шампион – Kurir.mk

Дејан Милошевски – Чобачо велнес шампион на Нортвестерн Универзитетот

Тале Кристо — Fri, 12 Aug 2022 15:52:58 +0000

Уште едно признание за нашиот каратист во САД, Дејан Милошевски – Чобачо. Дејан Милошевски е претставен како велнес шампион на Нортвестерн Универзитетот. Во објаснувањето се вели дека велнес шампионите се страстни во поддршка на здравјето на вработените, како и претставување на нивните департманти во сите процеси поврзани со управувањето на велнес програми во Нортвестерн Универзитетот. „Запознајте го овонеделниот велнес шампион Дејан Милошевски, финансиски координатор, кој ги претставува вработените и Кардиоваскуларен институт Блум, Одделение за клинички испитувања, Фајнберг медицинска школа при Нортвестерн Универзитетот. Топ 3 области на велнес интереси: духовна, емоционална и социјална. Да се биде во велнес состојба значи: Умот, телото и духот треба да се поврзани на хармоничен начин за да создаде чувство на висока благосостојба“, пишува на веб-страницата на Универзитетот. „Се стремам кон мојата благосостојба со: секојдневно вежбање на карате, кое отсекогаш било важен дел од мојата физичка и ментална благосостојба. Денот го започнувам со медитација, утринско истегнување и шолја зелен чај. Сакам да пешачам и да трчам во природа и многу често може да ме најдете како вежбам карате и се подготвувам за моите натпревари. Во текот на работните денови, после мојата работа им држам часови по карате на ученици на возраст од 3+ години. Ова ме прави навистина среќен затоа што можам да го споделам моето знаење и страст за каратето, а во исто време да им помогнам да го изградат својот шампион со цврст карактер и самодоверба“, вели Милошевски, истакнувајќи дека е избран за член на тимот велнес шампион на Нортвестерн. Тој објаснува дека Комитетот за велнес шампиони е група членови на факултет и персонал кои се страстни за велнес. Милошевски нагласува дека подготвуваат велнес програми, настани, обуки и слично, за сите вработени и членови на Нортвестерн Универзитетот.

ВМРО-ДПМНЕ: Ако распродавањето на државните и национални интереси беше натпревар СДСМ ќе беа шампиони, тоа што Заев го започна, Ковачевски го усоврши

Тале Кристо — Mon, 13 Jun 2022 07:15:04 +0000

Ако беше распродавањето на државните и национални интереси беше натпревар СДСМ ќе беа неприкосновени шампиони. Тоа што Заев го започна, Ковачевски го усоврши, велат во партиското соопштение од ВМРО-ДПМНЕ. Ковачевски како премиер успеа да ја понижи Македонија пред меѓународната јавност и да го погази достоинството државата и македонските граѓани. Наместо да биде тој кој прв ќе ја брани државата, Ковачевски беше првиот кој ги одобри навредите и понижувањата и не ни помисли да реагира поинаку. Срамот за Македонија, смешен им е само на СДСМ и на Ковачевски. Само тие може да се радуваат кога некој им ја негира државата. И да биде пострашно, дури и од петни жили го бранат негирањето на Македонија, наместо да го осудат. Само за СДСМ и Ковачевски е нормално Македонија да ја нарекуваат Источна Бугарија, кога баш таа Бугарија поставува услов да прифатиме дека идентитетот, јазикот и историјата до 1944 година биле бугарски, а Македонија дека била вештачка творба. Штом вака се радуваат на јавни понижувања и негирања на државата, којзнае колку уште попонизно се однесуваат позади затворени врати каде никој не ги гледа. Којзнае што се имаат прифатено и продадено, па не е ни чудо што го скриваат планот со Бугарија. Нема срам, понижување и пораз за Македонија кој СДСМ не го претстави како победа. Премногу е! Доста се понижувања, доста е распродавање на државните и национални интереси. Народот на 18-ти јуни јасно и гласно ќе каже доста е за оваа власт на СДСМ и ДУИ, доста е за вакви понижувања какви што ни приреди Ковачевски. Време е за предвремени парламентарни избори и достоинствена Македонија, стои во соопштението на ВМРО-ДПМНЕ.

Вардар по 15-ти пат шампион на Македонија

Тале Кристо — Thu, 26 May 2022 16:59:18 +0000

Ракометарите на Вардар 1961 ја одбранија домашната титула, откако попладнево во својот завршен натпревар сезонава во македонската Суперлига го совладаа Тиквеш на домашен терен со 37-25 (18-10) во салата „Јане Сандански“ во Скопје. Ова е јубилејна 15. македонска титула за „црвено – црните“, освоена во неизвесна трка со единствениот конкурент Еурофарм Пелистер, кој повторно мораше да се задоволи со второто место. Вардар сезоната ја заврши со двојна круна, откако претходно го совлада Еурофарм Пелистер и во финалето на националниот куп. Дуелот против Тиквеш беше последен во „црвено – црниот“ дрес за Оливие и Кевин Њокас, Патрик Валчак, Стефан Додиќ, Џереми Тото и Диало Бакари, кои од следната сезона нема да бидат дел од Вардар 1961.

Реал Мадрид на само бод да го освои шпанското првенство

Тале Кристо — Mon, 25 Apr 2022 12:07:54 +0000

Реал Мадрид по поразот од Барселона во натпреварот од 33. коло на Ла Лига против Рајо Ваљекано (0:1) се доближи до освојување на шпанското првенство. За да стане шампион на Шпанија, на мадридскиот клуб му е доволно да освои еден бод во преостанатите пет кола. Тимот на Карло Анчелоти во последните пет кола од Ла Лига ќе игра против Еспањол, Атлетико Мадрид, Леванте, Кадиз и Бетис. Реал Мадрид е на првото место со 78 бодови, 15 бодови повеќе од второпласираната Барселона.

Шкупи е нов шампион во Првата македонска фудбалска лига

Курир — Sat, 23 Apr 2022 16:18:36 +0000

Екипата на Шкупи е нов шампион во Првата македонска фудбалска лига. Трофејот се враќа во скопската населба Чаир по повеќе од две децении, кога Слога Југомагнат доминираше во македонскиот фудбал. Шкупи на четири кола пред крајот на македонското првенство си ги обезбеди местото на тронот, бидејќи по денешните средби од 29. коло има недостижна предност во однос на конкурентите за највисок пласман. Во историјата на домашното првенство Шкупи е девета екипа која успеала да го освои шампионскиот трофеј. Претходно тоа им успеа на Вардар, Силекс, Слога, Македонија ЃП, Шкендија, Ренова, Победа и Работнички. Резултати на денешните натпревари во ПМФЛ: Шкендија – Македонија ЃП 3:1 Шкупи – Ренова 2:0 Струга – Пелистер 4:0 Тиквеш – Борец 5:0. Вчера: Академија Пандев – Брегалница 2:1 Работнички – Скопје 0:1. Табела: Шкупи 71 бод, Академија Пандев 58, Шкендија 56, Македонија ЃП 53, Брегалница 39, Струга 39, Ренова 38, Работнички 37, Тиквеш 30, Скопје 29, Борец 18, Пелистер 10.

ТОЈ е најмладиот шампион во историјата на Мастерсот во Мајами

Ивана Ефремовски — Mon, 04 Apr 2022 08:22:30 +0000

Осумнаесетгодишниот Карлос Алкараз стана шампион на Мастерсот во Мајами. Во финалето тој синоќа го победи Каспер Руд со 2-0, по сетови 7:5 и 6:4. Алкараз, кој на 5 мај ќе наполни 19 години, е трет на листата на најмлади победници на Мастерс турнирите. Пред него се само Мајкл Чанг (Торонто 1990) и Рафаел Надал (Монте Карло 2005). Шпанецот стана и најмладиот шампион на турнирот во Мајами, соборувајќи го рекордот поставен во 2007 година од тогаш 19-годишниот Новак Ѓоковиќ. Вкупно, Шпанецот ја освои втората титула сезонава и трета во кариерата, по која денес се искачи на 11-та позиција, на најновата АТП ранг-листа. (МИА)

Готово е – Интер е шампион на Италија!

Магдалена Андонова — Sun, 02 May 2021 17:40:31 +0000

Сасуоло успеа да го преживее мечот со Аталанта и одигра 1: 1, што значи само едно - Интер е шампион во Серија А! По неуспехот на Аталанта, Интер има доволна предност да го обезбеди Скудетото на четири кола пред крајот! Екипата на Милан постојано бегаше од Милан, Јувентус и Аталанта, прашање беше само кога трите гиганти ќе бидат во безизлезна ситуација и ќе мора да му честитаат на новиот сопственик на трофејот. Тоталната доминација на Јуве, која не личеше на себе оваа сезона, беше прекината, Милан често се откажуваше, а Аталанта едноставно немаше капацитет да ги испрати Антонио Конте и тимот. Сасуоло имаше повеќе играчи на мечот со тимот од Бергамо отколку исклучувањето на Голини во 23-та минута, но сепак им дозволија на гостите од Бергамо да поведат преку Госенс во 32-та минута. Берарди израмни во 52. минута, а потоа беше поништен пресвртот поради офсајд. Ролеркостерот продолжи со уште еден жолт Марлон, па на теренот имаше 10: 10. Не беше најлошо за Сасуоло, но тоа што Марлон го криеше пеналот, но за негова среќа, Луис Муриел не беше прецизен, па затоа поделбата на бодовите остана. Наполи поведе на домашен терен против Каliaари со голот на Виктор Осимен во 13. минута. Домаќинот можеше да победи уште поубедливо, но некои одлуки за ВАР одеа во прилог на гостите од Сардинија. Така се одвива кога не се користат шансите - Каљари стигна до израмнување преку Нандез во четвртата минута од продолжението, и однесе голем бод.

Почина првиот светски шампион во традиционално карате

Ивона Петрова — Fri, 26 Feb 2021 07:16:37 +0000

На 74 години вчера почина првиот светски шампион во традиционално карате Сенсеи Луис Ватанабе од Бразил. Тажната вест ја објави Интернационалната традиционална карате федерација каде Сенсеи Ватанабе беше претседател на Шихан-Каи комитетот на ИТКФ. Ватанабе во 1972 година на првиот светски шампионат во Париз, Франција стана светски шампион во кумите-борби. По завршување на неговата натпреварувачка кариера ја предводеше Бразилската карате репрезентација со која како тренер освои многу светски титули. Беше ученик на творецот на традиционалното карате Хидетака Нишијама. Јапонецот Ватанабе роден 1947 година во Сао Паоло, Бразил целиот свој живот го посвети на каратето. Тој на ИТКФ светскиот шампионат во 2015 година во Копер, Словенија лично му го додели златниот медал на македонскиот каратист Дејан Недев.

ВМРО-ДПМНЕ: Државава е шампион по корупција, Љупчо Николовски е заштитник на криминалот на Заев

Тале Кристо — Mon, 15 Feb 2021 07:55:56 +0000

Македонија е европски првак во криминал и корупција, а миленикот на Зоран Заев, министерот кој ги штити криминалот и корупцјата на власта, Љупчо Николовски е најодговорен за катастрофата во сите меѓународни извештаи, велат во партиското соопштение од ВМРО-ДПМНЕ. Секојдневните скандали на власта за криминал на нивни блиски луѓе, секојдневните наместени тендери од државните институциите ја однесоа Македонија на дното на извештајот на Транспаренси интернешанл, поточно на 111-то место. Токму заради невладеењето на правото и селективната правда, како и за политичките прогони на власта реномираниот Економист ја рангираше Македонија како Хибриден режим. Криминалните тендери во здравството кои беа директно поврзани со најнеспособниот министер Венко Филипче остаанаа затворени во фиока и немаше никаква постапка од страна на ДКСК или Николовски. Јавноста беше сведок на целосното заскривување на случаите Серхемс и Леонардо на поранешниот генерален секретар на Владата, Драги Рашкоски, каде сите слушнаа како Рашкоски бара провизии за да го намести тендерот. Никаква разрешница не видовме ниту за злоупотреба на европските пари, за тренирање на магариња, или илјадници евра дадени на флизерски салон. Нема никаква постапка ниту за наместените лиценци за марихуана, ниту за Ден Дончев, ниту за Рекет. Ова се причините за коруптивната жива кал во која не доведе Зоран Заев и неговиот пулен Љупчо Николовски. Затоа, Македонија наместо да е во друштво со сите европски држави ние сме во друштво со диктатури и нефункционални држави. Николовски треба да си даде оставка, веднаш. Одговорност мора да има. За сите овие понижувања и деградирања, за многу скоро ќе има одговорност. На наредните предвремени парламентарни избори граѓаните ќе ги казнат овие криминалци, како Зоран Заев и Љупчо Николовски, стои во соопштението

ВИДЕО: Баерн е новиот европски шампион, Коман му се „одмазди“ на ПСЖ

Магдалена Андонова — Sun, 23 Aug 2020 21:09:53 +0000

Вечерва на стадионот „Да Луж“ во Лисабон (Португалија) на завршниот турнир од Лигата на шампионите, во големото финале Баерн Минхен со 1:0 го совлада ПСЖ. Стрелец на единствениот гол за германскиот претставник беше Коман после асистенцијата на Кимих во 59 минута од средбата. Интересен е фактот што Коман е роден во Париз, настапува за француската репрезентација и му пресуди токму на својот поранешен клуб за кој настапуваше во периодот 2013-2014 година, но не доби вистинска шанса со само три официјални настапи. Ова беше прво финале за париските „светци,“ а баварскиот гигант ја освои шестата титула во ова елитно натпреварување и така се израмни со Ливерпул на третата позиција по бројот на европски титули. Кога сме кај трофеите во ЛШ, второпласиран е Милан со седум, а убедливо на првата позиција на вечната листа води Реал Мадрид со 13 титули.