шапка – Kurir.mk

На кое место во Македонија е најстудено и каде има најмногу додж?

Ивана Ефремовски — Sun, 20 Nov 2022 08:15:54 +0000

На Попова Шапка утрово е најстудено, четири степени, а максимални 19 степени се измерени во Струмица. Според УХМР, на Попова Шапка се измерени и најмногу врнежи, во изминатите 24 часа вкупно 14 литри на метар квадратен. До 8:30 часот утрово температурата е седум степени во Лазарополе, 8 во Маврови Анови, 9 во Крушево, 10 во Претор, 12 во Тетово, Охрид, Битола, Прилеп и Куманово, 13 во Скопје Зајчев Рид и Дебар, 14 во Гевгелија и Берово, 16 во Крива Паланка, Виница и Дојран, 17 во Скопје-Петровец и Штип, како и 18 степени во Демир Капија. Најмалку врнежи изминатите 24 часа имало во Охрид, два литра на метар квадратен. Измерени се и 12 литри во Пожаране и Маврови Анови, 11 во Лазарополе, 10 во Тетово, 7 во Претор, 6 во Прилеп, 4 во Битола и Крушево, како и 3 литри во Скопје-Зајчев Рид и Дебар. Времето денеска ќе биде облачно со врнежи од дожд, кои попладне и во текот на ноќта на повеќе места ќе бидат обилни (над 25 л/м2 за 24 часа). Локално ќе биде нестабилно со поинтензивен пороен дожд и грмежи (над 30 л/м2 за 12 часа). Повремено ќе дува засилен ветер од јужен правец (над 60 км/час). Максималната температура нема многу да се разликува од утринската и ќе биде во интервал од 13 до 19 степени. Во Скопје облачно со врнежи од дожд, кои попладне и во текот на ноќта ќе бидат пообилни и поројни. Ќе дува умерен, повремено засилен југоисточен ветер, особено претпладне. Максималната температура ќе биде околу 17 степени.

Стоилковски: Еве прилика за популистите Заев и Ахмети, по примерот на „Мавровка“, да ги упатат багерите нека срушат и на Шапка

Ивана Ефремовски — Sat, 05 Sep 2020 08:24:51 +0000

Заев и Ахмети рушат дивоградби ама селективно и на диво! Зборовите мафија и власт во Македонија се синоними и означуваат едно исто - криминал! Едните градат на диво, другите на диво легализираат, ама ако бидат фатени од јавноста - се руши! И тоа на диво! Кримитеатарот е премногу евтин, порачува портпаролот на ВМРО-ДПМНЕ, Наум Стоилковски. Во продолжение следува интегрален текст од неговата прес-конференција Ако навистина се за почитување на ред и закони, еве сега нека дојдат тука, на Попова Шапка! Зад мене порасна цело едно село, ама никој не смее да мрдне! Владее градежна анархија среде туристички зимски скијачки центар. Околу 80 објекти се градат на државно земјиште, среде она што треба да биде национален парк, а никој не ги руши, ниту пак одговара за тоа! Општината Тетово и градоначалничката Теута Арифи, СВР Тетово, Јавното обвинителство, Државниот инспекторат за урбанизам и градежништво, министерството за транспорт и врски - никој не реагира, иако граѓаните се здружија и бараат реакција! Еве прилика за популистите Зоран Заев и Али Ахмети, по примерот на „Мавровка“, да ги упатат багерите тука зад мене! Ама нема да изреагираат ниту Ахмети, ниту Заев - тие реагираат само ако се загрозени бизнисите и се откријат лица, градоначалници и други од власта кои што на пример издале документи за легализација или за постапки какви што законски не смееле! „Мавровка“ во Скопје го покажува тоа дека постои голема веројатност целиот евтин кримитеатар да сопре постапка во која што треба да одговараат градоначалници и други вмешани за злоупотреба и за туркање бесправна легализација! Рушат на диво онака како што е и изградено - на диво! Без ингеренции од општината и елаборати за рушење! Ако веќе рушат, еве нека рушат и кај касарната во Илинден, нека срушат и тука на Шапка, и во Охрид кај советникот Нефи и многу други диви изградени објекти пред очите на Зоран Заев и на Али Ахмети! Зад рушењето на „Мавровка“ стојат огромни отворени прашања, дали и како е отсечено парче од градежната парцела на „Мавровка“. Дали и како е направена приватизација на земјиште на кое што имало маси и столици, односно урбана опрема. Градоначалниците на Чаир, ама и на Скопје Шилегов треба да одговори како се спроведувала легализацијата ако времени објекти настрешници не се предмет на приватизација. Понатаму, главното, врз каков документ и надлежност Владата, централната власт руши објект - дивоградба ниту има преземено надлежност од локалната власт, ниту има елаборат за рушење. Притоа секој еден знае дека просторот при вакви зафати мора да е обезбеден но тука станува збор за едно за евтин театар и тоа криминален. Јавноста мора да знае кој се е замешан, и како и дали се издадени документите лани во декември за плаќање на надоместот за легализација на објектот кај „Мавровка“ кој што сега се руши. Заев дебело загазил во криминал и во евтин кримитеатар, кој што нема да ја сопре вистината за „Мавровка“.

Укината забраната за Плетвар, нормализиран сообраќајот кон Шапка

Ивона Петрова — Thu, 06 Feb 2020 07:46:45 +0000

Од 07:55ч на патниот правец Прилеп – Кавадарци преку планинскиот превој Плетвар задолжителна е употреба на зимска опрема за тешките товарни возила. За останатите видови на возила сообраќајот се одвива непречено во зимски услови. На 06.02. 2020 г.од 08:15 ч. сообраќајот на регионалниот пат „Тетово-Попова шапка“, кој поради наноси од снег од с.Лисец-Попова Шапка беше во прекин во двата правци, е целосно е нормализиран. На патниот правец Тетово – г.п.Јажинце е задолжителна употреба на зимска опрема за сите видови возила. Од 07:55ч на патниот правец Делчево – г.п. Делчево се воведува задолжителна употреба на зимска опрема ( синџири ) за тешките товарни возила. Сообраќајот на државните патишта се одвива по влажни коловози, наместа со остатоци од кашест снег по интервенцијата на дежурните екипи на ЈП МакедонијаПат. Во западниот дел од државата провејува слаб снег.

На Попова Шапка минус 15 степени, Маврово со 56 сантиметри снежна покривка

Ивана Ефремовски — Fri, 04 Jan 2019 07:02:00 +0000

Минус 15 степени се измерени изутринава на Попова Шапка, а минус 12 во Маврово и Крушево. Температури под нулата има во сите населени места во Македонија, информира УХМР. Снежната покривка во Маврови Анови изнесува 56 сантиметри, 26 во Крушево, 24 во Битола, 17 во Тополчани, 11 во Пожаране, 10 во Берово, осум во Лазарополе… Според прогнозата на УХМР, времето денеска ќе биде променливо облачно и студено со умерен, повремено засилен северен ветер. Во повеќе места повремено ќе провејува снег, а во јужните делови врнежите ќе бидат со слаб до умерен интензитет. Максималната температура ќе биде во интервал од -6 до 1 степен. Во Скопје, претежно облачно со услови за провејување на снег. Ќе дува умерен, околу пладне засилен ветер од северен правец. Максималната температура ќе достигне до -1 степен. Под влијание на многу студена воздушна маса, следува период на променливо и студено време со температури кои на повеќе места преку целиот ден ќе се задржат под нула. Повремен слаб снег ќе има и во недела, а во првите два дена од следната недела ќе биде сончево со умерена облачност, но и натаму ќе биде студено.