шакира – Kurir.mk

„ЈА САКАМ ШАКИРА, НО ОВА Е ГОЛЕМ СРАМ ЗА НЕА“: Пејачката турна постара жена која ја снимаше со мобилниот телефон, од видеото подзина светот (ВИДЕО)

Дарко Андоновски — Fri, 13 Oct 2023 08:32:52 +0000

На социјалните мрежи кружи видео на кое без да се знае контекстот се гледаат неколку луѓе кои ја чекаат пејачката, а таа потоа се обидува да побегне од фановите. Неколку полицајци ја опколиле областа за да обезбедат безбедност, но една постара жена успеала многу да ѝ се доближи до пејачката и да ја сними со мобилниот телефон. Во тој момент, се чини дека Шакира ја оттурнува, фаќајќи ја за раката, пред да се насмее додека се приближува до некои други обожаватели. Контроверзното видео кое кружи на Тик Ток стана вирално и предизвика различни реакции.

@miriamlasalvaje Que piensas ustedes la empuja o no? #shakira #asino #nosevale #video #viral #viralvideo #viraltiktok ♬ Shakira: Bzrp Music Sessions, Vol. 53 - Bizarrap & Shakira

Некои луѓе ја нарекоа Шакира груба и непријателска поради нејзиното однесување. „Јасно се гледа и изгледа навистина лошо со оглед на тоа што се однесува како дива“, напишал еден корисник. „Ја сакам Шакира, но беше многу погрешно од неа што го направи тоа“, додаде друг. Додека некои не беа задоволни од однесувањето на Шакира, други застанаа во нејзина одбрана. „Сè уште ја сакаме Шакира, понекогаш работите не се онакви какви што изгледаат“, напишал еден фан. „Престанете да создавате драма, ова не е ништо“, додаде друг.

Нови проблеми за Шакира: Обвинета е за измама, поради огромна сума на пари може да оди во затвор

Ивана Ефремовски — Tue, 26 Sep 2023 19:59:25 +0000

Шпанскиот обвинител поднесе второ даночно обвинение против колумбиската пејачка Шакира, обвинувајќи ја за измама на државата од 6,6 милиони евра во 2018 година. -Познатата кралица на латино попот веќе треба да оди на суд во ноември во Барселона за случајот со неплаќање даноци во висина од 14,5 милиони евра за периодот 2012-14 година, објави Ројтерс. Иако таа негира дека сторила нешто лошо, таа може да биде осудена на осум години затвор.

Шакира искрено проговори за љубовта со Пике

Ристе Здравков — Sat, 23 Sep 2023 19:20:08 +0000

Шакира објаснила дека верувала во „засекогаш“ кога станува збор за бракот со фудбалерот Жерар Пике, но следел болен крај. Шакира од првата изјава за раскинувањето на долгогодишната врска со Жерар Пике, останала искрена. Отворено во јавноста зборувала за своите очекувања, но и стравови, сакајќи другите да знаат дека тоа секому може да му се случи. „Приоритет ми беше домот, моето семејство. Верував во тоа „додека смртта не нѐ раздели“. Верував во тој сон и го имав тој сон за мене, за своите деца“, изјавила Шакира во интервју за „Билборд“. Колумбиската ѕвезда додала дека се надева дека ќе има вечна љубов, слична на онаа на нејзините родители кои заедно се веќе 50 години. „Се сакаат како првиот ден, нивната љубов е единствена и неповторлива. Така што знам дека тоа е можно. И, тоа отсекогаш беше мој пример. Тоа е она што го сакав за себе и за своите деца, но тоа не се случи“, изјавила Шакира. Размислувајќи за својата врска со Пике, пејачката признала дека морала својата музичка кариера да ја остави на задна страна додека живеела со поранешниот професионален спортист во Шпанија. „Работата е во тоа што бев посветена. На семејството и нему. Ми беше многу тешко да се занимавам со својата професионална кариера додека бев во Барселона. Не можев да ги оставам своите деца и да одам некаде да правам музика надвор од својата куќа. А. Беше тешко да се одржи ритамот“, додала Шакира. Што се однесува до нејзините две деца, добитничката на „Греми“ открила дека успеала сега да живеат далеку од очите на јавноста во Мајами. „Медиумската ситуација беше тешка за нив. Секој ден папарацо фотографите ни беа пред врата. Тука тоа се нормални деца кои уживаат во нормалноста, што и училиштето треба да биде – сигурно место каде можат да бидат тоа што се“, заклучила Шакира.

„МОЈОТ СВЕКОР СЕ УШТЕ Е ТУКА И НЕ СТАПНАЛ ВО ГРОБ“ – Шакира во новата песна го опева таткото на Пике, а хитот за шест часа има 3 милиони прегледи!

Дарко Андоновски — Thu, 21 Sep 2023 10:05:13 +0000

Колумбиската поп-ѕвезда Шакира објави нова песна под наслов „El Jefe“ („Шефот“), но иако зборува за работничката класа и експлоатацијата кон нив - најголемо внимание привлече стихот посветен на нејзиниот поранешен свекор. „Велат дека нема зло што трае повеќе од сто години, но мојот поранешен свекор е сè уште тука и не стапнал в гроб“, се вели во песната. Во овој дел од видеото, танчерите ѝ ја покриваат устата на Шакира, како да сакаат таа да не го спомнува тоа. Инаку, таткото на поранешниот опруг на пејачката, Жерар Пике, Жуан е бизнисмен и управува со компаниите на својот син... Па така, многумина претпоставуваат дека Шакира можеби укажува дека и тој ги искористува своите работници. Шакира ја сними песната заедно со мексиканската група „Фуерза регида“. За шест часа од пуштањето, видеото собра речиси три милиони прегледи.

ФОТО: Шакира ја покажа згодната внука, луѓето велат дека се исти

Ивона Петрова — Tue, 22 Aug 2023 17:07:05 +0000

Шакира неодамна ја претстави новата песна „Copa Vacia“ која за многу кратко време стана хит, а милиони ширум светот објавуваат видеа во кои танцуваат на заразниот латино ритам. Меѓу нив е и внуката на Шакира, 24-годишната Изабела Мебарак. Оваа млада девојка често објавува содржини на социјалните мрежи, а под нејзините фотографии следбениците речиси секогаш ја споредуваат со позната тетка. „Па, вие сте исти“, „Изгледаш како Шакира на почетокот на кариерата“, „Ти и Шакира навистина личите“, се само дел од коментарите. Инаку, Изабела не се занимава со музика, туку својата креативност ја насочи кон сликарството. Шакира ја поддржа на неодамнешната изложба на која Изабела ги претстави своите најнови дела.

Откриени детали од односот на Шакира и Хамилтон: Тајни средби на Ибица и постојани разговори

Ивона Петрова — Thu, 10 Aug 2023 07:45:31 +0000

Откако се раздели од долгогодишниот партнер Жерар Пике, приватниот живот на Шакира привлекува огромно внимание во јавноста. По разделбата, често се зборуваше за наводните нови љубови на колумбиската пејачка. Шакира со месеци е поврзувана со Луис Хамилтон, а според извор близок до пејачката и возач на Формула 1, тие двајца се се поблиски. Гласините за нивната наводна врска започнаа кога беа видени заедно на бројни настани, а досега двајцата не се огласија на оваа тема. Сепак, извор близок до нив тврди дека тие се дефинитивно повеќе од пријатели, особено откако тајно отпатувале на Ибица. Пред еден месец Шакира и Луис Хамилтон беа видени на јахта со пријателите, потоа на доделување награди во Велика Британија, па во ноќен клуб. Извор за шпанскиот ТВ канал „Телецинко“ открил дека колумбиската пејачка и британскиот Формула 1 возач се сретнале три пати во вилата на Ибица откако вработените го напуштиле луксузниот објект. -Кога работниците си заминаа, пејачката остана сама со приватна придружба и Хамилтон ја посети, рекол изворот, пренесува „ShowBuzz“ и додал дека неговиот приватен возач ги слушал како постојано разговараат на телефон.

ВИДЕО: Пике понижен и исвиркан – Публиката скандираше „Шакира, Шакира“, Касиљас му ја нарача „Waka, waka“

Ивона Петрова — Mon, 31 Jul 2023 19:44:40 +0000

Поранешниот шпански фудбалер Жерард Пике од крајот на кариерата е посветен на својот проект King's League, во чии рамки минатиот викенд организираше голем промотивен настан во пресрет на новиот турнир. Организираше голем собир во ноќен клуб каде што требаше да одржи говор... а публиката не мислеше како него. Имено, откако Пике застана со микрофон во рака, пубиката се сврте кон него и почна да скандира: „Шакира, Шакира“. Како што тврдат обожавателите на пејачката, видно изнервиран Пике одговорил: -Како и да е, јас сум се уште светски шампион, а вие сте никој и ништо, наводно рекол Пике.

Crowd chants “Shakira” at Gerard Piqué during a Kings League event in Madrid. pic.twitter.com/fwDMIWArn6
— Pop Crave (@PopCrave) July 30, 2023

Како да ова не му било доволно, во текот на вечерта се слушнала и песната на Шакира „Waka, waka“, која ја побарал поранешниот соиграч на фудбалерот од репрезентацијата, Икер Касиљас. Тоа е химната на Светското првенство во Јужна Африка 2010 година, благодарение на која се запознаа Шакира и Пике, за време на снимањето на сега веќе познатото музичко видео. Каталонските медиуми неодамна пишуваа дека на Пике му пречи кога ја слуша музиката на Шакира за време на забава, па при неодамнешната посета на ноќниот клуб Uniq во Андора, тој побарал од сопственикот ниту една песна на неговата поранешна сопруга да не се пушта во текот на вечерта.

ФОТО: За ваквиот стајлинг мораше да биде исфрлена од Вимблдон, голем пропуст на Англичаните за кој зборува целиот свет

Ристе Здравков — Mon, 17 Jul 2023 11:50:13 +0000

Во петокот љубителите на тенисот со голем интерес следеа два важни натпревари. Новак Ѓоковиќ победи во полуфиналето на Вимблдон во мечот против Италијанецот Јаник Синер, а Шпанецот Карлос Алказар стана вториот финалист откако го совлада Русинот Данило Медведев. Токму полуфиналниот меч на Алказар го следеше Шакира, која пак предизвика жестоки реакции со комбинацијата на облека. Имено, на официјалниот профил на турнирот на Инстаграм започна дискусија дали нејзиното модно издание е соодветно за Вимблдон.

View this post on Instagram

A post shared by Wimbledon (@wimbledon)

Шакира за полуфиналето избра облека од линијата „MO5CH1NO Jeans“ на модната куќа Москино. Под откопчаната кошула со тексас дезен носеше соодветен краток топ, а се одлучи и за макси здолниште со истиот дезен. Својата комбинација ја заокружи со платнени патики со предимензиониран ѓон и бела чанта од модната куќа „Mugler“. „Ја сакам, но таа требаше да знае за кодексот на облекување, тоа е Вимблдон, мора да имаш почит“, напиша еден од коментарите на Инстаграм. „Сосема несоодветна комбинација за овој настан“, „Не е погодна за кралската ложа“, „Друг би бил исфрлен од теренот поради оваа облека“, се само дел од негативните коментари за изборот на облека на Шакира. Од друга страна, многу обожаватели на Шакира застанаа во одбрана на пејачката и заклучија дека таквите правила едноставно не важат за ѕвезда од нејзиниот калибар.

View this post on Instagram

A post shared by Shakira (@shakira)

Шакира прогласена за најубава жена на светот за 2023 година

Ивона Петрова — Mon, 10 Jul 2023 18:05:43 +0000

Шпанското издание на магазинот „People“ ја прогласи колумбиската пејачка Шакира за најубава жена на светот за 2023 година. Како што велат, Шакира е „жена која инспирира“, а нејзините квалитети и го донесоа првото место на листата. Во интервју за шпанското издание на споменатиот магазин, поп-дивата откри дека имало моменти кога нејзиниот свет се срушил и нејзиниот дом се распаднал. Сепак, откри дека нејзините деца, Милан и Саша, се најголемиот извор на среќа и мотив да продолжи понатаму, да се издигне над неволјите и проблемите што ја снајдоа - вклучувајќи го и разводот со поранешниот фудбалер Жерар Пике. На годинешната листа на познати уметници се најдоа имиња на познати личности од различни сфери на уметноста, како Ана де Армас, Џенифер Лопез, Талија и Ева Лонгорија.

„ПИКЕ МЕ ИЗНЕВЕРУВАШЕ ДОДЕКА ТАТКО МИ БЕШЕ НА ИНТЕНЗИВНА НЕГА“ – Шакира реши да го разоткрие поранешното момче до крај: Сè дознав од медиумите!

Дарко Андоновски — Wed, 28 Jun 2023 14:23:25 +0000

Шакира не мислеше дека ќе преживее кога дозна дека поранешниот фудбалер на Барселона Жерар Пике ја „издал“ додека нејзиниот татко бил на интензивна нега. „Тој дојде во Барселона да ме утеши откако ме обзеде тага поради раскинувањето“, изјави добитничката на Греми за „People en Español“ за нејзиниот татко Вилијам Мебарак Чадид. Шакира објасни дека Чадид бил тешко повреден при пад за време на првото причестување на нејзиниот син Милан. „Сè се случи одеднаш“, се сеќава таа. „Домот ми се распаѓаше. Преку медиумите дознав дека ме изневерувал додека татко ми бил на интензивна нега“. Шакира не можела да оди кај својот татко, кого го смета за нејзин најдобар пријател, за советот што ѝ бил толку потребен во тоа време. „Човекот што најмногу го сакав во животот, татко ми, ме остави кога најмногу ми требаше“, вели таа. Сега кога Чадид е на опоравување, пејачката ја пофали неговата издржливост – како и неговиот долгогодишен брак со нејзината мајка Нидија Рипол Торадо. И двајцата беа одраз на тој сон што не ми се оствари. Но, се надевам дека тие се пример за моите деца“, рекла Шакира и ги споменала синовите Милан (10) и Саша (8). Добитничката на Греми роди момчиња во 2013 и 2015 година. Таа и 36-годишниот спортист заедно се грижат за децата откако објавија дека се разделуваат во јуни 2022 година, поради гласините дека Пике ја изневерил со помладата девојка Клара Чиа.