шалке – Kurir.mk

Шалке има нов тренер

Магдалена Андонова — Thu, 27 Oct 2022 09:08:05 +0000

Бундеслигашот Шалке денес го нзаначи Томас Рајс за шеф на стручниот штаб. Како што информира прес-службата на клубот од Гелзенкирхен, 49-годишниот Рајс веднаш ја презема екипата и првиот тренинг ќе го одржи денес. Во стручниот штаб ќе се приклучи и Маркус Гелхаус кој веќе има работено со Рајс во Бохум. Важноста на договорот не е објавена, но новинарот Фабрицио Романо објави дека договорот е до јуни 2024 година. Рајс претходно работеше во Бохум, со кого ја освои втората Бундеслига во 2020/21. По лошиот почеток на сезоната 2022/23, тој доби отказ. На 20 октомври Шалке го отпушти главниот тренер Франк Крамер. На 26 октомври, клубот го објави заминувањето на спортскиот директор Рувен Шредер. Тимот од Гелзенкирхен се наоѓа на последното, 18. место во Бундеслигата со шест бода од 11 натпревари. (МИА)

Дарко Чурлинов постигна гол за Шалке во победата над Нирнберг (ВИДЕО

Бошко Тасиќ — Fri, 10 Dec 2021 20:44:22 +0000

Македонскиот фудбалски репрезентативец, Дарко Чурлинов по подолг период надвор од терените поради повреда, се врати во дерсот на Шалке 04 и го одигра речиси целиот натпревар против Нирнберг. Тимот од Гелзенкирхен пред своите гледачи славеше победа со 4:1, а третиот гол на средбата беше дело токму на нашиот Чурлинов. 21 годишниот офанзивец за разлика од претходните натпревари во дресот на Шалке кога играше како офанзивен бек, овојпат беше во нападот на тимот и успеа да помогне да се стигне до победа која го враќа Шалке на третата позиција во „Цвајте“ која носи бараж натпревар за пласман во Бундеслигата. За нашиот репрезентативец ова беше вкупно деветти натпревар во дресот на Шалке оваа сезона, а постигнатиот гол е негов прв во дресот на тимот од Гелзенкирхен. https://streamable.com/huxtk5

Шалке ги осуди навивачките инциденти по испаѓањето од Бундеслигата

Тале Кристо — Wed, 21 Apr 2021 15:01:19 +0000

Раководството на фудбалскиот клуб Шалке денеска остро ги осуди постапките на дел од клупските навивачи, кои фрлаа со јајца врз играчите и вербално ги нападнаа неколку часа откако екипата синоќа и официјално го загуби прволигашкиот статус во Бундеслигата. -Дел од навивачите ја преминаа линијата за која сметаме дека не смее да се премине, соопшти Шалке. Навивачите се судрија со играчите на клубот од Гелзенкирхен ноќта меѓу вторникот и среда, откако тимот се врати од Билефилд каде загуби од Арминија со 1:0 и за прв пат во последните 30 години се пресели во второлигашка конкуренција. Клупското раководство наведе дека го разбира гневот на навивачите, но истакна оти надлежните никогаш нема да прифатат незадоволството да биде повод за загрозување на безбедноста на фудбалерите и персоналот. -Токму тоа се случи во постапките на поединци, се нагласува во клупското соопштение. Полицијата соопшти дека околу 600 навивачи биле собрани пред клупскиот стадион каде го чекале враќањето на Шалке од Билефилд. Засега никој не е приведен, а истрагата е во тек.

Холандскиот напаѓач Клас – Јан Хунтелар се врати во бундеслигашот Шалке

Дарко Андоновски — Wed, 20 Jan 2021 09:58:59 +0000

Холандскиот напаѓач Клас – Јан Хунтелар се врати во бундеслигашот Шалке 04 во обид да помогне во битката за опстанок на тимот за кој играше од 2010 до 2017 година, постигнувајќи фантастични 48 голови на 48 натпревари во сезоната 2011-12. – „Хантер“ (Ловецот) се врати во лов на голови со синиот дрес, соопшти синоќа Шалке, обелоденувајќи дека поранешниот холандски репрезентативец потпишал договор до крајот на сезоната. Изминатите триипол сезони Хунтелар го носеше дресот на Ајакс, а на Шалке ќе се обиде да му помогне да избори опстанок во една од најтешките сезони за клубот од Гелзенкирхен. Шалке пред вечерашниот дуел на домашен терен против Келн во рамки на 17 коло во Бундеслигата е на делба на последното место со Мајнц со само седум бодови.

Тасманија Берлин: Шалке да не го чепка нашиот рекорд

Дарко Андоновски — Fri, 08 Jan 2021 18:51:22 +0000

Седумкратниот германски фудбалски првак Шалке 04 викендов со евентуален пораз или нерешено ќе го израмни неславниот рекорд во Бундеслигата од 31 натпревари без победа. Рекордот од сезоната 1965/66 е во „суверено владеење“ на актуелниот петтолигаш Тасманија Берлин, чиј претседател Алмир Нумиќ му порача денеска на бундеслигашот од Гелзенкирхен да изнајде начин конечно да победи в сабота, на мечот на домашен терен против Хофенхајм., -Овој рекорд е наша култна работа. Ако останеме без него веќе никој нема да ја споменува Тасманија. Никогаш на овој рекорд не гледавме негативно. Подобро е да нè споменуваат, отколку да не нè споменуваат, изјави првиот човек на петтолигашот од Берлин, потврдувајќи ја тезата дека секој публицитет е добра реклама. Шалке, кој во моментов е последнопласиран во Бундеслигата, е во серија од 20 порази и десет нерешени натпревари, откако последен пат победи во јануари 2020 година, против Борусија Менхенгладбaх со 2:0. Пред неодамнешното гостување на Шалке кај Херта, навивачите на Тасманија поставија транспарент пред Олимпискиот стадион во Берлин, на кој испишаа порака до играчите на Шалке: „Не го чепкајте нашиот рекорд“.

Нов пораз на Шалке во Бундеслигата

Ивана Ефремовски — Sat, 19 Dec 2020 17:43:10 +0000

Шалке ја продолжи серијата без триумф, откако загуби на домашен терен од Арминија Билефилд со 1:0, во рамки на 14. коло во Бундеслигата Тимот од Гелзенкирхен попладнево од клупата го водеше Хуб Стевенс, кој вчера беше назначен за наследник Мануел Баум, но тренерската смена остана без ефект и серијата без победа на Шалке се продолжи на 29. натпревари. Бундеслига – 13. коло: Шалке – Арминија Билефилд 0:1, Аугсбург – Ајнтрахт Франкфурт 0:2, Борусија Менхенгладбах – Хофенхајм 1:2, Мајнц – Вердер Бремен 0:1, Лајпциг – Келн 0:0. (МИА)

Шалке без триумф 28 натпревари во низа, се поблиску до неславниот рекорд во Бундеслигата

Магдалена Андонова — Wed, 16 Dec 2020 21:45:16 +0000

Прославениот германски фудбалски клуб Шалке 04 остана без победа и во 28-от бундеслигашки натпревар во серија, откако вечерва го загуби мечот од 12. коло против Фрајбург со 2;0. Гостите славеа на стадионот во Гелзенкирхен со двата гола на унгарскиот репрезентативец Роланд Салај (50, 68). Шалке последен пат победи на 17 јануари годинава, а доколку серијата без триумф продолжи во следните три натпревари, бундеслигашот од Гелзенкирхен ќе го израмни рекордот на екипата на Тасманија Берлин, која во сезоната 1965-66 имаше 31. натпревари во серија без победа. Шалке во последните пет натпревари сезонава во Бундеслигата освои само еден бод и е последнопласиран на табелата со четири бодови. (МИА)

Шалке го отпушти Вагнер

Магдалена Андонова — Sun, 27 Sep 2020 12:33:45 +0000

Шалке 04 го отпушти тренерот Давид Вагнер по лошиот почеток на кампањата, објави клубот од Бундеслигата. Тимот беше поразен со 0:8 од шампионот Баерн Минхен во првото коло минатиот викенд, а вчера претрпе пораз од Вердер Бремен со 1:3. – Шалке 04 го ослободи Давид Вагнер од своите должности со непосреден ефект, соопшти клубот на Твитер. Четириесет и осум-годишниот Вагнер се приклучи на Шалке 04 во првата половина на минатата сезона. Раководството на германскиот тим соопшти дека во наредните денови ќе назначат негов наследник. Во сите 58 изданија на Бундеслигата, Вагнер е само четвртиот тренер кој е ослободен по два натпревари од почетокот на сезоната. Тој имаше договор со клубот до 2022 година. (МИА)

Коман ќе го пропушти мечот со Шалке, оди во самоизолација

Ивона Петрова — Wed, 16 Sep 2020 09:19:03 +0000

Играчот за врска на Баерн, Кингсли Коман, ќе го пропушти натпреварот од 1. коло во Бундеслигата против Шалке, се наведува на официјалната веб-страница на клубот од Минхен. Дваесет и четиригодишниот Французин е дома во самоизолација по контакт со лице кое имало позитивен тест за коронавирус. Резултатот од тестот на Коман беше негативен. Натпреварот Баерн – Шалке ќе се одржи на 18 септември.

Шалке го промовира Ибишевиќ

Дарко Андоновски — Thu, 03 Sep 2020 13:16:25 +0000

Бундеслигашот Шалке денес му посака добредојде на својот нов играч, напаѓачот Ведад Ибишевиќ. Триесет и шестгодишниот Босанец потпиша договор со тимот од Гелзенкирхен за сезоната 2020/21. Играчот ќе го носи дресот со број 11. – Шалке е одличен тим, не морав да размислувам двапати. Јас сум сериозно мотивиран и решен да постигнам успех со тимот, изјави Ибишевиќ за клупската веб-страница на Шалке. Претходно, Ибишевиќ играше за Херта. Фудбалерот го напушти клубот на крајот на сезоната 2019/20 поради истекот на договорот. Минатата сезона Босанецот одигра 27 натпревари за берлинскиот тим, постигна девет гола и четири асистенции.