Шахтјор – Kurir.mk

ФОТО+ВИДЕО: Тренинг комплексот на Шахтјор оштетен при гранатирање

Ивона Петрова — Tue, 05 Apr 2022 09:57:20 +0000

Тренинг комплекс Свјатошин, кој го користи фудбалскиот клуб Шахтјор Доњецк бил оштетен при гранатирање кое се одвивало во близина на Киев. Базата се наоѓа на 20 километри од Киев. Од клубот информираат дека една граната го погодила теренот, а друга уништила просторија со опрема.

#Shakhtar's training complex came under fire during the fighting near Kyiv.#StopRussianAggression #Україна #Ukraine #StandWithUkraine pic.twitter.com/PmnutR6K31
— FC SHAKHTAR ENGLISH (@FCShakhtar_eng) April 4, 2022

Информираат дека пиротехничари вчера го провериле и исчистиле теренот и сега повторно е обновен пристапот до него.

View this post on Instagram

A post shared by FC Shakhtar Donetsk (@fcshakhtar)

Шахтјор ги евакуираше своите Бразилци од Украина

Ивана Ефремовски — Tue, 01 Mar 2022 18:46:24 +0000

Украинскиот прволигаш Шахтјор од Доњецк ги евакуираше своите бразилски фудбалери во соседна Романија, по воената интервенција на Русија, јави денеска британскиот сервис Би-Би-Си. Евакуацијата на вкупно 12 бразилски фудбалери од редовите на Шахтјор е реализирана во координација со УЕФА. Клубот од Доњецк соопшти дека и Динамо Киев и Дњепар успеале да ги преместат своите интернационалци на безбедно место, надвор од Украина. -Сакаме да им се заблагодариме на помошта на сите кои учествуваа во овој процес. Евакуацијата на играчите беше овозможена со лична помош од претседателот на УЕФА, Александар Чеферин, претседателот на Фудбалската федерација на Украина, Андриј Павелко и претседателот на Фудбалската федерација на Молдавија, Леонид Олејниченко, соопшти Шахтјор. Украинското фудбалско првенство минатиот викенд требаше да продолжи по зимската пауза, но тоа беше одложено поради воените дејствија во земјата. (МИА)

Драматичен апел на Бразилците од Шахтјор и Динамо: Помогнете ни да побегнеме од тука

Ристе Здравков — Thu, 24 Feb 2022 15:48:10 +0000

Бразилските фудбалери кои настапуваат за Динамо Киев и Шахтјор Доњецк објавија видео во кое ги молат бразилските власти да им помогнат да ја напуштат Украина. На видеото говори Жуниор Мораеш, фудбалерот на Шахтјор: „Ситуацијата е очајна. Границите се затворени, банките исто така. Нема гориво, а ќе има и недостаток на храна. Немаме пари. Се состанавме и чекаме некој план за да ја напуштиме Украина“, вели Мораеш во видеото. Руските воени сили денеска утрово испалија проектили врз неколку градови во Украина и ги истоварија своите воени сили на нејзиниот јужен брег, објавија украинските службеници и медиуми, откако рускиот претседател Владимир Путин ја одобри, како што ја нарекува, специјалната воена операција на истокот од земјата.

Brazilian players from Shakhtar and Dynamo Kiev, accompanied by their families, have released a video asking for the Brazilian authorities to help them leave Ukraine. 🇺🇦 pic.twitter.com/SYQ9j6bCq1
— Football Tweet ⚽ (@Football__Tweet) February 24, 2022

Милитао поради повреда може да ги пропушти натпреварите со Барселона и Шахтјор

Ивона Петрова — Thu, 14 Oct 2021 07:58:54 +0000

Фудбалерот на Реал Мадрид, Едер Милитао, се здоби со мускулна повреда на десната нога на натпреварот на Бразил против Колумбија во квалификациите за Светското првенство 2022. Според „Марка“, 23-годишниот дефанзивец, може да го пропушти не само натпреварот против Шахтјор во Лигата на шампионите на 19 октомври, туку и натпреварот против Барселона во Ла Лига на 24 овој месец. Во тековната сезона, Милитао има одиграни осум натпревари во шпанското првенство. Реал е лидер на табелата со 17 бода, исто колку што имаат и второ и третопласираниот Атлетико Мадрид, односно Реал Сосиедад.

ЛШ: Ајакс сигурен на домашен терен, Интер до бод против Шахтјор

Бошко Тасиќ — Tue, 28 Sep 2021 18:54:43 +0000

Ајакс ја запиша втората победа во фудбалската Лига на шампиони (ЛШ) откако вечерва беше подобар од Бешикташ со 2-0, додека Интер мораше да се задоволи со бод на гостувањето кај Шахтер. Тимот од Холандија до водство стигна по 17 минути игра, додека Холер во завршницата на првиот дел зголеми на 2-0. Гостите немаа многу шанси за да се вратат во мечот, но успеаа да ја зачуват мрежата и да доживеат дебакл. Ајакс по две одиграни кола има шест бодови во групата Ц, три има Борусија Дортмунд, а без бодови се Бешикташ и Спортинг.

Интер имаше неколку добри шанси против Шахтер, но не искористи ниту една од нив. Един Џеко можеше да ги израдува гостите од Милано, но не успеа бидејќи од само неколку метри го промаши цел гол. Во групата Д по еден бод имаат Интер и Шахтер, додека Реал Мадрид и Шериф имаат по три и допрва треба да го одиграа нивниот дуел од второто коло.

Конте смета дека Интер против Шахтјор одигра перфектен натпревар

Ивона Петрова — Tue, 18 Aug 2020 06:53:46 +0000

Тренерот на Интер, Антонио Конте беше презадоволен од прикажаното на неговите избраници во полуфиналниот натпревар од Лигата на Европа против Шахтјор (5:0). – Мислам дека моите играчи заслужуваат таква победа сто проценти. Според мое мислење, тие играа совршено од сите гледишта. Се обидовме да се увериме дека силните квалитети на Шахтјор не се пречка за нас. Задоволен сум од оваа борба. Ми причинува големо задоволство кога видов како моите играчи делуваат против такви талентирани играчи што ги имаат Шахтјор. Победивме со 5:0 против толку добри играчи и толку добар тренер, истакна Конте. Интер ќе игра против Севиља во последниот натпревар од Лига Европа оваа сезона. Дуелот е закажан за 21 август во Келн.

Конте: Шахтјор е еден од најсилните противници на Интер во ЛЕ, но ние сакаме да играме во финалето

Тале Кристо — Sun, 16 Aug 2020 18:44:49 +0000

Тренерот на Интер, Антонио Конте, ги искажа своите очекувања за полуфиналниот натпревар од Лигата на Европа со Шахтјор. Ние мора да го почитуваме Шахтјор. Играме со тим кој се покажа добро во последните неколку години и е добро подготвен. Тие се најсилниот тим со кој ќе се сретнеме оваа сезона бво Лига Европа. Но, имаме намера да покажеме дека не случајно стигнавме до полуфиналето и сакаме да одиме во финале, изјави Конте. Натпреварот ќе се одржи утре, 17 август во Дизледорф со почеток во 21 часот. Во првото полуфинале, вечерва Манчестер јунајтед се среќава со Севиља.

УЕФА со тешки казни за Лацио и Шахтјор

Ивана Ефремовски — Fri, 29 Mar 2019 10:09:11 +0000

Европската фудбалска асоцијација ги казни украински Шахтјор и италијански Лацио да затворат дел од стадионите во натпревари од клупските натпреварувања за следната сезона поради расистичко однесување на нивните навивачи. Санкцијата за Украинците е поради банер поставен од навивачите со десничарската политичка порака за време на натпреварот со Ајнтрахт Франкфурт од турнирот Лига Европа. Приврзаниците на Лацио пак демонстрираа нацистички поздрави од трибините на стадионот „Рамон Санчез Писхуан“ за време на гостувањето во Севиља во февруари. УЕФА испрати детални инструкции до двата клуба за тоа колку и кои сектори треба да се затворат. За Шахтјор ќе биде трибината, на која е подигнат дискриминаторскиот и расистички банер. Исто така на оваа трибина на стадионот „Металист“ во Харков треба да биде поставен банер со натпис „Equal Game“ и логото на УЕФА. За користење на пиротехника, клуботод Доњецк беше казнет со 10.000 евра. Конкретната средба заврши 2:2, а Германците го освоија реваншот со 4:1, а повторно имаше и судири меѓу двете навивачки групи. Што се однесува до Лацио, клубот добил и парична казна од 20.000 евра. (МИА)