шеик – Kurir.mk

Почина Шеикот Саид бин Зајед Ал Нахјан

Дарко Андоновски — Thu, 27 Jul 2023 07:10:07 +0000

Шеикот Саид бин Зајед Ал Нахјан, брат на претседателот на Обединетите Арапски Емирати, почина утринава, објави државната новинска агенција ВАМ. „Претседателот на ОАЕ, неговото височество шеикот Мохамед бин Зајед Ал Нахјан, го оплакува својот брат, шеикот Саид бин Зајед Ал Нахјан, претставникот на владетелот на Абу Даби. Шеикот Саид, кој страдаше од здравствени проблеми, почина денеска“, се вели во официјалното соопштение. ОАЕ прогласи почеток на тридневна жалост, за време на која знамињата ќе бидат спуштени на половина копје. Саид бин Зајед Ал Нахјан е роден во 1965 година во Ал Аин, а во јуни 2010 година беше назначен за потсекретар на Одделот за планирање во Абу Даби. Тој беше и претставник на шеикот Зајед бин Султан Ал Нахјан. Тој беше претседател на Управата за поморски пристаништа (Абу Даби).

Шеикот ја поздрави бразилската навивачка, тоа не ѝ се допадна на жена му (ВИДЕО)

Ристе Здравков — Wed, 30 Nov 2022 16:07:34 +0000

Во текот на натпреварот меѓу Бразил и Швајцарија (1:0) дојде до необична ситуација во свечената ложа. Шеикот Хамад бин Калифа ал Тани во еден момент весело ѝ мавна на една бразилска навивачка која ја снимаше публиката, но тоа не му се допадна на неговата сопруга. Видеото од реакцијата на Моза бин Насер брзо се рашири на социјалните мрежи и предизвика различни коментари. Шеикот Хамад бин Калифа ал Тани е поранешен катарски емир, а неговото богатство се проценува околу 2 милијарди долари. На неговата сопруга Моза не ѝ се допадна потегот кој го виде како флерт на сопругот со навивачката, па буквално го пресече со погледот. Потоа, ѝ таа мавташе со раката. Моза важи за една од најдобро облечените жени во светот. Уште на почетокот од СП во Катар одушеви со изгледот. И додека на емирот по ова сигурно не му било многу забавно, корисниците на социјалните мрежи брутално се забавуваа на негова сметка. А, можеби некои од нив и од личното искуство. „Мислам дека нема да биде толку насмеан кога ќе си дојде дома“, е најчестиот коментар. На интернет се појавија и монтажи од моментот.

View this post on Instagram

A post shared by Desirée Soares Galvão Bueno (@desireesoares)

Шеикот Ал-Тани го отвори првиот Мундијал на Блискиот Исток

Ристе Здравков — Sun, 20 Nov 2022 15:44:17 +0000

Со спектакуларно свечено отворање, емирот на Катар, Ал-Тани го означи Светското првенство во фудбал за отворено. За првпат една мала земја како Катар, конкретно главниот град Доха се домаќин на најголемиот фудбалски и спортски самит на светот. Со кратко музичко-забавно шоу беа опеани земјите учесници и беше претставен домаќинот на шампионатот. По многу големи спортски настани, Светските првенства во ракомет, атлетика, гимнастика, Мундијалот за клубови во фудбал, Суперкупот на Италија, ревијални натпревари и спектакли, Доха ќе биде домаќин на 64 натпревари од 22-то издание на Светскиот Куп на ФИФА. Поранешниот освојувач на Светското првенство, Марсел Десаи го донесе пехарот во името на националниот тим на Франција, кој се радуваше на „богинката“ пред четири години и ќе ја брани во Катар. Свој говор на отворањето имаше и холивудскиот актер, Морган Фриман, кој пренесе порака до светот велејќи: „Ова е повик до целиот свет од Катар!“. На свеченото отворање беа изведени четирите официјални песни на Светското првенство во Катар. Фудбалската „оаза“ изградена среде пустина, тешка над 200 милијарди еврa. Катарците најмиле платени навивачи од Пакистан и Бангладеш кои ќе ја создаваат фудбалската еуфорија за десет долари дневно, три оброци и влезница за натрпевар..

Кој е шеикот Мухамед бин Зајед, ново-стар претседател на ОАЕ?

Ристе Здравков — Sat, 14 May 2022 14:39:56 +0000

Долгогодишниот де факто владетел на Обединетите Арапски Емирати, шеикот Мохамед бин Зајед Ал Нахјан, беше избран за претседател во саботата, објавија официјалните медиуми, еден ден по смртта на поранешниот лидер Шеик Калифа. Шеикот Мохамед беше едногласно избран од Федералниот врховен совет, составен од владетелите на седумте емирати, и го направи трет претседател на земјата богата со нафта, основана од неговиот татко во 1971 година. Многу очекуваното доаѓање на Шеик на власт ја формализира неговата позиција како водач на пустинска држава со 10 милиони жители. МБЗ, како што го нарекуваат колоквијално, (61) е де факто претседател на ОАЕ од 2014 година, кога неговиот полубрат Шеик Калифа доживеа мозочен удар и исчезна од јавноста. Брзината на денешната објава, само еден ден по смртта на шеикот Калифа, изгледа дизајнирана да покаже единство и да го убеди светот во стабилноста на оваа клучна нација која произведува нафта и гас и е домаќин на западните воени сили. Под водство на шеикот Мохамед, Обединетите Арапски Емирати испратија човек во вселената, испратија сонда на Марс и го отворија својот прв нуклеарен реактор, користејќи нафта за да развие порешителна надворешна политика. Тесно обединети со Саудиска Арабија, ОАЕ се позиционираа како лидер на преобликуваниот Блиски Исток по повлекувањето на традиционалните сили и намаленото учество на САД, врските со Израел и приклучувањето кон војната против борците поддржани од Иран во Јемен. „Непречената транзиција на власта во ОАЕ ја одразува трезвеноста на институционалната работа и напредното ниво на механизми за управување и нивната стабилност“, изјави за АП Анвар Гаргаш, висок дипломат во ОАЕ.

View this post on Instagram

A post shared by Mohamed bin Zayed Al Nahyan (@mohamedbinzayed)

Филантроп, војник и љубител на уметноста МБЗ е „тежок“ на околу 30 милијарди долари (богатството на неговото семејство се проценува на над 150 милијарди долари) и има блиски врски со рускиот претседател Владимир Путин и поранешниот американски претседател Доналд Трамп. Инаку, тој е голем пријател на Србија и на претседателот Александар Вучиќ, со кого се сретна неколку пати со цел подобра соработка на полето на билатералните односи меѓу двете земји и промовирање на заеднички проекти од големо значење за двете земји. Познато е и дека тој е близок со претседателот на Франција, Емануел Макрон, кој најави заминување во Емиратите по повод смртта на шеикот калиф Бин Зајед Ал Нахјан со цел да ја даде својата поддршка на владејачкото семејство, со кое Франција има деловни и воени врски. Тој е многу образован и поминал воена обука. Своето образование го започнал на Кралската академија во Рабат, Мароко, каде студирал до 10-годишна возраст. Потоа се вратил во Абу Даби каде го продолжил своето образование. Тој помина едно лето во независното училиште Гордонстон во Шкотска. По завршувањето на училиштето, тој бил испратен во Кралската воена академија Сендхерст во Обединетото Кралство. За време на неговиот престој во Сандхерст, тој завршил курс за вооружување, курс за летање, курс за падобран и се обучил за тактички авиони и хеликоптери.

View this post on Instagram

A post shared by محبين الشيخ محمد بن زايد 🇦🇪 (@shkmbz)

Тој е жесток борец против исламскиот екстремизам, а во борбата против Иран и Муслиманското братство ги сметаше САД и Трамп за негови главни сојузници. Сепак, од пандемијата на коронавирус, ОАЕ се обидуваат да ги рехабилитираат врските со Иран и Турција, кои ги поддржуваат исламистите во регионот. Шеикот Мохамед е во блиски односи и со рускиот претседател Владимир Путин и во минатото посредуваше во разговорите меѓу Путин и Трамп. Тој е и близок пријател на поранешниот американски претседател Џорџ Буш. Кога шеикот Мохамед се оженил со принцезата Салам во 1981 година, тој наредил изградба на стадион кој лесно може да прими 20.000 гости на седумдневна церемонија. Се проценува дека свадбата чинела 100 милиони долари. Поседува два приватни авиони – Боинг 747 (А6-ОАЕ) и Боинг 787 (А6-ПФЦ), а на море ужива во јахта од 60 милиони долари по име Рабдан. Шеикот претходно како канцеларија ја користеше претседателската палата во Абу Даби. Внатре во палатата е елегантна културна знаменитост позната како Каср Ал Ватан, која е отворена за јавноста за прикажување на културното наследство на ОАЕ. Со посредство на МБЗ, во Абу Даби беше отворен Лувр Абу Даби, Музеј на уметност и цивилизација, а се зборуваше и за отворање на Галеријата Гугенхајм. Тој е голем љубител на соколи и е многу ангажиран во нивното зачувување, поради што го основал фондот за заштита на Мохамед бин Зајед, кој обезбедува финансиска поддршка за да се обезбеди заштита на поединечни видови, како и да им оддаде чест на оние поединци кои неуморно работат за да ги заштитат такви видови. Тој е познат и како голем филантроп. Тој донираше 55 милиони долари на Глобалната иницијатива на Обединетите нации за борба против трговијата со луѓе. Во 2011 година, тој и Фондацијата Бил Гејтс ветија по 50 милиони долари за финансирање на купување и испорака на вакцини за деца во Авганистан и Пакистан. Хуманитарниот маратон Zaied, иницијатива што тој ја покрена во 2005 година, собра милиони долари за ширење на свеста за болестите на бубрезите. Поддржал разни други глобални програми.

Страшна исповед на манекенка: Со крв ми пишуваше дека ме сака, а потоа со 12 жени го чекав својот ред за се*с

Ивана Ефремовски — Mon, 22 Apr 2019 16:09:44 +0000

Џил Дод во 80-тите години била успешен модел, а потоа запознала 24 години постар маж. По оваа средба, нејзиниот живот тргнал во друга насока. Живеела во неговиот харем. -На 20 години потпишав договор со престижна модна агенција. Почнав да добивам ангажмани во Франција, во Париз снимав едиторијали за "Vogue". Бев млада, наивна и опиена од успех кога во Кан запознав млад, проќелав, буцкаст, но шармантен господин. Дури потоа сфатив дека тоа е Аднан Кашоги, кој заработил милијарди од препродажба на оружје, пишува во контроверзната книга на 58-годишната Џил. Се почнало кога Аднан ја повикал на танц. -Наеднаш го зграби столчето, го сврте и го фрли во огнот. Го направив истото што и тој. Се смеевме. Тогаш, без никакво предупредување, ме фати за рака и на надлактицата со крв ми напиша - "те сакам", пишува поранешната манекенка. Следниот ден ја поканил на својата 280 метри долга јахта, на која се снимал еден од филмовите за Џејмс Бонд. -Кога со пријателката дојдов на јахтата, Аднан не одведе до огромен ормар кој беше преполн со дизајнерска облека и можевме да бираме што сакаме. Разговаравме до пет часот наутро и јас се заљубив во него, напишала Џил. Шеикот бил оженет и имал пет деца, но имал право на 12 сопруги за задоволство. Многу брзо Џил станала дел од неговиот харем. Живеела заробена во неговите луксузни одаи во Саудиска Арабија и чекала да дојде на ред за сексуални односи со милијардерот. Со Аднан медиумите поврзувале многу светски ѕвезди. Во негово друштво уживале Џоан Колинс, Џеки Кенеди, Лајза Минели, Фара Фосет, а Синатра му бил еден од подобрите пријатели.

Шеикот останал без зборови: Сакал да ги изненади вработените, но само тој бил изненаден (ВИДЕО)

Ивана Ефремовски — Tue, 12 Mar 2019 11:09:39 +0000

Владетелот на арапскиот емират Дубаи ненајавено се прошетал во канцелариите на јавните служби и во луксузно опремените простории на шефовите затекнал празни работни маси. Ненадејната инспекција на шеикот Мухамед бин Рашид се одвивала во неделата рано наутро, но недела е вообичаен работен ден во Дубаи и шеикот очекувал дека во канцелариите на јавните служби луѓето ќе бидат на своите работни места. Но, како што се гледа на снимката која на Твитер ја објави владината служба за медиуми, единствената личност која таму се затекнала во 7:30 часот бил самиот владетел на Дубаи, кој за време на неговата ненадејна инспекција не можел да види ниедно лице, освен сопственото на фотографиите кои врамени виселе на ѕидовите. Шеикот Мухамед е познат по неговите рани утрински инспекции со кои сака да им испрати порака на службениците дека во работата мора да се држат до светските стандарди, особено што се однесува до точноста на доаѓањето на работа. Владината канцеларија за медиуми во Дубаи не ги објавила имињата на шефовите кои не биле на работа додека шеикот се шетал во нивните пусти канцеларии.

محمد بن راشد يقوم بجولة ميدانية تفقدية على الدوائرالحكومية بدبي صباح اليوم #دبي pic.twitter.com/RR9pPqaE7g
— Dubai Media Office (@DXBMediaOffice) August 28, 2016

Шеикот на Катар му подари скапоцен приватен авион на Ердоган

Дарко Андоновски — Fri, 14 Sep 2018 11:07:55 +0000

Шеикот на Катар, Тамим бин Хамад ал Тани му подари авион „Боинг 747-8“ на турскиот претседател Реџеп Тајип Ердоган. Се работи за еден од најскапите приватни авиони во светот, чија вредност се проценува на 367 милиони долари. Леталото денеска беше испорачано на аеродром во Истанбул. Боингот може да пренесе 76 патници и 18 членови на екипажот, а содржи и професионални сали за состаноци, како и мала болница. До неодамна авионот се користел за превоз на членови на кралското семејство на Катар. Анкара и Дпха негуваат исклучително блиски партнерски односи и заеднички настапуваат во политичките превирања на Блискиот Исток, а Катар и помогна на Турција и при неодамнешната монетарна криза.