шеф – Kurir.mk

Шефот на ЦЕНТКОМ во посета на Израел

Тале Кристо — Tue, 17 Oct 2023 07:38:52 +0000

Шефот на американската Централна команда (ЦЕНТКОМ), генерал Мајкл Курила денеска пристигна во Израел на средба со израелските одбранбени претставници, бидејќи продолжува војната против Хамас во Појасот Газа и се зголемуваат тензиите во северниот дел на земјата на границата со Либан. Предвидено е генерал Курила да се сретне со началникот на израелскиот Генералштаб, потполковник Херзи Халеви, министерот за одбрана Јоав Галант и други официјални претставници за да дознае „кои се барањата на Израел за одбрана, да ги нагласи напорите и поддршката на САД за да се избегне ширењето на конфликтот и ја повтори поддршка на Министерството за одбрана за Израел“. - Тука сум за да се осигурам дека Израел го има она што му треба да се брани и особено сум фокусиран на избегнување на другите страни да го прошират конфликтот, наведе Курила. Тој пристигна во Израел во време кога израелските сили, со поддршка на американски воени бродови, се распоредени долж границата на Појасот Газа пред очекуваната офанзива од копно, море и воздух со цел да се уништи Хамас. Во војната, најсмртоносна од петte војни во Појасот Газа, загинаа повеќе од 4.150 луѓе, најмалку 2.750 Палестинци и повеќе од 1.400 Израелци.

Се пријавила за работа во бутик, па доживеала шок: Шефот по грешка и пратил нешто ШТО НИКОЈ НЕ СМЕЕ ДА ГО ВИДИ! (ВИДЕО)

Магдалена Андонова — Sun, 11 Jul 2021 16:05:46 +0000

Општо е познато дека за одредени работни места, работодавците бараат девојчето да има одреден изглед. Меѓутоа, кога Грејси Лоренц аплицирала за работа во фирма која наводно треба да инспирира убавина и да ја подигне самодовербата, таа не очекувала дека ќе добие понижувачка е-пошта од нејзиниот шеф. Наместо на неговата сопруга, тој по грешка и испратил е-пошта на Грејс: - Оваа девојка штотуку заврши факултет и воопшто не е слатка. Дали си сигурна дека сакаш воопшто да ја повикам на интервју - ја праша неговата сопруга, сопственичката Лори Ланген Дегрендел. Дури и Лори се извини во солзи, но секако тие навистина немаа објаснување зошто се случило сето ова. Тој направи грешка и сега ја призна грешката, рече во солзи Лори на видеото објавено на Фејсбук. - Ја испратив оваа е-пошта до Лори, не знам зошто го напишав тоа што го напишав, но страшно ми е жал, рече Чак.

@ggggmoneyyyy:))))) feeling amazing ##greenscreen ##foryou ##foryourpage ##CompleteMyLook ##FriendsReunion ##rentfree ♬ original sound - gracie

Не ја преминувајте границата: Овие знаци ви кажуваат дека сте станале премногу блиски со шефот

Ивана Ефремовски — Tue, 04 May 2021 14:54:41 +0000

Формирањето силна врска и блискост со колегите може да ви го подобри животот на работното место. Меѓутоа, кога формирате тесна врска со ваш претпоставен, односно со шефот, таа врска може повеќе да ви наштети отколку да ви помогне, гледано долгорочно. Психологот Кејти Сноувајз советува да ги разгледате овие знаци и да утврдите дали вашата врска со шефот станала премногу блиска, со цел да си ја спасите работата, професионалноста и личното психичко здравје. 1. Веќе не добивате конструктивни критики за вашата работа Кога ќе станете премногу блиски со шефот, престанува да ви дава конструктивни критики за начинот на кој работите што ќе доведе до назадување на вашите способности, а него го ставате во незавидна положба пред неговиот претпоставен кога треба да ве „брани“ за лошо завршената работа. 2. Се чувствувате како миленичето на учителката во основно Ова е обично првиот знак. Откако ќе станете блиски пријатели, вие ги добивате сите пофалби, сите добри задачи, најдоброто место во канцеларијата. Ова е спирала што продолжува надолу во очите на вашите колеги, иако ви се чини дека ви е супер. Заслужете ги привилегиите во однос на вашите колеги. 3. Приватни шеги Кога со некого се дружите доволно долго време почнувате да развивате свој јазик и систем на шеги со кои се разбирате и функционирате. Речиси е невозможно да го прекинете тоа кога ќе стигнете на работа, па повторно колегите ве гледаат попреку бидејќи вие се разбирате со шефот со поглед и сметаат дека вие имате предност што нема врска со вашата способност. 4. Средбите ви се приватни, не деловни Повторно се враќаме на последиците по вашата професионалност и способност. Ако вие двајца се гледате повеќе како пријатели отколку како колеги, вашата работа ќе трпи најмногу бидејќи никогаш нема да ви биде завршена. 5. Почнувате да му се обраќате како на другар, не како на шеф Покрај приватните шеги, уште понепрофесионално е кога ќе му се обратите на шефот без должна почит како кон претпоставен, особено пред другите колеги. Исто така, си дозволувате да спомнете лични работи што ви биле кажани приватно, во работната средина. Ако успеете да се контролирате и не дозволите вашето пријателство да се одразува на работата, дружете се, но мислете и на себе и својата кариера.

Овие реченици никогаш не треба да ги изговорите пред вашиот шеф!

Ивана Ефремовски — Fri, 26 Feb 2021 21:18:02 +0000

Колку и да сте добри со вашиот шеф, дури и во моменти кога сте поопуштени со него внимавајте што зборувате. Еве кои речениците никако не смеете да ги кажете пред шефот: Не сум тимски играч Ниеден шеф не сака ова да го чуе, особено што на тој начин побрзо се извршуваат задачите. Не ме плаќате за ова Ако вашот шеф ви даде да сработотите нешто надвор од вашиот дел, никогаш немојте да ја кажувате оваа реченица. Не можам ова да го направам Дури и ако вие се прашувате повторно не го изговарајте ова. Ќе дадам отказ доколку не ми излезете во пресрет На шефот нема да му се допаднат заканите. Морате да ме унапредите Никогаш не е добра идеа вие да му кажувате на шефот што мора да направи. Колку и да сте добри со вашиот шеф, дури и во моменти кога сте поопуштени со шефот внимавајте што зборувате.

Скопјанка била во врска со шефот, па три години трпела закани и уцени

Ивана Ефремовски — Tue, 09 Feb 2021 15:22:16 +0000

На 08.02.2021 година во 14:40 часот во СВР Скопје, 32-годишна жена од Скопје, пријавила дека во временскиот период од 2018 година до 16.01.2021 од страна на 59-годишен маж, кој и бил претпоставен на работа и со кого неколку месеци била во љубовна врска, ја вознемирувал и ја уценувал. Се преземаат мерки за расчистување на случајот.

Лиза Монако назначена за привремен шеф на внатрешната безбедност на САД

Тале Кристо — Fri, 15 Jan 2021 06:49:36 +0000

Новоизбраниот американски претседател Џозеф Бајден побара од Лиза Монако, неговиот кандидат за заменик државен обвинител и советник за борба против тероризмот на поранешниот претседател Барак Обама, да биде привремен советник за внатрешна безбедност. Веста во пресрет на претстојната инаугурација на Бајден ја соопшти портпаролот на транзицискиот тим на Бајден, пренесуваат британските медиуми. -Г-ѓа Монако ќе му помогне на избраниот претседател и ќе работи со идниот советник за национална безбедност, идниот советник за внатрешна безбедност и сегашните службеници за безбедност и за спроведување на законот, вклучително и тајната служба на САД во нивните планови за инаугурацијата, изјави портпаролката.

Унгарскиот министер за внатрешни работи поставен за шеф на Генералниот директорат на националните болници

Тале Кристо — Thu, 26 Nov 2020 07:21:09 +0000

Унгарската влада вчера донесе уредба со која министерот за внатрешни работи Шандор Пинтер го нанзачи на чело на новоформираниот Генерален директорат на националните болници. Во согласност со уредбата Пинтер ќе биде одговорен за управување и надзор со работата на ова оперативно тело за координирање на одговорот на епидемијата на коронавирусот и ќе предлага организациски и оперативни правила за работа што мора да бидат одобрени од премиерот Виктор Орбан, јави МТИ. Унгарскиот премиер, исто така, со уредбата го назначи Золтан Јане за извршен директор на Генералниот директорат на националните болници.

Шефот за безбедност во Епл обвинет дека со ајпади потмитувал полицајци

Тале Кристо — Tue, 24 Nov 2020 10:00:53 +0000

Глобалниот директор за безбедност на Епл, Томас Мојер, е обвинет дека нудел поткуп за неговите безбедносни тимови да добијат лиценци за носење оружје. Обвинението вчера го поднесе големата порота во Калифорнија, а во него се наведува дека Мојер понудил мито вредно 70.000 долари во форма на Ајпади. Би-Би-Си наведува дека Епл се уште нема дадено коментар за случајот. Шерифот, Рик Сунг, и капетанот Џејмс Џенсон од округот Санта Клара се обвинети за барање мито за издавање дозволи за огнено оружје. Според државните закони, носењето оружје без дозвола е кривично дело. Округот Санта Клара соопшти дека Сунг го одложил издавањето дозволи за оружје на безбедносниот тим на Епл се додека Мојер не се согласи да донира производи во вредност од 70. 000 американски долари за канцеларијата на шерифот.

Aдвокат со кубанско потекло назначен за шеф за внатрешна безбедност на САД

Магдалена Андонова — Tue, 24 Nov 2020 08:47:58 +0000

Новоизбраниот американски претседател Џо Бајден го номинираше Алехандро Мајоркас, адвокат со кубанско потекло, за американски секретар за внатрешна безбедност, соопшти тимот на Бајден. На Мајоркас, поранешен јавен обвинител во Калифорнија и заменик-министер за внатрешна безбедност на САД во администрацијата на Барак Обама, му е доверено Министерството за внатрешна безбедност и се очекува да ја смени строгата имиграциска политика на Трамп. Министерството за внатрешна безбедност е основано по терористичките напади на 11 септември 2001 година, управува со крајбрежната стража и тајната служба, вработува околу 240.000 луѓе и е одговорно за безбедноста на границата, имиграциската контрола и кибер безбедноста, природни катастрофи и обезбедување помош на ранливите категории. Мајоркас, кој сега има 61 година, е роден во Хавана, но со семејството побегнал од режимот на Кастро во САД кога имал една година, прво во Флорида, а потоа во Калифорнија. - Соединетите Американски Држави ми дадоа на мене и на моето семејство место за живеење и засолниште. Денес сум номиниран да ги заштитам сите Американци и оние кои емигрираат во Америка барајќи подобар живот за себе и за своите најблиски, напиша Мајоркас на Твитер. (МИА)

Си го нападнале шефот на работа- двајца колеги во физичка пресметка против својот одговорен

Дарко Андоновски — Sun, 30 Aug 2020 13:59:08 +0000

На 29.08.2020 во 17,40 часот Т.К.(48) од Скопје пријавил дека на ул.“852“ во круг од фирма каде бил вработен како одговорно лице бил физички нападнат од вработените Р.С.(27) и Р.З.(22) двајцата од Скопје. Се преземаат мерки за расчистување на случајот.