шампиони – Kurir.mk

Лас Вегас вторпат по ред шампион на женската НБА

Тале Кристо — Thu, 19 Oct 2023 06:40:06 +0000

Кошаркарките на Лас Вегас го победија тимот на Њујорк со 70:69 ноќеска во четвртиот натпревар од финалната серија на плејофот на ВНБА. Лас Вегас со вкупни 3:1 ја доби финалната серија. Најзаслужна за победата на гостинките беше Аја Вилсон кој постигна 24 поени и забележа 16 скока. Таа беше прогласена за МВП на финалето. Лас Вегас втора сезона по ред стана шампион на ВНБА.

Милвоки по втор пат ја освои шампионската титула во НБА

Тале Кристо — Wed, 21 Jul 2021 06:26:08 +0000

Екипата на Милвоки бакс рано утрово го победи Феникс санс на домашен терен со 105:98 и го освои шампионскиот трофеј во НБА-лигата. Најзаслужен за триумфот на Бакс во шестиот меч од финалната серија е Јанис Адетокунбо кој постигна 50 поени и 14 скока. Кај гостите најпродуктивни кошаркари беа Крис Пол со 26 и Девин Букер со 19 поени. Ова е прв трофеј за Милвоки по пауза од 50 години. Претходно тимот стана првак во 1971 година.

Близнаците Матео и Леа Ефтовски станаа државни шампиони во шах!

Магдалена Андонова — Tue, 29 Jun 2021 08:32:57 +0000

Близнаците Матео и Леа Ефтовски од клубот Алкалоид станаа државни шампиони во младинска конкуренција, за играчи на возраст до 18 години. Матео Ефтовски ја одбрани титулата што ја освои и минатата година, додека Леа немаше противкандидат во женска конкуренција и настапи на машкиот турнир како единствено девојче од вкупно 12 играчи. – Оваа година воедно и последна година за мене меѓу јуниорите. По трет пат го освоив првото место на државното првенство на Македонија до 18 години, но за разлика од претходната година имаше поголема конкуренција и јас не бев фаворит за освојување на титулата. Но откако го победив прворангираниот Андреј Велјановски и ремизирав со второрангираниот Михаил Јорданов, успеав да ја одбранам титулата и да заминам непоразен на шаховската табла на последниве 3 младински првенства. Направив 5 поена од 6 партии, односно извојував четири победи и два пати ремизирав. Мислам дека мојата победа беше најголемото изненадување во сите категории, бидејќи имам многу помалку рејтинг поени од Андреј и Михаил, но сепак им честитам за тешката неизвесна борба и одиграните квалитетни партии, вели Матео Ефтовски. Задовална од титулата е и Леа. – Ова е посебно драга година за мене, бидејќи и јас и брат ми во иста година успеавме да освоиме злато, во машка и женска категорија до 18 години. Бидејќи немаше пријавено други шахистки, морав да играм во машка конкуренција, каде што освоив 3 поена од 6 партии и завршив на седмото место. Навистина ми е жал што бројот на шахистки во повисоките категории е на минимум, но се надевам дека тоа во иднина ќе се смени,- рече Леа Ефтовска. Зад Матео во категоријата У18 на делба на второто и третото место беа Михаил Јорданов и Марјан Христовски, при што „среброто“ поради подобар дополнителен критериум – „бухолц“, му припадна на Јорданов кој исто така е дел од младинскиот погон на ШК Алкалоид. ШК Алкалоид имаше комплетна доминација во најтешките и најбројните категории, па на овој успех се надоврзаа златниот и бронзениот медал во категоријата У-16, каде што триумфираше Матеј Звездакоски пред Леонид Петрески, а трет беше Стојан Велкоски. Уште двајца младинци ја освоија титулата со бодовна предност: Во категоријата У-14 Антон Златков од „Центар“ победи пред „алкалоидовците“ Георг Фармакоски и Никола Павковски, а во категоријата У-10 Никола Петровски славеше пред Даниел Стефановски и Павел Крстевски, сите од „Гамбит“. Во другите категории имаше случаи титулата да се одлучува според дополнителни критериуми, предвидени за „тај брејк“. Така, Андреј Калин од „Центар“ беше изедначен со Кирил Николовски од „Алкалоид“ во У-12, додека трет беше Андреј Иванов од „Алкалоид“, а во У-08 Марко Зафиров од „Гамбит“ и Лука Симоновски од „Алкалоид“ имаа по 7 бода од 9 кола, додека Матеј Диванисов имаше 5 бода. На женските турнири имаше слаб одзив со три до пет учеснички, но и во такви услови беа прогласени младински првенки. Илијана Велева од ШК Прилеп со максимален резултат од 4 бода го освои првото место кај најмалите во У-08, пред Бојана Манчевска и Надалина Зимоски. Наде Смилевска од „Стево Патако“ со максимални 5 поени триумфираше во У-10 категорија пред Исидора Лукановска и Јована Котушевска. Делфина Огњановска стана првак во У-12 пред Емилија Лушеска и Ивана Велкоска, а нејзината колешка од „Гамбит“, Моника Жежовска, го освои турнирот во У-14 пред Јована Давиткова и Елена Лушеска. Во категоријата У-16 Михаела Зрмановска со максимални 4 бода стигна до златото пред Инџи Ајрадиновска и Теодора Велева. (МИА)

На денешен ден 1987-та Вардар стана шампион на Југославија!

Дарко Андоновски — Tue, 15 Jun 2021 10:16:35 +0000

Нема што многу да се кажува за значењето на славната 1987 година за Вардар, Скопје и Македонија таа сезона е со златни букви запишана во црвено – црната историја. Таа година Вардар беше на врвот на тогашната ЈУ- лига пред гигантите од т.н “голема четворка“, пред Валеж, Осиек, Ријека и другите кој завршија на пониски места на табелата од нашиот голем Вардар, кој беше таа година на врвот. Во овој текст ќе се обидеме да ви ја доловиме низ бројки, слики и видео таа шампионска година . Ова се сите мечеви на црвено- црните со датум на одигрување и резултати на полувреме/крај од истите во славната сезона 1986/87 , објавува страната Вардарфанс. Целиот текст и детални натпревари прочитајте ги ТУКА.

ВИДЕО: Лејкерси шампиони по 17-ти пат, Леброн Џејмс по четврти пат во кариерата МВП

Тале Кристо — Mon, 12 Oct 2020 09:18:25 +0000

ЛА Лејкерс се шампиони во НБА лигата, стигнаа до 17. трофеј во клупската историја и го израмнија рекордот на Бостон. Во финалната серија Лејкерси беа подобри од Мајами со 4-2 во победи, до титулата стигнаа со победата 106-93. Леброн Џејмс го освои четвртиот шампионски трофеј и беше избран за МВП на финалето, сега е втор на вечната листа според бројот на МВП титулите, пред него е само Мајкл Џордан со шест. На решавачкиот натревар, Леброн запиша 28 поени, додека Ентони Дејвис средбата ја заврши со 19 поени. Во поразената екипа се истакна Бам Адебајо со 25 поени. Извор: Дриблинг.мк

Ибрахимовиќ: Ако бев во Милано од почетокот на сезоната, ќе станавме шампиони

Тале Кристо — Wed, 08 Jul 2020 06:36:37 +0000

Шведскиот интернационалец во редовите на Милан, Златан Ибрахимовиќ, по синоќешната победа над Јувентус, смета дека, доколку бил во тимот од почетокот на сезоната, сега ќе беа на врвот. Ибрахимовиќ постигна еден гол во триумфот над Јуве со 4:2. – Јас сум стар, тоа не е тајна! Но, возраста е само број. Работам добро, добивам време за играње. Се чувствувам добро и да бидам искрен се трудам да му помогнам на тимот. Да бев тука од првиот ден во сезоната, ќе го освоивме Скудето, изјави Ибрахимовиќ. Триесет и осумгодишниот Швеѓанец во Милан дојде на почетокот од 2020 година, откако претходно од 2018 година настапуваше во САД за Лос Анџелес галакси.

„Идејата ни беше да направиме од Вардар шампион, некои нови ветришта направија се таа успешна приказна да згасне“

Тале Кристо — Sat, 16 May 2020 11:59:31 +0000

Вардар е синоним за спортот во Скопје. Од самиот почеток кога го спасивме од втора лига и го превзема Град Скопје идејата ни беше да направиме од Вардар шампион. Успесите и достигнувањата ги гледавме низ годините и сето тоа беше благодарение на приватниот партнер кој од Вардар направи препознатлив европски бренд. Некои нови ветришта во последниве години направија се таа успешна приказна да згасне, реагира поранешниот градоначалник на Град Скопје Коце Трајановски. Сакам да ви порачам дека Вардар е како пиреј, газете го, кошкајте го тој не умира. Ќе живее се додека не дојдат поубави времиња кога повторно ќе се врати на шампионските патеки, поречува Трајановски.

Атлетико триумфираше во Лига Европа

Дарко Андоновски — Thu, 17 May 2018 06:32:11 +0000

Атлетико Мадрид по трет пат во својата историја ја освои Лига Европа, откако синоќа во Лион го совлада Олимпик Марсеј со 3:0 во финалето на вториот по престиж турнир на Стариот континент. „Јорганџиите“ триумфираа повторно во трката по успесите во 2010 и 2012 година. Во голем херој за тимот од Мадрид се претвори Антоан Гризман. Французинот постигна два гола, додека капитенот Габи додаде уште еден. Атлетико повторно беше без својот тренер Диего Симеоне. Аргентинскиот специјалист е казнет по неговите жестоки реакции во првиот полуфинален натпревар против Арсенал и ги гледаше дуелите од ложата. Од друга страна, Марсеј губи трето финале во Европа по 1999 година од Парма (0:3) за Купот на УЕФА и 2004 година од Валенсија (0:2) на истиот турнир. Тие не успеаја да станат првиот француски победник на турнирот, додека „јорганџиите“ запишаа прва победа во Франција по 57 години и повторно триумфира на европската арена по два порази во финалето на Лигата на шампионите од градскиот ривал Реал.