шефица – Kurir.mk

Секој сака да има ваква шефица: За вработените подготви вредно изненадување кое сите ги расплака (ВИДЕО)

Ивана Ефремовски — Tue, 26 Oct 2021 13:02:37 +0000

Откако „Спанкс“ беше проценета на 1,2 милијарда долари (бидејќи инвестициската фирма „Блекстоун“ го купи мнозинскиот удел во компанијата), основачката на брендот одлучи да го сподели богатството со својот тим. Сара организирала забава за да го прослави успехот на компанијата, а на своите вработени им рекла дека ќе ги награди бидејќи без нив не би успеала. Таа ги известила дека секој ќе добие по 10.000 долари и два авионски билети за бизнис-класа за дестинација по сопствена желба. Со оглед на тоа што нејзината компанија има 500 вработени, ова дефинитивно не беше мал гест. -Ако одите на патување, сигурно би сакале и да излезете на убава вечера, или би сакале да одите во убав хотел, па со два авионски билети добивате и по 10.000 долари, им рече таа на вработените. Реакцијата на вработените заврши на социјалните мрежи.

View this post on Instagram

A post shared by Sara Blakely (@sarablakely)

Уапсена шефицата на Неаполската мафија

Тале Кристо — Sat, 07 Aug 2021 20:45:35 +0000

Шефицата на мафијата во Неапол, Марија Личарди, е уапсена денеска додека се обидувала да избега во Шпанија, објавија италијанските медиуми. Позната по прекарот „Пиколета“ (малечка) затоа што е ниска, Личарди (70) е сестра на покојниот Генер Личарди, основач на мафијашкиот клан Камора, лоциран во Неапол. Марија Личарди помина осум години во затвор и беше ослободена во декември 2009 година, потсетуваат медиумите, додавајќи дека тогаш го презела раководењето со мафијата. Уапсена е на аеродромот во Рим во моментот кога го предавала багажот пред да се качи на летот за Шпанија. Таа е обвинета за изнуда, местење аукциска продажба и други дела од мафијашки карактер, додаваат локалните медиуми.

Шефица од пеколот: Вработена побара слободни денови бидејќи нејзиниот син се борел за живот, а доби шокантни одговори!

Ивана Ефремовски — Mon, 15 Feb 2021 09:02:03 +0000

Кристал Рејнолдс Фишер од Мичиген доживеа непријатна ситуација откако на шефицата и' кажа дека нема да може да дојде на работа бидејќи нејзиниот син се бори за живот и завршил во болница. Имено, нејзиниот син одеднаш добил сепса и итно бил пренесен во болницата, каде лекарите го поврзале со апарати кои му помагаат да остане жив. Очајна и загрижена за својот син, мајката испратила порака на својата шефица на бензинската пумпа каде што работи, дека нема да може да дојде на работа и истовремено објаснила за што станува збор. Сепак, наместо очекуваната реакција, таа доби брутален одговор. „Тука не функционираат така работите, го прифаќам отказот“ вратила шефицата на оваа порака. Вознемирената жена тогаш праша како треба да функционираат работите кога животот на нејзиниот син е загрозен и тој дише на машини. „Никогаш не реков дека давам отказ, но еве, прифаќам дека ме отпушташ“ - налутено напиша мајката. Наскоро доби уште еден груб одговор: „Кога не можете да дојдете на работа, тоа значи дека давате отказ“. - Не, тоа значи дека ве известувам дека не можам да дојдам затоа што животот на моето дете виси за конец, а тоа ви го кажувам однапред, напиша Кристал, која потоа ја објави целата преписка на својот Фејсбук профил. За жал, тоа не беше крајот на преписката. Шефицата објаснила дека таа ќе мора да работи, дури и во таква ситуација. - Морам да ги платам сметките и на тој начин би била зафатена. Не може само така да доаѓате и да си заминувате од оваа компанија. Имате два дена покриени. Твојот син е на најдобро можно место, а јас морам да ја работам работата и тоа е во мојот фокус, напиша шефицата. Бидејќи јавноста изврши огромен притисок и силно ги осуди овие постапки, од компанијата излегоа со јавно соопштение: Тие ја отпуштиле шефицата на одделот каде работела оваа мајка, а на Кристал и дозволиле да земе слободни денови колку што има потреба и ја информирале дека истите ќе бидат платени.

Бојко Борисов во карантин, шефицата на неговиот кабинет заразена со коронавирусот

Магдалена Андонова — Fri, 24 Jul 2020 09:37:10 +0000

Шефицата на кабинетот на бугарскиот премиер Бојко Борисов, Деница Желева има позитивен тест на Ковид-19, премиерот е негативен но е ставен во карантин и се чека втор негативен тест, јави Бгнес. Тестирани се и сите членови на делегацијата што беа во Брисел каде учествуваа на самитот на шефовите на држави и влади на Европската унија. Во понеделникот, на 20 јули, владината прес-служба соопшти дека се утврдени два случаи на заразени со Ковид-19 меѓу вработените во администрацијата на Владата, по што зградата на 21 јули беше затворена за да се направи целосна дезинфекција. (МИА)

Британска фирма им дава на вработените слободен „мамурен ден“

Дарко Андоновски — Fri, 13 Dec 2019 21:56:00 +0000

Не е лесно после бурна вечер да станете и отидете на работа. А да се јавите и кажете дека сте болни? Една шефица токму тоа го спречила. Нејзините вработени можат дури однапред да резервираат „мамурен ден“ и да останат дома. Таа направила одлична работа велат стручни лица, вработените се среќни, се развива почит, а работното место е комотно и сепак се завршува работата. Не е секогаш лесна овој период од годината, посебно кога безопасната попладневна пијачка ќе продолжи до доцна во ноќтта, а следното утро треба да идете на работа. Затоа е многу добро да имате шефица, како британката Клер Кромптон. Директорката на дигиталната маркетинг фирма „The Audit Lab“ вели дека нејзините вработени секогаш можат однапред да резервираат „мамурен ден“ доколку знаат дека ќе имаат бурно излегување. Таа смета дека работодавачите треба да нудат такви погодности, посебно ако сакаат да привлечат талентирани луѓе во мали места како што се Болтон во кој е и нејзината фирма. Клер објаснила дека „мамурниот ден“ развива почит помеѓу вработените и доколку имаат ден за мамурлак нема да лажат и земаат боледување. Во што уште е разликата? На мамурниот ден сепак мораат да ја направат работата, но тоа можат да го направат на каучот дома и во пижами. Овој модел е посебно направен за милениумците кои сакаат да излегуваат сред работната недела, на пример во паб, па „мамурен ден“ си резервираат однапред. Всушност, сосема е логичната одлука на шефицата која на веб-страната на компанијата се претставува како „prosecco-loving yummy mummy“. Во оваа доба од годината, оваа деловна одлука е уште поактуелна, бидејќи дружењето со клиентите и во попладневните и вечерните часови е очекувано. Системот, како што велат и самите вработени, никој не го злоупотребува и дури и стручни лица ја истакнуваат важноста на позитивното и здравото работно опкружување, бидејќи од тоа зависи доброто на сите во фирмата. Инаку, неодамна истражувањето на BBC покажало дека 40% од вработените во Велика Британија попрво ќе излажат дека се болни, отколку да признаат дека им треба одмор од работата – ден за „излежување“ во кревет.

На шефицата и пратил перверзна порака, по што таа го повикала, а поради оваа грешка останал без работа

Матеја Петровски — Sat, 21 Jul 2018 14:27:25 +0000

Кога добил порака од непознат број, момчето решило да врати со непристојна содржина. Кори Хробовски добил порака од непознат број и решил да одговори затоа што мислел дека станува збор за некоја од девојките со која бил. -Ќе те натерам да дојдеш во петок во 12, пишувало во пораката која ја добил. Кори како одговор пратил непристојна порака. Погледнете ја преписката:

At this moment I knew I fucked up ? pic.twitter.com/DVIOaxnZlW
— Cory Hrobowski (@SznVibes) July 16, 2018

Преписката со шефицата тој ја објавил на Твитер, каде била споделена повеќе од 30.000 пати. Подоцна признал дека на таа порака ништо не одговорил, на што таа му пратила покана да дојдат да поразговараат за „условите за неговото вработување“. Меѓутоа, неговиот пост стана толку популарен и доби повеќе од 80.000 лајкови, поради што морал да даде отказ.