Шабан Трстена – Kurir.mk

Tрстена додели пет Златни олимписки оскари

Магдалена Андонова — Thu, 14 Oct 2021 13:47:21 +0000

Олимпискиот шампион Шабан Трстена, денес додели пет Златни олимписки оскари за личности и институции кои го поддржувале во неговата кариера. Добитници на Олимписките оскари на Трстена се: Решат Ибрахими новинар, Атанас Кировски новинар, Сефер Тахири новинар публицист, Игор Костов доктор и директор на Градската болница 8 Септември и продуцентот на филмот „Кобра“, Томи Салковски. Ова е петта ваква манифестација со која легендата на македонскиот спорт им се заблагодарува на неговите поддржувачи. (МИА)

Трстена по петти пат ќе додели Златни олимписки оскари

Ивона Петрова — Thu, 14 Oct 2021 09:13:49 +0000

Олимпискиот шампион Шабан Трстена, денес, ќе додели пет Златни олимписки оскари за личности и институции кои го поддржувале во неговата кариера. Ова е петта ваква манифестација со која легендата на македонскиот спорт сака да и се заблагодари на неговите поддржувачи. Претходни добитници на олимписките оскари се: претседателот на МОК, Васил Тупурковски; Дарко Каевски како директор на Агенцијата за млади и спорт; поранешниот селектор на боречката репрезентација, Насе Насев; Милош Вучидолов – доктор на репрезентацијата; Хајруш Синани, како негов тренер; доајените на македонското спортско новинарство, Атанас Костовски, Зоран Михајлов, косовскиот новинар Агим Касаполи; Ѓорѓи Кузмановски – претседател на Сојузот на спортови на Град Скопје; Антон Серечи – спортски новинар во радио Скопје на албански јазик; Мирослав Наумовски – долгогодишен спортски новинар; Мигена Горенца – главен и одговорен уредник на МТВ на албански јазик и Ванчо Чифлиганец – почесен претседател на Сојузот на боречки спортови, медиумските куќи МТВ и Алсат. Шабан Трстена е роден на 1 јануари 1965 во Скопје. Трстена е освојувач на златен медал на Олимписките игри во 1984 година во Лос Анџелес и на сребрен медал на Олимпијадата во 1988 година во Сеул. Тој беше европски шампион во 1984 и 1991 година, освојувач на сребрени медали на првенствата во 1983, 1985 и 1986 година и бронзени во 1982 и 1988 година. Прогласуван е за „Спортист на 20. век“ во нашата држава, седум пати за „Спортист на годината“ на Македонија, 10 пати за „Најдобар спортист“ на Град Скопје и еднаш за „Најдобар спротист“ на поранешна СФР Југославија.

Кинопроекција на „Кобра“ – филм за борачката легенда Шабан Трстена

Ивона Петрова — Sat, 20 Oct 2018 10:06:33 +0000

Во Центарот за култура „Кочо Рацин“ во Кичево денеска попладне ќе биде прикажан „Кобра“ - филм за животната приказна на борачката легенда на Македонија Шабан Трстена. Документарниот филм по сценарио и режија на Игор Иванов ги прикажува подемите, падовите и големите успеси на Трстена, единствениот спортист од Македонија кој освои олимписко злато. Трстена им се заблагодари на раководството на Центарот за култура и, како што вели, на неговите пријатели од Кичево, за почитта и вреднувањето што кон него го искажале во изминатите години, и за иницијативата за прикажување на документарниот филм „Кобра“. - Филмот „Кобра“ се однесува на мојата спортска и животна дејност во децениите од минатиот век, фрлајќи светло за вистината на душата на олимпискиот шампион и спортист на 20 век, изјави Трстена по повод проекцијата на неовиот филм денеска во 16 часот во Кичево. МИА