шарунас јасикевичиус – Kurir.mk

Шарунас Јасикевичиус прифати помала плата за да остане во Барселона

Бошко Тасиќ — Fri, 02 Jun 2023 06:02:39 +0000

Тренерот на Барселона, Шарунас Јасикевичиус прифати значително да ја намали својата плата за да остане во редовите на каталонскиот кошаркарски клуб. Литванецот моментално заработува околу 3,5 милиони евра бруто плата што изнесува околу 2 милиони евра нето после оданочување. „Мудро депортиво“ пренесува дека Јасикевичиус прифатил да работи и за 80 отсто помала плата. Тој зад себе има три неуспешни Фајнал фор турнири и една освоена титула во шпанската лига.

Шарунас Јасикевичиус заминува од Барселона

Бошко Тасиќ — Sat, 20 May 2023 04:53:29 +0000

Тренеот на Барселона, Шарунас Јасикевичиус изјави што му недостигало на неговиот тим против Реал Мадрид. Каталонците беа поразени од „кралскиот клуб“ со 78-66 во полуфиналето на Евролигата, а веќе на големо се зборува за смена на младиот тренер, кој со Барса беше европски првак како кошаркар. „Не игравме тимски, бевме крајно нервозни. Во вакви моменти тренерот презема одговорност. Требаше да донесеме различни одлуки, како што кажав, одговорноста е моја“, изјави литванскиот стручњак. Во каталонските медиуми веќе се пишува за враќање на Хавиер Пасквал на крајот на сезоната, иако Шарас има уште една година од договорот. Барселона в недела ќе се сретне со Монако за третото место, додека Реал и Олимпијакос подоцна истиот ден ќе се борат за трофејот европски шампион.

Јасикевичиус пред отказ од Барселона

Бошко Тасиќ — Fri, 24 Feb 2023 05:53:49 +0000

Кошаркарскиот клуб Барселона му постави ултиматум на тренерот Шарунас Јасикевичиус. Литванецот и следната сезона ќе го води тимот од Каталонија само доколку Барселона оваа сезона ја освои Евролигата. Како што стојат работите во моментов, добро играат во регуларниот дел од сезоната , но се чека завршницата од оваа натпреварување. Факт е дека Барселона моментално е трета на континенталното натпреварување и дека има играчи способни да го освојат, но е далеку од тоа. Тоа го покажува и неодамна завршениот Куп на кралот, каде што Барселона во четврт-финалето беше елиминирана од Уникаха, која на крајот се закити со вториот шампионски трофеј.

Јасикевичиус одби нов договор од Барселона

Бошко Тасиќ — Sun, 26 Jun 2022 19:55:28 +0000

Литванскиот тренер Шарунас Јасикевичиус одбил да го продолжи договорот со Барселона, пишува „Мундо Депортиво“ и веројатно ќе остане уште само една година на кормилото на Каталонците. Тренерот не сака да прифати нов договор со помала плата, а актуелниот му истекува во 2023 година. Јасикевичиус е во Барселона од 2020 година, а во првата сезона го однесе тимот до финалето на Евролигата во кое се загуби од Ефес, но се освои Ендеса лигата и Купот на Кралот. Во оваа сезона Барса стана освојувач во Купот, но доживеа пораз од Реал Мадрид во финалето на лигата.

Тренерот на Барселона ја именува ЦСКА за фаворит во Евролигата

Ивона Петрова — Thu, 01 Oct 2020 06:10:40 +0000

Тренерот на Барселона, Шарунас Јасикевичиус ја нарече ЦСКА фаворит во Евролигата во пресрет на мечот против црвено-сините во првото коло од шампионатот. – Ако зборуваме за фаворити, тогаш сè е како вообичаено. Мора да ја започнеме сезоната против актуелниот шампион, ЦСКА. Овој тим секогаш мора да се почитува. Следен на списокот е Анадолу Ефес, кој водеше во регуларниот дел од сезоната, додека минатата сезона не беше запрена поради пандемијата. По нив следуваат Реал Мадрид и Милано, истакна Јасикевичиус. Натпреварот Барселона – ЦСКА е закажан за вечер со почеток во 21 часот.

Јасикевичиус нов тренер на Барселона

Ивона Петрова — Thu, 02 Jul 2020 11:20:38 +0000

Шпанскиот кошаркарски великан, Барселона, денес го назначи Шарунас Јасикевичиус, за нов главен тренер на тимот. Четириесет и четиригодишниот литвански стручњак, порано го предводеше Жалгирис. Јасикевичиус во каталонскиот клуб ќе го наследи Светислав Пешиќ, кој беше разрешен откако загуби од Баскија, во мечот за птитулата во шпанскиот шампионат. Литванецот потпиша договор на три години. Јасикевичиус работеше во Жалгирис од 2016 година. Со него, клубот за прв пат во 21 век стигна до фајналфор од Евролигата во сезоната 2017/18. Литванецот играше за Барселона кога беше кошаркар од 2000 до 2003 година и од 2012 до 2013 година. Во 2003 година со Каталонците ја освои Евролигата.

МНОГУ ПОВЕЌЕ ОД ИГРА: Жалгирис се пласираше на Ф-4 во Евролига, легендарниот Јасикевичиус не можеше да ги сопре солзите (ВИДЕО)

Матеја Петровски — Thu, 26 Apr 2018 21:41:47 +0000

После долги години литвански Жалгирис успеа да се пласира на Ф-4 од Евролигата, овој момент беше емотивен за сите фанови, но посебно емотивен за една од најголемите легенди на европската кошарка. Жалгирис со 101:91 победи денеска против Олимпијакос и со конечни 2:1 успеа да се врати во кремот на европската кошарка. Шарунас Јасикевичиус, еден од најлегендарните кошаркари во историјата, а денес тренер на Жалгирис, овој момент го виде доста емотивно и не можеше да ги сопре солзите. Погледнете го ова видео, кое уште еднаш докажува дека спортот е многу повеќе само од игра.