шеги – Kurir.mk

Три легендарни првоаприлски шеги на кои наседнале милиони

Ивона Петрова — Fri, 01 Apr 2022 08:55:50 +0000

Денес е 1 Април, Светскиот ден на шегата. Ова не е национален празник, но насекаде во светот се прославува како ден кога многумина прават шеги и будалаштини. Медиумите во поновата историја имале значајна улога кон овој ден. Ова се три шеги кои станале легендарни бидејќи на нив наседнале милиони луѓе. Војна на световите Одлична, иако неманерна шега од 1938 година, докажува дека многу лесно може да се збуни маса народ доколку истата не слуша внимателно. Орсон со радио драмата „Војна на световите“ предизвикал масовна паника во САД бидејќи слушателите поверувале дека светот навистина е нападнат од вонзејмани. Американците не се смирили ни по низата предупредувања дека се работи за фикција и радио драма. Се претпоставува дека наседнале околу 1,7 милиони лица и приказната на сфатиле здраво за готово. Шпагети од дрва Би-Би-Си на први април во 1957 година во емисија прикажа репортажа за семејство од Швајцарија кое одгледува стебла на кои растата шпагети. Во средина на репортажата имало жена која берела шпагети од дрво. Гледачите по завршувањето на емисијата ја преплавиле телевизија со писма и телефонски повици. Сите сакале да знаат каде може да купат шпагети-стебло. Хамбургер за левучари Бургер Кинг во 1998 година во весник во објавил оглас за „Left-Handed Whopper“, хамбургер кој бил посебно направен за левучари бидејќи состојките од хамбургерот при консумација капеле од друга страна. По објавата левучарите побрзале во нивните ресторани, а Бургер Кинг признал дека само се шегувал. Во меѓувреме примиле илјадници нарачки за хамбургер кој одговара за деснаци.

Урнебесни и уникатни идеи да се шегувате: Направете ги овие “финти“, утре е 1-ви Април (ВИДЕО)

Ивана Ефремовски — Wed, 31 Mar 2021 17:51:38 +0000

Утре е денот на шегата. Па, ајде да се шегуваме. Интересни идеи кои никого нема да повредат или навредат. Можеби малку ќе го налутат вашиот пријател, колега или член на семејството, но сигурно ќе се изнасмеете. Погледнете го видеото во продолжение и изберете си каква шега ќе му направите утре на некој ваш близок.

Загатки и шеги кои ќе ги разберат само интелигентните луѓе!

Катерина Бојаџиева — Wed, 10 Apr 2019 14:11:59 +0000

Сите сакаме да се насмееме на добра шега или интересна загатка. Денешната збирка загатки и шеги е наменета за оние коишто малку повеќе внимавале на часовите по физичка, логика и кои повеќе се интересират за наука. 1 . Што добивате кога ќе пресечете виц со реторично прашање? 2. 3 логичари одат во кафуле. Шанкерот ги прашува: „Дали сите сакате пијалок?“ 1: „Не знам“. 2. „Не знам.“ 3. „Да.“ 3. Ајнштајн, Њутн и Паскал играле криенка. Му дошол редот на Ајнштајн да бара и да брои до 10. Паскал побегнал и се скрил. Њутн на подот нацртал квадрат со големина од 1 квадратен метар пред Ајнштајн и останал да стои таму. Ајнштајн завршил со броењето, го гледа Њутн и вика: „Аха, Њутн, те видов!“, а Њутн му одговорил: „Не, го најде Паскал!“ 4. Римјанец оди во бар и бара мартинус. Шанкерот вика: „Мислите мартини?“, а овој му одговара: „Да сакав дупла доза, така и ќе ти кажев!“ 5. Уште еден Римјанец оди во бар, подигнува два прсти и вика: „5 пива ќе ве молам“. 6. Жената на логичарот се породила. Докторот му го дава детето на таткото. Неговата жена нестрпливо го прашува: „И, што е, девојче или момче?“ Логичарот вика: „Да“. 7. Ентропијата не е тоа што била претходно. 8. Хелиум оди во бар и нарачува пиво, а шанкерот вели: „Извинете, но овде не служиме племенити гасови.“ Тој не реагира на тоа. 9. Шродингеровата мачка влага во кафуле. И не влага. 10. Жената на програмерот му вели на мажот: „Оди до продавница и купи една векна леб. Ако имаат јајца, земи 10.“ Програмерот се вратил дома со 10 векни леб.