Дураку: Имаме економска, здравствена и енергетска криза, утре е денот кога ќе се одлучи дали ќе продолжи таквото владеење

Катерина Бојаџиева — Wed, 10 Nov 2021 22:05:17 +0000

Имаме интерпелација за влада, демократски чин, знаејќи дека имаме премиер во оставка кој сам ја најави и кога сите ја очекуваа да ја депонира, тој се премисли. Се работи за политичар кој не е прв пат да ги менува ставовите и да се пишмани што кажал. Тој многу работи кажал во минатото за кои се предомислил, вели за „Заспиј ако можеш“ на Алфа, Шефик Дураку од Алијанса за Албанците. Тој истакна дека ситуацијата во државата е драматична, има економска, здравствена криза, има и енергетска криза, а има и политичка криза како последица на политичката одлука на Заев кој најави оставка. - Утре е денот кога ќе се одлучува дали ќе се продолжи со вакво владеење или ќе има промена на власта. Заев пред три дена имаше состанок со коалиционите партнери, денеска пак имаше, тоа е доказ дека се во паника. Ова што се случува е обид за спас на политичката кариера на Заев, нагласи Дураку. Според него наместо во Бихаќка да даде отчет за поразот, тие го дочекаа со аплауз, како херој само затоа што се предомислил да не даде оставка. Тој посочи дека државата тоне, тоа се покажува во лошото справување со пандемијата, но и по тоа што тонеме по корупција, како и тоа што ДЕА спроведува акции за дрога, а МВР е исклучена од тие акции. - Опозицијата презема одговорност да се спаси тоа што може да се спаси, бидејќи ние тонеме секој ден. По корупција во 2016 бевме на 66 место, а во 2021 на 111 место. Тоа е показател во кој правец се движи оваа власт. Имаме акција на ДЕА која во главниот град се фаќа еден тон дрога а институциите немаат појма за таа работа, а тоа е така затоа што или не им веруваат, или се вмешани, а трето е што не знаат што им се случува во државата. Кога Америка ти прави акција во државата, а ти не знаеш, значи дека не си способен, потенцираше Дураку.

Груба политичко – новинарска манипулација или аматеризам на долгогодишните уреднички

Тале Кристо — Tue, 09 Nov 2021 15:07:46 +0000

Непознавање на албанскиот јазик или свесно погрешно пренесување на фејсбук статус со политички цели му се случува денеска на неделникот и портал Фокус.мк?, пишува порталот Експрес.мк. Неделникот Фокус на својот интернет портал денеска целосно погрешно пренесува фејсбук статус на Шефик Дураку од Алијансата за Албанците но во текстот не е прикажана точната порака и значење на статусот туку нешто друго што е далеку од вистината. Со својот текст Фокус повикувајќи се на сајт кој важи за близок на првиот вицепремиер Артан Груби (не)свесно се обидува да предизвикува конфликт меѓу Алијанса за Албанците и Левица иако тие што знаат албански јазик веднаш ќе разберат дека целта на Дураку е да ги разбие манипулациите на провладините медиуми и центри за наводен конфликт во опозицискиот блок во кој се двете партии. Фокус со огромно ниво на непознавање или тенденциозност пишува дека последната објава на Дураку на социјалната мрежа фејсбук го нарекол претседателот на партијата „Левица“ Димитар Апасиев кловн кој може да ги загрози интересите на НАТО. Притоа Фокус се повикува на речиси непознатиот портал opinionshqip.live. кој важи за близок или под контрола на вицепремиерот Артан Груби. Фокус во својот текст без да наведе извор или аргумент за својата теза пишува: “Ова е уште еден обид на претставниците на Алијансата да ја релативизираат соработката што ја имаат со овој субјект познат по своите антиалбански и анти-НАТО ставови, овојпат навредувајќи го лидерот на овој ентитет”. Во реалноста Дураку во постот цитира теза што ја туркаат провладините медиуми кои постојано повторуваат дека Апасиев и Левица ќе ги загрозат интересите на НАТО. “Тоа не можат ниту Русија и Кина”, иронично пишува Дураку кој бара владата и нејзините медиуми да не ја потценуваат интелигенцијата на граѓаните кои знаат точно што се случува со манипулациите планирани од владата. Текстот на Фокус во кој погрешно е пренесен статусот на Дураку е објавен на централно место на интернет порталот. Координатор на проектот Фокус е искусната Јадранка Костова а одговорен уредник е Гордана Дувњак меѓу другото познати и како уреднички и водителки во згаснатата ТВ1 на Боки 13 за која премиерот Заев рече дека била прогласена телевизија на СДСМ. Текстот на Фокус Постот на Дураку Постот на изворот на Фокус

Шефик Дураку – Kurir.mk

Дураку: Имаме економска, здравствена и енергетска криза, утре е денот кога ќе се одлучи дали ќе продолжи таквото владеење

Груба политичко – новинарска манипулација или аматеризам на долгогодишните уреднички