Шејн Ларкин – Kurir.mk

Шејн Ларкин под казна го враќа турскиот пасош

Бошко Тасиќ — Tue, 03 Oct 2023 04:07:59 +0000

Анадолу Ефес објави дека Кошаркарскиот сојуз на Турција го повлекла статусот на домашен играч што му го има на нивниот играч Шејн Ларкин. Ларкин ја претставуваше репрезентацијата на Турција од 2021 година, но неговиот статус ќе се промени пред новата сезона. Раздорот меѓу двете страни започна по поразот од Турција на претквалификацискиот турнир за Олимписките игри, по што ги загубија сите шанси да играат во Париз следната година. Според Кошаркарскиот сојуз на Турција винивни за лошито настап на турнирот организран во Истанбул, биле натурализираните Американци, Скоти Вилбекин и Шејн Ларкин.

Странците кои не сакаат да играат за репрезентацијата на Турција ќе останат без пасоши

Бошко Тасиќ — Thu, 31 Aug 2023 04:21:12 +0000

Кошаркарската федерација на Турција одлучи да ги казни Американците Шејн Ларкин и Скоти Вилбекин, кои имаат и турско државјанство, бидејќи не сакаат да играат за репрезентацијата. Нивната одлука да не играат на претквалификациите за ЛОИ во Париз 2024 ги налути селекторот Ергин Атаман и луѓето во Федерацијата, кои одлучија да ги казнат така што тие повеќе нема да се сметаат за турски кошаркари во домашниот шампионат. Со оваа одлука казнети ќе бидат и клубовите за кои настапуваат Ларкин и Вилбекин, Анадолу Ефес и Фенербахче, за кои турските медиуми шпекулираат дека тие не ги пуштиле кошаркарите да играат за репрезентацијата. Ларкин и Вилбекин заработија суспензија од пет натпревари и парична казна од по 3.000 евра. Ларкин за турските медиуми изјави дека не можел да ѝ помогне на репрезентацијата бидејќи бил повреден, додека Вилбекин ги игнорирал повиците од селекторот Атаман.

Ларкин со остра реакција откако по казната од Турците

Бошко Тасиќ — Mon, 28 Aug 2023 04:18:10 +0000

Турската кошаркарска репрезентација реши да ги казни своите двајца натурализирани репрезентативци, Скоти Вилбекин и Шејн Ларкин за одбивање да играат, откако загубија во претквалификациите за Олимпијадата во Париз од Франција. По суспензијата од пет меча во турскиот шампионат и финансиската казна од 3.140 евра со лута реакција се јави Ларкин.

„Долго време молчев за ситуацијата во репрезентацијата ова лето поради респектот кој го имам кон играчите кои напорно работеа и се подготвуваа за квалификциите, но сега морам да кажам нешто, бидејќи се покажа огромно непочитување кон мене. Вистина е дека ме повикаа на тренинг-кампот иако знаеја дека имам повреди и дека е ризично да играм. Бев во САД на рехибилитација, а од репрезентацијата ме повикаа да го скенираат моето колено. Се вратив во Истанбул и тука лекарите кажа дека не треба да форсирам. Секогаш сум бил благодарен за шансата која ја добив во Турција и зборував со луѓетео од федерацијата, но тажно е што ме фрлаат под автобус кога делував само да не го ризикувам моето здравје. Турција е мојата втора татковина и ќе остане така“, пишува Ларкин на социјалните мрежи.

Ларкин и Вилбекин во проблеми

Бошко Тасиќ — Thu, 24 Aug 2023 04:07:45 +0000

Кошаркарската репрезентација на Турција не успеа да се пласира во квалификациите за пласман на Олимписките игри во Париз. Турците, беа домаќини на претквалификацискиот турнир, но во финалето доживеаја убедлив пораз од Хрватска. Овој пораз го вклучи алармот во националниот Сојуз, бидејќи Турција ќе го пропушти и Светското првенство кое ќе започне на 25.август. Натурализираните Американци, Шејн Ларкин и Скоти Вилбекин се означени како главни виновници за нуспешните олимписки претквалификации. Двајцата летово одбија да играат за Турција. Турскиот новинар, Умит Авџи вели дека Турската кошаркарска федерација побарала од двајцата, во следните 24 часа да објаснат зошто летово не ја претставувале својата земја. Тој не ја исклулува можноста Ларкин и Вилбекин да бидат казнети. Вилбекин играше за Турција на Светското првенство во 2019 година, Ларкин беше во составот на Евробаскетот 2022 година и двајцата се појавија во квалификациите за Светското првенство.

Анадолу Ефес добива „засилување“

Бошко Тасиќ — Fri, 09 Dec 2022 05:52:35 +0000

Двократниот европски првак Анадолу Ефес добива „засилување“ во пресрет на продолжението на сезоната. Во тимот се враќа еден од носителите на играта, Шејн Ларкин, кој некое време беше надвор од комбинација. Плејмејкерот кој настапува и за репрезентацијата на Турција неодамна заигра првпат по повредата, ама имаше нови проблеми. За среќа, повредата е санирана и тој се очекува да заигра следната седмица за пресметките со Басконија и Партизан, меѓутоа нема да биде тука за дуелот со Жалгирис.

Анадолу Ефес уште еден месец без Ларкин

Бошко Тасиќ — Tue, 11 Oct 2022 18:48:24 +0000

Кошаркарот од Соединетите Американски Држави кој настапува со турски пасош замина во родната земја на дополнителни прегледи. Ларкин заработи повреда играјќи за Турција на Евробаскетот, се мачи со болки во прстот и ќе отсуствува и натаму. Тренерот на Ефес, Ергин Атаман откри колку време нема да смета на плејмејкерот. „Ларкин ќе има нови прегледи во Соединетите Американски Држави на 14 октомври. Претпоставувам дека нема да може да игра уште четири-пет седмици. Секоја седмица ќе ја проценуваме неговата состојба, но мислам нема да биде тука уште шест-седум евролигашки натпревари“, рече Атаман.

Шејн Ларкин ќе паузира до крајот на годината

Бошко Тасиќ — Thu, 29 Sep 2022 18:28:22 +0000

Кошаркарите на Анадолу Ефес ја започнаа новата сезона во Турција со освојување на „претседателскиот трофеј“ во Суперкупот. Го победија големиот ривал Фенербахче, и тоа што без помошта на еден од најдобрите играчи, Шејн Ларкин. Американскиот плејмејкер ја повреди раката на Евробаскет и ќе паузира долг период. Тренерот Ергин Атаман откри дека Американецот ќе почне да тренира дури за 8 недели. Тоа значи дека Ларкин ќе биде на пауза до крајот на годината.

ШОК за Турците- Шејн Ларкин го завршува Европското првенство?

Бошко Тасиќ — Thu, 08 Sep 2022 05:48:16 +0000

Кошаркарот на турската репрезентација Шејн Ларкин, доби повреда на раката на натпреварот со Шпанија и ќе биде подложен на дополнително снимање. Тој ќе мора да одлета за Истанбул на снимање и доколку се утврди дека се работи за скршеница, за него Европското првенство е завршено. Селекторот на Турција, Ергин Атаман, потврди дека еден од најдобрите лекари во светот ќе го прегледа Шејн Ларкин, но истакна дека психолошки кошаркарот не се чувствува најдобро.

Шејн Ларкин го продолжи договорот со Анадолу Ефес

Бошко Тасиќ — Fri, 10 Jun 2022 13:57:18 +0000

Кошаркарот на актуелниот европски шампион Анадолу Ефес, Шејн Ларкин и покрај големите понуди на НБА тимовите и официјално ќе остане во турскиот кошаркарски гигант. Новиот договор на Ларкин е со важност од две години со што ќе остане во екипата каде во последните две сезони на два пати ја освојуваше кошаркарската Евролига. Сеуште не знае дали Василије Мициќ ќе остане, како и тренерот Атаман.

Европскиот првак ќе остане без Ларкин и Мициќ?

Бошко Тасиќ — Sat, 04 Jun 2022 06:44:09 +0000

Неколку дена откако излезе веста дека Ергин Атаман е еден од кандидатите за позицијата помошник тренер во еден од НБА тимовите, се појавија гласини дека НБА тим е заинтересиран за Ларкин. Исто така се шпекулира дека во НБА, кариерата ќе ја продолжи и партнерот на Ларкин во бековската линија, Василије Мициќ. За Ларкин се заинтересирани Вашингтон Визардс, а тој во НБА лигата настапуваше за екипите на Далас, Њујорк, Бруклин и Бостон, пред да дојде во Европа во 2018 година и да го облече дресот на Ефес со кој испиша историја.