во ЛШ, против Порто од Португалија продажбата на сезонските билети за сезоната 2019/2020, годинава ќе почне во среда, 7 август и ќе трае до 9 септември 2019. Продажбата на сезонските билети и годинава ќе се реализираат во две фази, и тоа од 7 до 21 август следи приоритетната продажба на билетарницата на СЦ „Јане Сандански”. Од 22 август до 9 септември следи регуларната продажба на сезонски билети на билетарницата на СЦ „Јане Сандански“ како и онлајн на www.ticketplus.mk. Вардар во сезоната 2019/2020 влегува како актуелен европски првак, шампион на СЕХА Газпром лигата и домашното првенство на Македонија. Сезонските билети овозможуваат влез на сите домашни натпревари на кои организатор и домаќин е РК Вардар. Сезонава Вардар ќе игра во Б групата од ЕХФ Лигата на шампионите. Противници на Вардар ќе бидат екипите на: Веспрем, Кјелце, Мотор Запорожје, Кил, Мешков, Порто и Монпелје. Во СЕХА ГАЗПРОМ лигата Вардар ќе игра во група со: Нексе, Татран Прешов, Војводина, Татабања и Мотор Запорожје. Сезонскиот билет за сезоната 2019/2020 овозможува влез на: * Сите натпревари од групната фаза од ЕХФ Лигата на шампионите * Сите домашни натпревари од СЕХА Газпром Лигата * Сите домашни натпревари од Супер лигата во Македонија * Сите натпревари на домашен терен од Куп натпреварувањето во Македонија ЦЕНА НА СЕЗОНСКИТЕ БИЛЕТИ *Цената на сезонските билети за сезоната 2019/2020 се: – 2.200 денари за трибините – 2.550 денари за А блоковите 1. ПРИОРИТЕТНА ПРОДАЖБА НА СЕЗОНСКИ БИЛЕТИ 7 Август – 21 август 2019 година. * Сите сопственици на сезонски билети од претходната сезона имаат можност повторно да ги задржат местата што ги имале досега. Приоритетната продажба на сезонските билети ќе биде само на касата на билетарницата на СЦ „Јане Сандански” во периодот од 10 до 18 часот, секој работен ден. Потребно е приложување на сезонските билети што сте ги посетувале лани од групната фаза на натпреварите во ЛШ (пластифицираниот билет заедно со лична карта) При приоритетната продажба можно е купување (задржување) само на местото што сте го имале и во минатата сезона. Доколку во овој период не биде продолжен сезонскиот билет истиот ќе биде пуштен во регуларна продажба. 2. РЕГУЛАРНА ПРОДАЖБА НА СЕЗОНСКИ БИЛЕТИ 22 август – 9 септември 2019 Сите места во салата што ќе бидат слободни (по завршување на приоритената продажба) ќе бидат пуштени во слободна продажба. Регуларната продажба на сезонски билети ќе се врши на касата на билетарницата на СЦ „Јане Садански” секој работен ден од 10 до 18 часот и он лајан преку www.ticketplus.mk По завршување на овој период повеќе нема да има сезонски билети во продажба, туку ќе следува поединечна продажба за секој натпревар поединечно. 3. РЕГУЛАРНА ПРОДАЖБА НА ПОЕДИНЕЧНИ БИЛЕТИ За секој меч од ЕХФ лигата на шампионите ќе има известување кога ќе бидат пуштени во продажба поединечните билети и нивната цена. Првиот домашен натпревар во ЕХФ лигата на шампионите ракометарите на Вардар ќе го играат на 22 септември против Порто во СЦ „Јане Сандански” од 17 часот.