шарена револуција – Kurir.mk

Мицкоски: Од лавовите на шарената револуција не останаа ниту мали мачиња, барем да бекнеа за тоа што се случува

Тале Кристо — Thu, 19 Oct 2023 11:49:09 +0000

Најпрвин правеа спектакли и естрадни атракции кога им упаѓаа на луѓето дома, кога со качулки на главите, со лисици на рацете ги изнесуваа ги носеа и потоа од сам старт без да ја почитуваат презумцијата на невиност ги обвинуваа дека се криминалци, дел заслужено, дел незаслужено. Од тие кои едно време беа шарени револуционери и кои што скандираа „Нема правда нема мир“, денеска од тие големи лавови и херои гледате дека не останаа ниту мали мачиња барем да бекнеа, да гукнеа нешто за ова што се случува, истакна претседателот на ВМРО-ДПМНЕ, Христијан Мицкоски за време на посетата на Општина Зелениково во рамки на кампањата „Важно е! Од тебе зависат промените!“, одговарајќи на новинарско прашање околу прекинот на дузина судски предмети. „Навистина трагично е тоа што ваквиот начин каде што се имплементира политичка неказнивост, но истовремено се обезбедува идна амнестија за сторените кривични дела изминативе 6 години го разочарува народот, го демотивира народот и затоа денеска ние сме сведоци на цели семејства коишто ја напуштаат Македонија затоа што се разочарани и обесхрабрени затоа што немаат надеж“, додаде Мицкоски. Мицкоски исто така вети дека во првите 100 дена откако ВМРО-ДПМНЕ ќе формира влада вавоста ќе види јасно што значи резолунтна и робусна борба и искоренување на криминалот и политичката корупција. „Мора веднаш да се влезе во агресивно и робусно во борба со ваквиот тип на сторители за коишто постои основано сомневање за сторено кривично дело, бидејќи некако ни стана нас пракса да постои неказнивост, а таа пракса лоша е и за државата, а најмногу е лоша за граѓаните бидејќи ги разочарува“, потенцираше Мицкоски.

По објавата на Мицкоски за ново мнозинство, се разбуди „Шарената револуција“?!

Ристе Здравков — Fri, 05 Nov 2021 20:02:20 +0000

Откако лидерот на ВМРО-ДПМНЕ, Христијан Мицкоски објави дека ги имаат потребните потписи за ново парламентарно мнозинство, се огласи граѓанскиот активист и поранешен пратеник, Павле Богоевски. Тој кратко прокоментира дека „борбата продолжува“ -Пак ќе ве бутнеме, (не)драги националистчиња. Борбата продолжува, друштво!!!, стои во објавата. Христијан Мицкоски објави фотографија, на која може да се види дека кон досега опозицискиот блок се приклучува и Беса, со тројца пратеници.

Јовановиќ: Наредни избори СДСМ ќе изгуби поради тоа што не исполни ништо што вети на Шарена револуција, а ВМРО-ДПМНЕ ќе се врати

Катерина Бојаџиева — Thu, 15 Apr 2021 18:45:27 +0000

Сите работи за кои што се залагавме за време на протестите како да се заборавија одеднаш откако се дојде на власт. Тоа е најголемата грешка на сегашната власт, односно на Заев. Тој не се посвети на решавање на проблемите кои што ги истакнувавме со години наназад, истакна Бранимир Јовановиќ за „Вин вин“. Јовановиќ додаде дека Заев откако е на власт ниту еднаш не обрна внимание на домашните проблеми, и заборави се што има ветено пред учесниците на Шарена Револуција. „Тоа е најголемиот проблем со оваа Влада. И поради тоа денес има големо незадоволство. Оваа власт ништо не стори корисно за државата, пример за тоа е и образовната реформа. Според мене таа реформа не е многу лоша, но не може да помине за тоа што луѓето веќе не им веруваат во ништо. Кога ќе видат било каква реформа и предлог за промена луѓето го плукаат и велат нема шанси тоа да го направите вие само глупости правите“, појасни Јовановиќ. Јовановиќ посочи дека власта ја пропушти шансата да направи нешто култно и суштинско, и поради тоа тој е револтиран. А, наредните избори СДСМ ќе ги изгуби и ВМРО-ДПМНЕ ќе победи.

СДСМ смета дека нивната Влада остана доследна во почитувањето на барањата на „Шарената револуција“, но дали активистите мислат така?

Катерина Бојаџиева — Mon, 12 Apr 2021 14:13:36 +0000

„Шарената револуција“ донесе огромни промени на македонската политичка и општествена сцена. Со „Шарената револуција“ илјадници граѓани во речиси сите градови низ државата си ја спасија државата од канџите на режимот на ВМРО-ДПМНЕ, донесоа слобода и демократија кои денес се почитуваат и унапредуваат во континуитет, велат од СДСМ. Според СДСМ, сегашната опозиција 11 години ја држеше државата заробена во режим, криминал, корупција и селективна правда. -Политиките на Владата предводена од СДСМ, од 2017 година па се до денес, останаа доследни во почитувањето на барањата и заложбите на „Шарената револуција“. Денес, предметите за висока корупција и организиран криминал се живи и тие добиваат и ќе добиваат судски разрешници, се случуваат сериозни реформи во судството, институциите се транспарентни, професионални и секогаш во служба на граѓаните. Процесот за унапредување на човековите права и слободи, за градење еднакво општество продолжуваат во континуитет како врвна заложба на СДСМ. Тоа се огромни суштински разлики помеѓу режимот на ВМРО-ДПМНЕ и Владата предводена од СДСМ и јасно е дека тоа е несфатливо за ВМРО-ДПМНЕ, оваа партија знае само за режим, знае само да брани криминал и да шири лажни вести, велат од СДСМ. Но, токму Шарената револуција до сега во неколку наврати изрази разочарување од СДСМ. Самите активисти, Шарената револуција ја нарекоа „попарена“ и посочуваа дека власта не може да донесе правда во државата. Подвлекуваа и дека Заев не само што заборавил што тие направиле за тој да дојде на власт, туку и целосно се дистанцирал од поранешните соборци. Како што тие велеа, Заев дури и си ги припишал заслугите за тоа што СДСМ дошол на власт, иако било јасно дека тој само неколкупати се појавил на протестите, додека членовите на „Шарената револуција“ секојдневно биле на улиците.

Пет години пропаднат сон за правда: Како се силуваше Шарена револуција?

Тале Кристо — Mon, 12 Apr 2021 12:16:22 +0000

Како се силуваше Шарена револуција. Протестните движења тие години беа многу живи. Вечерта кога Џорџе потпишуваше аболиции граѓански бунт се излеа на улицата пред Канцеларијата на Џорџе. Спонтан, неорганизиран, ненарачан бунт. Следниот ден продолжи, а џандарскиот одговор беше тепање и приведување, пишува на социјалната мрежа на Фејсбук Симона Спировска учесник и еден од предводниците на Шарена револуција. Протестите кои се случуваа тие денови прераснаа во Шарена револуција. До тука е убава приказната, вели таа во својата објава и продолжува: „После почнавме да ѝ се наебуваме мајке. И тоа трае до ден денес. Сите ѝ ебавме мајке од различна страна. Едни ја посипуваат со пепел, ко самото движење да е виновно што имаме работа со глуперди, други пробуваат да профитираат дур уште се може, па макар била тоа и ФБ страна, третите ги спржија по партиските ходници, а четвртите... епа четврти се некои нови кои тогаш не беа. И така движењето што сакавме да трае го силуваат сите. И секогаш движењето е виновно, за сѐ. Вклучително и за силувањето“.

Има паушал, има правда, има мир: За Замир Мехмети месечно по 62.000 денари, каде се другите Шарени револуционери?

Ивана Ефремовски — Sat, 07 Nov 2020 12:18:25 +0000

Замир Мехмети, еден од најактивните припадници на Шарената револуција, од Зоран Заев и СДСМ беше награден со висока функција. Додека останатите учесници во Шарената револуција останаа само изманипулирани од тогашната опозиција да дојде на власт, денес СДСМ најпослушните богати ги наградува. Тој е член во одборот на директори на Македонски телеком, за што си добил надоместок од 62.000 денари. Кога Мехмети и останатите челници на Шарената револуција викаа „Нема правда, нема мир“, најверојатно мислеле „Нема пари за нас, нема мир“. Сега кога земаат големи суми на пари, не ги гледаме да бараат правда додека државата ни тоне во сите сфери.

Боки 13 си кажа: Бев поддржувач на СДСМ и Шарената „револуција“

Љупчо Цветаноски — Thu, 23 Jul 2020 10:00:56 +0000

Меѓународниот сојуз е невладина, а не хуманитарна организација под капата на Европската Унија. Останатите обвинети се обвинети заради мене, истакна во своето воведно обраќање обвинетиот Бојан Јовановски на денешното рочиште откако судијката го опомена да не говори повеќе од 30 минути. Боки 13, призна дека тоа време бил симпатизер на СДСМ и на Шарената револуција. Сега истакна дека ова судење е забава за народот и праша каде е обвинителката Вилма Рускоска. -Ќе речете таа има полномошно, но тоа е исто како јас да го пратам затворскиот цимер - и се обрати Боки со судијката Софче Ефремова Гаврилова.

Заев се правда, бил ли под дејство на алкохол кога ги кудел шарените: „После два часа седење во кафеана, се случуваат грешки“

Љупчо Цветаноски — Thu, 02 Jul 2020 12:31:24 +0000

На денешната прес-конференција на лидерот на СДСМ Зоран Заев, на новинарско прашање околу последната „бомба“ каде што испраќа навреди кон учесниците во „Шарената револуција“, одговори дека погрешил, и дека се извинил за неговиот потег. „Секако после два часа и 17 минути седење во кафеана на слободен разговор се случуваат грешки. Сум знаел секогаш да се коригирам и овој пат се коригирам заради тоа што ниту сум го мислел тоа, ниту еве времето покажа дека сум имал некои непријатности во работењето. Јас сум таков човек што се извинувам, и јас им се извинив на сите од Шарената револуција на мојот профил на „Фејсбук“, и тие го прочитаа тоа“, се правдаше денеска Заев. Секој нормален под „После два часа и 17 минути седење во кафеана, се случуваат грешки“, подразбира дека Заев бил под дејство на алкохол т.е. пијан кога го кажал тоа за шутите и рогатите и фактот дека ќе им ја е.ел мајката на истите. Сите знаат што се случува и зошто се оди во кафеана, а дефинитивно таму не се читаат книги или решаваат математички задачи. Во тој разговор се слуша гласот на Зоран Заев, во кој вели дека ќе соберел и шарени, и шуто и рогато и после „мамата ќе им ја ебел” на цела коалиција, а потоа се осврнува и на владиката Наум кој ќе ги помирувал со Сашо Мијалков. Сега на потег се „шарените“, од кои голем дел се разоШарани од дејанијата на Заев, да му простат или не на лидерот кој за остатокот на светот ја „откри Америка“ кога претходно кажа дека Шарената „револуција“ била под негова целосна контрола, за да потоа ги собере ко шути и рогати и за на крај да им ја е.е мајката во коалиција. Тоа беше јавна тајна за сите, освен за шарените кои со разочарување по цели 4 години сфатија дека одработиле за некого, кој како што сам вели „им ја е.ал мајката“. До сега, шареноликите квазиреволуционери молчеа, преќутувајќи ги навредите на својот лидер. Можеби затоа што поголемиот дел од нив се вработија во Влада, Вила Водно, Собрание и други јавни институции...

Молк од „шарените„ по навредата од Заев за “се шуто и рогато”

Ивона Петрова — Wed, 01 Jul 2020 11:08:20 +0000

Дали ова се шутото, рогатото, и онаа Шарена револуција која Заев планирал да ја пушти низ вода? Во последните аудио материјали лидерот на СДСМ, Заев со пцости и погрдни зборови зборува за Шарената револуција, ама денеска молчат речиси сите „шарени“ кои по протестите и доаѓањето на власт на партијата на Заев седнаа во пратенички или други функционерски фотељи, јавува Алфа. Па така вчера на пораките на Алфа за последните бомби не одговараа ниту пратеничката Туфегџиќ, ниту инфлуенсерот и влијателен меѓу „шарените Влатко Васиљ. Се изјасни екс пратеникот Павле Богоевски, со статус во одбрана на Заев. Оние кои до крај останале верни на борбата за правда и се незадоволни што оваа власт ја вети а не ја гледаме, реагираа жестоко. Да бидам искрен, свесен бев и самиот дека влегувам во протести организирани од СДСМ и некои невладини организации,јас,но и ние како Левица тогаш имавме намера да заземеме позиција во рамки на тоа движење и да не го пропуштиме истото на СДСМ, вели за Алфа , Маргилен Демири – граѓански активист И професорот Апасиев, кој остана да се бори за правдата преку неговата „Левица“ надвор од шарената коалиција како што ја нарекува Заев, реагираше: Павленце, Туфекџиќ, Бранче Акциза и остала учипена багра….Како се осечате сеа бе? Заев вчера рече дека лошо се изразил во бобмата ама не им се извини на оние што го донесоа на власт. З.З: Шарена револуција 4.8% XX:Која шарена револуција, тие не се партија бе. Да се формираат како партија тие … Зоран Заев: Не може да се формираат јас го регистрирав тоа, кај ќе се формираат XX:Како ти го регистрира, З.3: Па го регистрирав, шарена коалицијата ќе биде кога ќе излеземе XX:Шарена коалиција а? Зоран Заев: Се ќе соберам на купче и шуто и рогато. Све XX:И после ќе ги пуштиш низ вода З.З: После мамето ќе им го …, сите што ќе влезат кај мене во коалиција Едно на терен а друго во бомбите. Заев меѓу толпата се нарекуваше себе си дури и хулиган кој фарбајќи ги институциите демонстрираше максимална поддршка за „шарените“, но лично имал друг план. Барем така вели во последната бомба. Ова денеска како перформанс на сите нас хулиганите и хулиганките, составен дел на оваа шарена револуција, беше чин на солидарност…викаше тогаш Зоран Заев (26.05.2016) Во втората бомба објавена вчера Заев за владиката Наум вели дека бил премачкан со сите бои. До овој момент нема реакција од владиката,ниту пак е достапен на неговиот мобилен телефон.

Мајтап: Црн ден за шарените револуционери! (ВИДЕО)

Ивана Ефремовски — Thu, 04 Jun 2020 10:35:25 +0000

Фесбук групата Мајтап објави пародија видео наречено „Црн ден за шарените револуционери“. Во него, меѓу другото, се зборува и за соблекувањето на Катица Јанева. „Шарениве револуционери урлаа 3-4 месеци низ Скопје, глумеa лудило за на крај место правда, Катица да им се соблече по долен веш во Завод за ревизија“! Погледнете: