шамар – Kurir.mk

ВИДЕО: Нема да верувате колку милиони прегледи има шамарот на Вил Смит

Ристе Здравков — Mon, 28 Mar 2022 15:54:19 +0000

Youtube каналот на Гардијан њуз пред десет часа објави нецензурирана снимка на која Вил Смит го удри Крис Рок. Видеото за десет часа е прегледано повеќе од 33 милиони пати, што брзо го донесе на врвот во светот. Видеото трае минута и 23 секунди и го следи развојот на настаните додека Крис Рок се шегува со Џејда Смит за нејзината фризура и го покажува Смит како се смее, а потоа, откако Џејда свесно ќе го погледне, тој станува и му удира шлаканица на Рок на сцената. Видеото исто така собра неверојатни 133.000 коментари и повеќе од половина милион лајкови на YouTube. Вил Смит не е само на врвот на трендот на YouTube, туку и на Twitter. Од синоќешниот настан до денес, на Твитер се напишани повеќе од 1,5 милиони објави во кои се споменува Вил Смит и уште 4,4 милиони објави за синоќешните Оскари. Да потсетиме, Вил Смит го удри комичарот Крис Рок на Оскарите откако тој се пошегува на сметка на ќелавоста на сопругата на Смит, Џејда. Смит му удри шлаканица на комичарот и се врати на своето место викајќи му веќе да не го споменува името на неговата сопруга.

„Се беше добро до тој момент“ – Камерите ги фатија реакции по шлаканицата на Оскарите (ВИДЕО)

Ристе Здравков — Mon, 28 Mar 2022 15:14:45 +0000

Очекувано, 94-то доделување на Оскарите стана хит, а штом Вил Смит му удри шлаканица на Крис Рок, на Твитер почнаа коментарите. Публиката особено ја интересираше реакцијата на актерката Никол Кидман, која во неверување со отворена уста гледаше се. Освен неа, оние кои внимателно ја следеа церемонијата, успеаја да ги овековечат реакциите на другите актери кои беа слични на онаа што ја имаше Никол Кидман. Сè се случи кога Крис Рок го претстави најдобриот документарец на Оскарите, попатно шегувајќи се со избричената глава на Џејд Пинкет Смит споредувајќи ја со изгледот на Деми Мур во филмот „G.I. Џејн” Рок рече дека едвај чека да ја види Пинкет Смит, како глуми во „G.I. Џејн 2“, што го натера Смит да излезе на сцената и да го удри Рок. Многу фанови, но и присутните, беа разочарани од постапката на Смит, велејќи дека доделувањето поминало убаво се до тој момент кога Вил Смит пробал да биде „вистински маж“ и да се покаже пред сите по турбуленциите во врската со Џејда. По инцидентот, Смит ја доби наградата за најдобар актер за филмот „Кралот Ричард“. „Сакам да бидам посредник за љубовта, сакам да им се заблагодарам на Венера и Серена, на целото семејство Вилијамс што ми ја довери приказната. Тоа е она што сакам да го правам, да бидам амбасадор на љубовта, грижата, вниманието. Сакам да им се извинам на Академијата и на номинираните, ова е прекрасен момент и не плачам затоа што ја освоив наградата. Но, за љубов луѓето работат луди работи. Многу работи се многу комплицирани за мене, но – ти благодарам за оваа чест, во овој момент, ти благодарам во име на Ричард и во име на целото Вилијамс семејство. Се надевам дека Академијата повторно ќе ме покани“.

Шамар за Заев од Европа- немањето на дипломатија и стратегија носи нова блокада за Македонија

Дарко Андоновски — Thu, 03 Dec 2020 15:33:02 +0000

Нов дипломатски неуспех на владата предводена од премиерот Зоран Заев. После бугарското вето за почеток на преговори со ЕУ во ноември, на повидок е уште една блокада од Бугарија. Вчера беше објавено дека на амбасадорскиот ЕУ-состанок во Брисел, Бугарија покрај предлог-преговарачката рамка ги блокирала и заклучоците за Македонија. МИА објави дека Бугарија притоа инсистирала да биде внесен пасус кој го користела Грција во јули 2018 година кој гласи „ова треба да им стави крај на сите барања базирани на погрешна интерпретација на историјата“. Тоа значи, се додека Македонија не попушти за историјата да биде дефинирана според бугарските барања, нема да добиеме датум за почеток на преговори. Покрај тоа пратеникот на ВМРО-ДПМНЕ, Антонијо Милошоски повикувајќи се на извори од Брисел, соопшти дека за разлика од ноември кога Бугарија беше осамена, сега добила поддршка од уште две земји членки. Но, не е само тоа. Сега и земји како Франција, Грција, Италија и Холандија се против усвојување на преговарачка рамка за Албанија поеднични, или со други зборови тие се против раздвојување на Албанија од Македонија. Да биде ситуацијата уште полоша за Македонија, еврокомесарот за проширување Оливер Вархеји, вчера изјави дека не само што е тешко Македонија да добие датум за почеток на преговори оваа година, туку и побара да попушти пред Бугарија. - Македонија мора да вложи дополнителни напори за да излезе во пресрет на загриженоста на Бугарија со цел да се најде решение што е прифатливо за двете земји, потенцира Вархеји. Очигледно Бугарија добро работела на дипломатски план изминативе две недели и успеала работите да ги заврти во своја полза, односно да ја убеди ЕУ дека Македонија е таа која треба да попушти. Понатаму Бугарија ги искористи скандалозните изјави на власта, особено на премиерот Заев за историјата и јазикот, и сега нема ЕУ за Македонија без ставање на хартија дека како народ имаме бугарски корени. Сето ова се должи на катастрофална дипломатска политика на Заев, или подобро кажано немањето на дипломатија. Наместо да ја искористи ситуацијата кога многумина застанаа против Бугарија и со силна дипломатска кампања да се обиде земјите членки да извршат притисок, Заев се што направи е коленичење кај нашиот источен сосед и најава за отстапки за менување на македонската историја, идентитет и јазик. Додека Заев моли во Бугарија, тие како што гледаме се ја ангажирале дипломатијата во ЕУ. Наместо да бара закрилник кај големите европски држаави, Заев закрилник гледа во Бугарија, односно државата која му поставува необјасниви услови кои се косат со здравата логика и науката. Бугарија таквото однесување секако дека умешно тоа го користи. Секој може да види дека власта на Заев настапува без стратегија и без црвени линии, па така и Бугарија знае дека сега е моментот кога може да ги исполни своите барања кон Македонија. По се изгледа дека следи нов пораз и нова блокада за Македонија, кој е на сметка на Заев и неговата погрешна политика, но за жал жртвите се македонските граѓани и македонските корени.

И удри шамар на жена од публиката, едвај ја смирија: Актерка потполно изгуби контрола после прашање за синот (ВИДЕО)

Матеја Петровски — Tue, 02 Oct 2018 12:26:45 +0000

Руската актерка Евелина Бледанс физички нападна жена во публика откако таа грубо говореше за нејзиниот син кој има даунов синдром. Евелина, која на 49 години го очекува третото дете, гостуваше во емисија во живо и говореше за бременоста во подоцните години, а една жена од публиката и кажа дека го загрозува животот на своето неродено дете и при тоа и го спомена нејзиниот син со даунов синдром. -Опасно е да родиш со 35 или 40 години, а камоли со 49. Што ти беше? Сакаш ли да родиш уште едно болно дете? Сакаш ли да имаш уште едно дете со даунов синдром? На никого не му требаат такви деца, ниту на тебе, ниту на друштвото, кажа Елена Лебеда која беше дел од публиката. После тоа актерката ги изгубила нервите и тргна по неа.

Девојка ја удри келнерката по задник, па страшно зажали: Набрзо почувствува удар од женско торнадо (ВИДЕО)

Матеја Петровски — Sun, 19 Aug 2018 14:42:23 +0000

Бар во Њу Орлеанс стана вистинска атракција поради една посебна понуда. Додека служат пијалок келнерките нудат посебен перформанс за своите муштерии, така што ги допираат со своите гради. И келнерките и муштериите се свесни во што се впуштаат, меѓутоа во еден момент се случи нешто што никој не го очекуваше. Една девојка која целата сцена ја следеше од страна, ја удри келнерката по задникот, што неа многу ја налути. Таа толку збесна што ја нападна девојката, па и возврати со шамар и уште два удари во глава, после што се врати на својата работа.