Шанел – Kurir.mk

Камелијата како вечна тема на „Шанел“

Катерина Бојаџиева — Wed, 08 Mar 2023 08:28:35 +0000

Цвеќето камелија како вечна тема и можеби најсилната инспирација на модната куќа „Шанел“, беше главен мотив и на ревијата на последниот ден од Модната недела во Париз. Голема камелија „никна“ на модната писта, но и помали „цветаа“ на чевлите или како копчиња на фустаните од колекцијата на куќата за висока мода. Според модната куќа, камелијата смирува, има изразена мекост и дава сила. - Камелијата - таа веќе не е само тема, туку и вечен код на модната куќа, изјави уметничката директорка на „Шанел“, Виржини Вијар. Машкиот дел од колекцијата се одликува со ревери со засеци и цветни палта инспирирани од наметки во „Денди“ стил.

Необична луксузна „Шанел“ корпа за пазарење

Ивона Петрова — Fri, 13 Jan 2023 11:27:15 +0000

Модната куќа „Шанел“ во својата понуда има необична луксузна чанта за купување, во облик на корпа за в продавница, којашто чини над 46 и пол илјади евра. Со овие корпи, целта е зачувување на планетата. Оваа корпа за пазарење беше лансирана пред неколку години, а нејзината цена постојано се зголемува. Првично се нудеше за 8.324 до 11.561 евра – во зависност од големината, а денес еден примерок чини 46.588 евра. „Купувањето на овој производ ја продолжува приказната на ‘Шанел’ за намалување на влијанието врз животната средина со користење нови ресурси, за да можете да бидете сигурни дека правите нешто добро за планетава“, стои во описот на чантата. Изработена е со комбинација на кожа и сребро, а за целосно да личи на корпа за пазарење, има и две метални рачки на горниот дел.

ФОТО+ВИДЕО: Еве зошто вчерашниот настап на Шпанија остави најголем впечатокл

Ристе Здравков — Sun, 15 May 2022 15:24:32 +0000

Претставничката на Шпанија на „Евровизија“, огнената Шанел (30) во финалето настапи под реден број 10. Нејзината песна „SloMo“ важи за една од фаворитите на овогодинешното натпреварување, а нејзината изведба ги остави сите без текст. Шанел за оваа прилика подготви многу специфична кореографија, а нејзиното пеење на „Евровизија“ беше на висина на задачата. На сцената за време на нејзиниот настап се случи толку многу што беше тешко да се сфатат сите детали, а целата арена танцуваше и пееше со неа за време на настапот. Инаку, ова е нејзина прва песна. Таа има кубанско и шпанско потекло. Од 16-годишна возраст настапува во театарски мјузикли.

Осветлена луксузната експозитура: Спектакуларна прослава на 100 години „Шанел бр. 5“

Ивана Ефремовски — Fri, 03 Dec 2021 12:12:31 +0000

По повод 100-от роденден на „парфемот бр. 5“, луксузната модна компанија „Шанел“ ја осветли својата експозитура во Париз. Оваа експозитура беше отворена 2018 година на аголот на улиците „Дуфо“, „Сен Оноре“ и „Камбон“. Се наоѓа на само неколку чекори од првата продавница на „Шанел“, којашто започна со работа далечната 1910 година. Легендарниот парфем „Но. 5“ е симбол на креативната моќ на оваа компанија. Создаден е од Ернест Бо, за Габриеле „Коко“ Шанел. Податоците говорат дека на секои 30 секунди во светот се продава по едно шише од овој парфем. Покрај „бројот 5“, минувачите можеа да ги видат и ѕвездите, кои се додадени бидејќи Габриеле била фасцинирана од Вселената.