Шефилд јунајтед – Kurir.mk

Африкански милијардер го купува Шефилд Јунјатед

Дарко Андоновски — Fri, 03 Feb 2023 08:52:40 +0000

По неколку американски, руски, арапски и кинески милијардери, пред вратите на англискиот фудбал сега е и африкански милијардер, откако британските медиуми објавија дека 43-годишниот Нигериец Дозу Мобуси е на чекор од преземање на сопственоста на англискиот второлигаш Шефилд Јунјатед. Според истите извори, нигерискиот милијардер ќе го купи англискиот клуб, кој во моментов е второпласиран во Чемпионшип лигата, за околу 100 милиони евра. Мобуси е роден во Лагос, татко е на три деца, а неговото богатство се проценува на околу седум милијарди евра, Шефилд Јунајтед, кој во моментов е во сопственост на саудиски принц, веќе извесно време е на продажба, а е под суспензија и има забрана за трансфери поради долг кон друг клуб. Минатата година американскиот бизнисмен Хенри Маурис, основач на телевизиската куќа Clear TV, понуди повеќе од 120 милиони евра, меѓутоа зделката пропадна поради сложената финансиска структура која Американецот ја користеше во обидот да го купи клубот од Шефилд. Од вкупно 20 клубови во Премиер лигата, дури 15 се во странски раце, додека од 24 во Чемпионшип лигата, доминантен странски капитал има во 14 од нив.

Марсијал со „хет трик“, Јунајтед победи со 3:0

Тале Кристо — Wed, 24 Jun 2020 20:13:36 +0000

Ентони Марсијал постигна „хет-трик“, а Манчестер Јунајтед го совлада Шефилд Јунајтед со 3:0 во натпревар од 31. коло од Премиер лигата. „Црвените ѓаволи“ веќе на 13 последователни натпревари немаат пораз, и продолжуваат да бркаат место во Топ 4 и веќе имаат 49 бода. За гостинскиот тим, ова е втор последователен тежок пораз и трет последователен натпревар по обновувањето на првенството, во кој не успеаја да постигнат гол. Тие остануваат со 44 поени во горната половина од табелата. Резултати од Премиер лига: Јунајтед – Шефилд 3:0 Њукасл – Астон Вила 1:1 Норвич – Евертон 0:1 Вулверхемптон – Борнемут 1:0

Шефилд јунајтед му го нанесе вториот пораз на Арсенал оваа сезона

Ивона Петрова — Tue, 22 Oct 2019 06:33:36 +0000

Со голот на Лис Мусе, Шефилд јунајтед синоќа во последниот натпревар од 9. коло од шампионатот на Англија, го совлада Арсенал со 1:0. „ Топџиите“ ја прекинаа серија од пет средби без пораз, додека домаќините ја забележаа третата победа оваа сезона. На табелата во Премиер лигата, Арсенал со 15 бода остана на петтото место, Шефилд со 12 боде е на 9. позиција.