шабан шаулиќ – Kurir.mk

Времето не лечи болка: Најблиските на Шабан Шаулиќ плачејќи донесоа цвеќе на неговиот гроб – денес ќе им беше посебен ден

Ивана Ефремовски — Wed, 06 Sep 2023 11:10:33 +0000

Шабан Шаулиќ, трагично загинатиот крал на народната музика, денеска ќе наполнеше 72 години, а по тој повод неговото семејство се собра на белградските Нови гробишта за да му оддаде спомен. Шаулиќ го загуби животот пред четири години, а на денот на неговото раѓање семејството ја посети неговата вечна куќа во Алејата на заслужните граѓани. Гробот на Шаулиќ го посетија неговите ќерки Санела и Илда, зетот Бојан Вучковиќ, а на комеморацијата се појави и внукот на Шабан, фудбалерот Лука Аџиќ. Особено емотивна беше вдовицата на пејачот, Гордана, која и денеска не можела да ги задржи солзите. FOTO: E-STOCK/ČASLAV VUKOJIČIĆ

Свиреше со Шабан, а денес нема што да јаде: Тешка судбина на музичарот, ОВОЈ совет од Шаулиќ му го променил животот

Ивана Ефремовски — Tue, 04 Jul 2023 14:13:38 +0000

Поранешниот тапанар на Шабан Шаулиќ, Саша Имеровиќ, познат како Бата (54), осум години свирел на тапани по кафеани со легендарниот пејач, а поради повреда на окото морал да престане да работи. Сега нема пари и нема што да јаде дома, па мора да се храни во црковната кујна. -Работев повеќе од 22 години, но на работа имав повреда на окото и добивам парична помош од државата за физичка штета. Направив операција на окото во КБЦ „Ѕвездара“ во 2009 година. Осум години настапував со Шабан по кафеани, а да не ги слушав неговите совети, можеби сега немаше да имам ни покрив над главата, вели Имеровиќ. Тој открива дека домот го има само затоа што пејачот му дал совет вреден злато. -Шабан ми рече: „Сине, не дозволувај да бидеш на улица, имаш пари, купи стан“. Така купив гарсоњера. Тогаш добро заработував, добро живеев од музика, но тоа беше друго време. Да знаев дека ќе паднам, ќе седнев. Веќе не свирам на тапани, не заработувам, па се хранам во кујна на црква, фала богу, никому не должам. Да нема црковна кујна, многумина ќе гладуваа, меѓу кои и јас, изјави Имеровиќ.

По големата трагедија: Семејството Шаулиќ конечно ужива во убави моменти (ФОТО)

Ивана Ефремовски — Tue, 14 Mar 2023 16:32:49 +0000

Синот на Шабан Шаулиќ, Михајло Шаулиќ и неговата сопруга Марина станаа родители во јануари годинава, а на свет дојде девојче кое го крстија Мања. Семејството Шаулиќ го искористи сончевиот ден и се прошета со својата ќерка, а патем направи и неколку фотографии кои Марина Шаулиќ ги објави на својот Инстаграм профил. -Моето мало семејство - напиша Марина во описот на фотографијата. По големата трагедија во која почина пејачот Шабан Шаулиќ, семејството конечно ужива во убави моменти.

View this post on Instagram

A post shared by ❤Velimiroviceva👩🏻‍🏫 (@saulic.marina)

Емотивна порака до покојниот Шабан Шаулиќ од неговата ќерка Илда (ФОТО)

Ивана Ефремовски — Sat, 04 Feb 2023 18:51:59 +0000

Популарната пејачка Илда Шаулиќ, ќерка на покојниот Шабан Шаулиќ, синоќа настапи пред полн клуб во Подгорица и сподели трогателен момент со публиката. Имено, пејачката во еден момент ја испеа песната „Иду дани, мајко моја“, а заедно со неа пееше и целиот клуб. Илда ова го сподели на својот Инстаграм профил и му ја посвети пораката на својот покоен татко. „Секогаш си со мене“ – напиша Илда и додаде срце.

„По клиничката смрт станав јасновидец“: Хасан Дудиќ ја предвидел смртта на Тито, а еве што тврди за покојниот Шабан

Ивана Ефремовски — Fri, 03 Feb 2023 16:50:24 +0000

Хасан Дудиќ поради здравствената состојба се повлече од музичката сцена, оди по лекари и прима терапија, а како што јавно се пофали, неговата моќ на предвидување е се подобра и подобра. Блиски пријатели откриваат дека пејачот сериозно планира да им помогне на луѓето со својата видовитост. -Имав клиничка смрт пред 44 години. Станав јасновидец по клиничка смрт, милион проценти. Јас точно знам се. Луѓето ќе мислат дека сум луд. Но, добивате одредена моќ, сакале или не, таа едноставно се појавува. Додека лани во април лежев во болница, самиот Господ и мојот Шабан ме спасија. Ги гледам неговите очи, ме штити и не ме дава. Го гледам и во сон, но ништо не кажува. Имам предвидувања. Предвидував голем земјотрес во Црна Гора, смртта на Тито. Така сега чувствувам дека брат ми Шабан е со мене и не дозволува ништо лошо да ми се случи, рече Хасан и откри дека луѓето веќе го контактираат и бараат помош од него. -Кога луѓето слушнаа за неговите моќи, почнаа да го повикуваат од сите страни и да молат за помош. Самиот не можел да поверува колку луѓе го бараат, а немал каде да ги прими, па пријател му предложил и тој да остане во својот стан во Нов Белград. И дека луѓето не прашуваат за цената за такви услуги. Ем ќе заработи затоа што инаку е во лоша финансиска состојба, а пензијата му е мала, ќе им помага на луѓето на кои навистина им е потребна. Сè уште размислуваме што да правиме и како да го направиме тоа, објасни еден од блиските колеги на пејачот.

За смртта на Шабан го осудија на само три години, а тој барал уште помала казна – судот донесе одлука!

Ивана Ефремовски — Wed, 01 Feb 2023 07:52:47 +0000

Германскиот суд го одбил преиспитувањето на пресудата што ја побарал германскиот државјанин Алсин Левент, откако тој бил прогласен за виновен за сообраќајната несреќа во која животот го загуби пејачот Шабан Шаулиќ. Наводно, судиите утврдиле дека во пресудата не е неправилно применето материјалното право, со што е правосилна и осудениот ќе мора да помине три години зад решетки. Алсин Левент првично беше осуден на три години и три месеци затвор за двојно убиство од небрежност. Но, во октомври минатата година казната му беше намалена за три месеци, а семејството Шаулиќ беше разочарано и покрај тоа што сметаа дека првичната казна е мала. -Адвокатот пред судењето ни рече дека пет години се максимум, најверојатно ќе добие околу четири години, на крајот биле три години и три месеци. Тоа беше малку шок за нас. Ова е човек кој не се кае, покажува одбивност кон настанот, цело време гледа во подот и молчи. Пред несреќата извршил околу пет кривични дела. Украл автомобил, возел без возачка дозвола, бил пијан, дрогиран и возел со двојно поголема брзина, изјави Гоца во октомври минатата година и додаде: „Мислеа дека се доволни три години и три месеци. Беше страшно за нас како семејство. Не постои соодветна казна со која ние би биле задоволни. Ама уништени се три семејства, мизерна е казната е и мала, тие човечки животи се обезвреднети. Не знам дали има врска со тоа што е германски државјанин, сега нема да прејудицирам, но веројатно некаде постои поврзаност. Но, делото е направено. Потоа се пожаливме, побаравме да го смениме во убиство со умисла, што тие одбија. Апелациониот суд пресуди поради текот на времето и поради неговото покажано каење. Не знам каде го покажа каењето. Му ја намалија казната за три месеци„ - изјавила вдовицата на пејачот.

ШАБАН НЕ ГО ДОЧЕКА ТОЈ ДЕН: Малата Мања доби вреден подарок од својот дедо иако тој не е жив, еве за што станува збор

Ивана Ефремовски — Sat, 14 Jan 2023 16:25:35 +0000

Синот на починатиот крал на народната музика, Шабан Шаулиќ, Михајло Шаулиќ и неговата сопруга Марина на почетокот на 2023 година станаа родители на девојче на кое му го дадоа името Мања. Сопругата на Михајло Шаулиќ на 10 јануари роди ќерка, а семејството Шаулиќ по тој повод организираше голема прослава која траеше до крајот на ноќта. На прославата најсреќна била бабата Гоца Шаулиќ која открила дека се поминало баш како што сакал нејзиниот покоен сопруг. -Сите сме полни со среќа, Мања ни е благослов. Сигурна сум дека денес Шабан би бил најсреќниот човек на светот, бидејќи отсекогаш сакал да го види Михајло исполнет во улогата на татко, изјавила вдовицата на пејачот. За жал, Шабан не го дочека раѓањето на внуката, ниту венчавката на синот, што беше негова голема желба, а за наследниците на Михајло приготвил подарок за време додека бил жив. Имено, Шабан на Гордана и оставил вреден семеен златник, кој го наменил за детето на Михајло, односно сега за малата Мања. Инаку, името Мања е варијанта на името Марија, преземено од руското Мариa, кај нас Марија. Додека латинската форма на хебрејското име е „Миријам“. Како името на мајката на Исус, името има симбол на чиста и длабока љубов. Значењето на самото име не е дефинитивно разјаснето. Според постарите толкувања, името потекнува од хебрејскиот „мир“ , горко и „јам“ = „море“, па значењето би било „горчина на морето“. Според последните толкувања, се претпоставува дека името го добива своето значење од египетското „mry“ што значи „моја сакана“.

Се огласи гордата баба: Гоца Шаулиќ во најубавите моменти не го заборава Шабан

Ивана Ефремовски — Thu, 12 Jan 2023 13:44:21 +0000

Од пред два дена, семејството Шаулиќ е побогато за нов член. Синот на Шабан, Михајло и неговата сопруга Марина добија девојче на кое и го дадоа името Мања. Михајло организираше гала прослава за пријателите и семејството по повод раѓањето на малата Мања, а една од најсреќните беше гордата баба Гоца Шаулиќ. Таа откри дека и во овие најсреќни моменти не го заборава својот покоен сопруг, кој би бил пресреќен да го види сето ова. -Благодарам за честитките. Бев во болница со кумовите на Михајло, а подоцна дојде сестрата на Марина. Бевме пред сала, го видовме малото девојче, пресреќна сум. Посебно ми е драго што Михајло се оствари во улогата на татко, се ожени, а сега има мало девојче. За жал, Шабан не го дочека раѓањето на својата внука, но она што ме радува е што се помина како што тој би сакал, изјавила Гоца.

Шабан ќе беше среќен и горд: Се роди Мања Шаулиќ, се слави со песната на нејзиниот дедо

Ивана Ефремовски — Thu, 12 Jan 2023 09:46:25 +0000

Синоќа беше подготвена гала прослава во чест на раѓањето на малата Мања Шаулиќ, ќерка на Михајло и Марина Шаулиќ. Наследникот на легендарниот Шабан Шаулиќ ги собра пријателите и роднините во ресторан во главниот град, каде атмосферата беше на завидно ниво. Нивните пријатели споделија дел од атмосферата на социјалните мрежи, а можеше да се види дека Михајло беше “растргнат“ од гостите, како што налага традицијата на таткото да му се искине блузата. Посебно емотивен беше моментот кога песната на Шабан беше пуштена во празничната сала, а тоа гордата мама Марина го сподели на својот Инстаграм. Нема сомнеж дека Шабан би се гордеел со ваков настан и дека срцето би му било полно за раѓањето на малата Мања.

„Жал ми е што не отидов да се поздравам со него“ – емотивна исповед на Илда Шаулиќ

Ивана Ефремовски — Wed, 21 Dec 2022 10:44:17 +0000

Кралот на народната музика Шабан Шаулиќ загина на 17-ти февруари 2019-та година во страшна сообраќајна несреќа во Германија. Неговата помала ќерка, пејачката Илда Шаулиќ откри дека жали што тогаш не отишла со него во Германија. -Останав во Белград со мајка ми, Михајло, сестра ми и девер ми отидоа во Германија, па жал ми е што не бев таму да се поздравам со него, ако воопшто е можно тоа. Имаа можност да го видат и сестра ми рече: „Илда, изгледа како да спие“, изјави Илда во една емисија.