сезонски работници – Kurir.mk

Кисела вода се чисти од медицински и комунален отпад

Магдалена Андонова — Tue, 09 Nov 2021 12:44:47 +0000

Акција за чистење на медицински и комунален отпад денес се одвива во општина Кисела Вода. Се чисти на три поголеми локации, мапирани како точки на кои е евидентирано натрупување на опасниот отпад, за кој e предвиден посебен третман. Чистењето започна околу Центарот за зависници, се одвива во неколку траси, и ќе се трае во текот на целиот ден. Во акцијата за чистење на комуналниот отпад, учествуваат сезонски работници ангажирани од општина Кисела Вода. Тие работат на миење на улиците, собирање на сметот, метење на паднатите лисја, перење на плочниците и тротоарите, косење на нараснатите тревни површини. Во делот на собирање на медицинскиот отпад, е ангажирано здружението ХОПС, бидејќи согласно законските одредби, собирање и транспортирање на медицинскиот отпад може да врши само овластено правно или физичко лице. Согласно постигнатиот договор со Општина Кисела Вода, ХОПС ќе продолжи секојдневно, со теренско возило да го чисти медицинскиот отпад од територија на општина Кисела Вода и во наредниот период. Општина Кисела Вода потсетува дека медицинскиот отпад е опасен и може да предизвика значителна штета на здравјето на луѓето. Апелираме доколку граѓаните забележат вакво незаконско одложување на отпад, случајот да го пријават. Притоа, доколку се работи за медицински отпад, на располагање стои телефонскиот број 075/769-948. (здружение ХОПС)

Амазон пред празниците ќе вработи 100.000 сезонски работници

Магдалена Андонова — Thu, 29 Oct 2020 08:23:22 +0000

Американската компанија Амазон соопшти дека врабоптила 100.000 луѓе на одредено време поради пораст на нарачките преку интернет пред ноемвриските празници во САД. Амазон до крајот на јуни 2020 година имаше повеќе од 875.000 вработени ширум светот. Конкрајот на јули, компанијата со седиште во Сиетл соопшти дела од март отворила уште 175.000 нови работни места од кои 125.000 ќе бидатна неодредено време. Компанијата кон средината на септември отвори уште 100.000 работни места во САД и во Канада. Поголемиот број од нив се во магацините, за подготовка на пакети и нивно испраќање. Амазон неодамна соопшти дека е забележан раст на бројот на нарачки од почетокот на пандемијата со Ковид-19. Компанијата пред минатогодишните празници вработи 200.000 сезонски работници. (МИА)

Германија ги отвора границите за сезонските работници од ЕУ

Тале Кристо — Wed, 10 Jun 2020 12:15:24 +0000

Германија од 16 јуни ќе дозволи влез за сезонските работници од земјите-членки на Европска Унија и шенген зоната без никакви рестрикции. Германија претходно утврди дека поради пандемијата на новиот коронавирус во земјата можат да влезат најмногу 80.000 сезонски работници. Минатата година во земјоделскиот сектор во Германија биле ангажирани околу 300.000 сезонски работници, најчесто од Романија и од Полска. Владата во Берлин нареди работодавците да ги применат сите хигиенски стандарди. За да се намали потенцијалното ширење на Ковид-19, ќе бидат формирани фиксни тимови, а ако еден од работниците се разобли, целиот тим ќе биде во изолација.

Во Италија недостигаат околу 60.000 сезонски работници

Дарко Андоновски — Fri, 03 Apr 2020 14:09:42 +0000

Во Италија моментално недостигаат околу 60.000 сезонски работници за берење зеленчук што порано созреа поради топлата зима. Најголемиот број сезонски работници на фармите во Италија се странски државјани кои доаѓаат од земји на ЕУ (како Романија, Бугарија), многумина и илегално, без документи. Таквите работници често работат без договор, со ниски плати и без никакви права. Како што пренесуваат италијанските медиуми, годинава границите се затворени, строго се контролираат, сообраќајот меѓу државите и градовите е сведен на минимум, така што работниците кои претходно доаѓаа да работат на фармите сега не можат да стигнат. Лидерот на партијата Лига, Матео Салвини повика 200.000 Италијани кои добиваат финансиска помош од државата да се пријават и да заработат пари за себе, но и, како што рече, да и се оддолжат на државата што им помага. На социјалните мрежи им се порачува на оние Италијани кои немаат работа, а претходно ги обвинуваа партиите и мигрантите дека им ги земаат работните места, дека сега е нивна шанса да работат тоа што во нормални услови, без епидемија, Италијаните не сакаат да го работат.

Анкети: На Хрватска до летото ќе и бидат потребни 100.000 сезонски работници

Дарко Андоновски — Thu, 05 Apr 2018 11:00:24 +0000

Според анкети во Хрватска до летото на државата ќе и недостигаат сто илјади сезонски работници. Одливот на работна сила создава дополнителен притисок и хрватскиот кошмар со квалификувана работна сила бара конкретни акции. Квотите за увоз за сезонски работници воопшто не одговараат на потребите, објави денеска Слободна Далмација. Владата на Хрватска конечно се одлучи на досега невиден потег - со посебни меѓудржавни договори сакаат да овозможат прифаќање илјадници нови работници. Имено, покраната е постапка за склучување два договора меѓу Хрватска и БиХ. Еден договор ќе регулира сезонско вработување работници од БиХ, а со вториот работниците ќе се упатуваат во трговски друштва. Двата договора ќе им овозможат работа на државјани на БиХ вон одобрените годишни квоти на дозволи за вработување странци (за оваа година 31 илјада и 19 илјади дополнителни барања). Додека траат усогласувањата Хрватска подготвува терен за договори со други држави. Во Македонија и Косово ќе се бараат градежни работници и возачи како и од Украина. Во таа држава со население од 45 милиони жители просечната плата е нешто над 200 евра.

Акција за пролетно расчистување во Кисела Вода

Ивона Петрова — Thu, 29 Mar 2018 13:11:10 +0000

Во рамки на акцијата за пролетно расчистување во општина Кисела Вода денеска околу 50 сезонски работници чистеа во Драчево, Пржино и Црниче. - Се чистат тревните површини, парковите, тротоарите и улиците кои се во надлежност на локалната самоуправа. Се кастрат и исушените гранки од дрвјата и грмушките, информира општина Кисела Вода. Пролетното расчистување на општина Кисела Вода ќе се одвива во наредните 15 дена. Општина Кисела Вода апелира до сите граѓани за совесно однесување и почитување на Законот за јавна чистота.